Բաքուն Նախիջեւանում գրոհիչ ավիացիա է կուտակել, քաղաքացիականների հավաքագրումն է փորձարկում

Նոյեմբերի 16-20-ին Ադրբեջանի բանակը լայնամասշտաբ զորավարժություններ է անցկացրել, որն իր տեսակով բացառիկ չէր: «Ռազմինֆո» տեղեկատվական կենտրոնի փորձագետ Հայկ Խաչիկյանն armtimes.com-ի հետ զրույցում ասաց, որ ավելի խոշոր զորավարժություն էլ էր եղել, օրինակ, սեպտեմբեր ամսին, որից հետո էլ հրետանային վարժանքներ էին տեղի ունեցել: «Ընդհանուր առմամբ վերջին զորավարժությունն ադրբեջանական զորավարժությունների տրամաբանության մեջ մտնում էր, որեւէ բացառիկ բան չկար»,- ասաց Հայկ Խաչիկյանը՝ նշելով, որ զորավարժությունը հրամանատարաշտաբային բնույթի էր, վարժանքներին ներգրավվել էին Նախիջեւանի կայազորի ուժերը, Հայաստանին սահմանակից բանակային կորպուսների ստորաբաժանումները:

Հարցին՝ հերթակա՞ն զորավարժություն էր, Խաչիկյանը պատասխանեց. «Կարելի է ասել, որ հերթական զորավարժություն էր, իսկ բացառիկություն չլինելն էլ պայմանավորված է նրանով, որ պլանային զորավարժություն էր»:

Ռազմական փորձագետն անդրադառնալով զորավարժության ժամանակ կիրառված զինատեսականներին, ասաց, որ նոր զինտեխնիկա չի ցուցադրվել, սակայն այս զորավարժությանը հետաքրքրական էր նրանով, որ Ադրբեջանում սկսել են փորձարկել կոմունիկացիոն վերահսկման եւ ղեկավարման նոր համակարգ՝ շտաբների միջեւ համագործակցությունը բարելավելու նպատակով: «Սա էլ առաջին անգամ չէր ցուցադրվում, սակայն այս անգամ, թերեւս սա էլ օգտագործվեց»,- ասաց Հայկ Խաչիկյանը:

Հարցին, թե ի՞նչ է տեղի ունեցել Նախիջեւանի հատվածում, մեր զրուցակիցը պատասխանեց, որ ադրբեջանական զինուժը սկսել է խաղարկել զորակոչի համալրման աշխատանքները, այն էլ քաղաքացիականների հավաքագրմամբ: «Կոպիտ ասած, զինկոմիսարիատներին ներգրավել են վարժանքներում, ստուգում են զինկոմիսարիատների պատրաստվածությունը»:

Ռազմական փորձագետը Նախիջեւանում ռազմական ներկայության ակտիվացումը, ինչպես նաեւ մեծացումը Հայաստանի համար համարում է մտահոգիչ: «Հետեւողականորեն Ադրբեջանը տեխնիկա է կուտակում Նախիջեւանում: Վերջին մտահոգիչ դեպքն այն է, որ հարվածային ավիացիա տեղակայեց: «ՍՈւ 25» գրոհիչների մասին է խոսքը, ինչը նորություն էր, որովհետեւ մինչ այդ հայտնի չէր դեպք՝ գրոհիչ ավիացիայի ներգրավվածության մասին: Այս վարժանքներին եւս «ՍՈւ 25»-ները մասնակցել են»,- ասաց Հայկ Խաչիկյանը՝ նշելով, որ Նախիջեւանի հատվածում իրավիճակի հնարավոր փոփոխությունը պայմանավորված է նրանով, թե Ադրբեջանն ինչքա՞ն կփորձի մեծացնել էսկալացիան այդ հատվածում եւ դրան ի՞նչ պատասխան կտա հայկական կողմը:

«Ինչ վերաբերվում է սահմանային միջադեպերին, ապա, ըստ իս, այդտեղ մեծ նշանակություն ունի դիրքային հարաբերակցությունը: Այն տեղերում որտեղ ադրբեջանցիները որոշակի առավելություն կարող են ունենալ դիրքային առումով, նրանք այնտեղ փորձում են խախտել հրադադարը, իսկ կոնկրետ Նախիջեւանի դեպքում, մենք վերջերս էլ բարելավել ենք մեր դիրքերը: Պատճառներից մեկ, որ այդ հատվածում իրենք չեն փորձում սրացումներ մտցնել, հենց դա է»,- եզրափակեց «Ռազմինֆո» տեղեկատվական կենտրոնի փորձագետ Հայկ Խաչիկյանը:

Տպել
5376 դիտում

2018-ին բացահայտված հանցագործությունների դեպքերով պետությանը պատճառվել է 84.8 մլրդ դրամի վնաս

Շոկային պարտությունից հետո «Արսենալը» պետք է փորձի դուրս չմնալ Եվրոպա լիգայից

«Մենք ստացանք մեր լուծումը». ռեստորանատերերի խնդիրը կառավարությունը կարգավորեց

Ն. Փաշինյանը և ԵԱՀԿ Մինսկի խմբի համանախագահները կարևորել են հրադադարի ռեժիմի պահպանման իրականացումը

Արմավիրի քաղաքապետարանը սկսում է քաղաքը մեքենաների թափքերից մաքրելու ծրագիր

Թաեքվոնդոյի ֆեդերացիայի նախագահի ընտրությունները կրկին հետաձգվել են

Արամ Խաչատրյանի երաժշտության հիման վրա օրհներգի համար տեքստի մրցույթ է հայտարարվել

Նախարար Հակոբ Արշակյանի այցից հետո Կենտրոնական ավտոկայանում միջադեպ է տեղի ունեցել

Էստոնիայի դեսպանի հետ քննարկվել են բարձր տեխնոլոգիաների ոլորտում համագործակցության հեռանկարները

Վրաստանի խորհրդարանի հայազգի պատգամավորը կոչ է անում չտրվել միջէթնիկ լարվածության սադրանքներին

ՄԻԵԴ-ը Քոչարյանին առաջադրված մեղադրանքի կապակցությամբ որեւէ գործ չի քննել․ Վահե Գրիգորյանը հերքում է հրապարակումները

ՀՆԱ-ի իրական հավելաճը 2018 թվականին՝ 2017 թվականի համեմատ, կազմել է 5.2%․ Բաբկեն Թունյան

Պանթյուրքական շարժումները ժամանակակից Իրանում․ ի՞նչ կառույցներ են ղեկավարում դրանք

Դատախազությունը Վճռաբեկ բողոք է ներկայացրել Արմեն Գևորգյանին չկալանավորելու որոշման դեմ. բողոք կներկայացնի նաեւ պաշտպանը

«Իմ քայլը» խմբակցությունը մյուս շաբաթ հանդիպում է նախատեսում ոստիկանապետ Վալերի Օսիպյանի հետ․ Մակունց

Ագարակաձորի մանկապարտեզում ջեռուցման լոկալ համակարգ է կառուցվում (լուսանկարներ)

Փաշինյանի որոշմամբ Գեղարքունիքի, Լոռու եւ Տավուշի մարզպետների տեղակալներն ազատավել են աշխատանքից

Դատարանը վերացրել է «Ֆլեշի Բարսեղի» նկատմամբ ընտրված խափանման միջոցը

ԱՄՆ-ն կարող է հայտնվել Ռուսաստանի հրթիռների թիրախում․ Պուտինի կոշտ արձագանքը

Ոստիկանության Լոռու մարզային վարչության պետը նշանակվել է Գեղարքունիքի ոստիկանապետ