Ով էլ հետը շփվել ա, կարա իրա կյանքը տա Ալիկի համար. Նորատուսցի Ալիկի ընկերոջ ցուցմունքը

2016 թվականի նոյեմբերին Շենգավիթ վարչական շրջանում գտնվող «Լիա» գեղեցկության սրահին կից նկուղում տեղի ունեցած աղմկոտ սպանության գործով դատական նիստին այսօր հարցաքննվեց գործով ամբաստանյալ Նորատուսցի Ալիկ մականունով հայտնի Ալիկ Բանդուրյանի մտերիմ ընկերը՝ Դավիթ Զաքարյանը:

Ի պատասխան դատավոր Նելլի Բաղդասարյանի հարցին, վկա Զաքարյանն ասաց, որ ամբաստանյալներից ճանաչում է Ալիկ Բանդուրյանին եւ Բդո մականունով հայտնի Արմեն Գասպարյանին (Ալիկի թիկնապահը,-Տ.Խ.): Նա ասաց, որ Ռուսաստանում է եղել, երբ «ինտերնետից» տեղեկացել է դեպքի մասին: Վկան նաեւ ճանաչել է դեպքի օրը սպանված սույն գործով միակ տուժող Մուշեղ Մուշեղյանին՝ որպես Ալիկի վարորդ. «Ես Մուշոյի հետ միշտ կապի մեջ եղել եմ, դեպքից մեկ ամիս առաջ էի խոսել իր հետ, նորմալ ատնաշենիի մեջ ենք եղել: Եկա Հայաստան, իմացա, որ մահացել է ու ֆսյո»,- պատմեց նա:

Խոսելով Ալիկ Բանդուրյանի եւ Մուշեղ Մուշեղյանի հարաբերությունների մասին, վկան ասաց հետեւյալը. «Ալիկը մի քանի անգամ վրեն ջղայնացել էր, որ դեղ ա անում, ասել էր՝ պատվիս հետ ես խաղում, մեր տուն չգաս: Հետո Մուշեղը թոքի հետ կապված պրոբլեմ ուներ, ինձնից հետաքրքվեց, թե կլինի՞ Ալիկից փող ուզես բուժվելու համար, մոտեցա Ալիկին, ասեցի 300 հազար դրամ Մուշոն փող ա ուզում, ասեց՝ վերցրա տուր անվերադարձ թող գնա, բուժվի»: Մեղադրող դատախազ Գեւորգ Գեւորգյանի հարցին՝ Ալիկ Բանդուրյանը անվտանգության աշխատակից ունեցե՞լ է, վկա Դավիթ Զաքարյանը պատասխանեց. «Չէ, ով էլ իր ա հետ շփվել ա, կյանքը կարա տա Ալիկի համար, անվտանգության աշխատող չի եղել»:

Մեղադրողի մյուս հարցին, թե նախկինում քննիչի մոտ ցուցմունք տվե՞լ է, վկան դրական պատասխան տվեց: Ճշտող հարցին՝ քննիչին հայտնե՞լ է այն մասին, որ Ալիկ Բանդուրյանը 300 հազար գումար է իր միջոցով փոխանցել Մուշեղյանին, Զաքարյանը բացասական պատասխան տվեց: Հարցին, թե ինչո՞ւ չի հայտնել, վկան նշեց. «Չեմ հայտնել, պատճառ չկա, ինչ-որ մեկը որ հարց տա, կասեի»: Դատախազի դիտարկմանը, որ դատարանում էլ ոչ մեկը դրա վերաբերյալ հարց չտվեց, Զաքարյանն արձագանքեց. «Դե հիմա ինչ կա՝ դա եմ ասում»: Մեղադրողի մյուս հարցից պարզ դարձավ, որ այս վկան այսօր չէր ծանուցվել դատարան ներկայանալու վերաբերյալ: Երբ Գեւորգյանը հետաքրքվեց, թե որտեղից է իմացել այսօրվա նիստի մասին, վկան ասաց. «Միշտ էլ եկել եմ, չեն էլ ասել, որ ես վկա եմ: Անցած նիստին, երբ դրսում էի, ասեցին, որ դատարանում իմ անուն-ազգանունը կարդացել են»: Դատախազի հարցին, այսօրվա նիստին ի՞նչ նպատակով է ներկայացել, վկան ասաց. «Դե ասել են՝ եթե չներկայանաս, կձերբակալեն, ես էլ ներկայացել եմ»:

Մյուս մեղադրող դատախազ Քյարամյանի հարցին, թե Մուշեղ Մուշեղյա՞նն էլ էր պատրաստ մինչ աշխատանքից ազատվելը կյանքը տալ Ալիկի համար, Դավիթ Զաքարյանը պատասխանեց. «Նենց հարց ես տալիս, հիմա ինչ իմանամ, չեմ իմանում»: Վկան նաեւ ասաց, որ Մուշեղ Մուշեղյանը դեպքից երկու ամիս առաջ էր վերադարձել Ռուսաստանից: Պաշտպանական կողմի հարցին ի պատասխան՝ նա նշեց, որ Ալիկ Բանդուրյանին ձերբակալելիս իրեն եւս ձերբակալել են. «Իրար հետ ենք եղել»,- հավելեց նա, ապա ասաց, որ իրեն ՁՊՎ չեն տարել, այլ Քննչական կոմիտե, որտեղ հարցաքննել են եւ ազատ արձակել:

Շենգավիթ վարչական շրջանում գործող «Լիա» գեղեցկության սրահի նկուղային հարկում կրակոցներ էին հնչել, որի հետեւանքով 25-ամյա Գեւորգ Ավետիսյանը տեղում մահացել է, իսկ հրազենային վիրավորում ստացած 38-ամյա Մուշեղ Մուշեղյանը եւ 35-ամյա Արամ Պետրոսյանը տեղափոխվել էին «Սուրբ Աստվածամայր» բժշկական կենտրոն: Ավելի ուշ, ստացած վնասվածքներից մահացել էր նաեւ Մուշեղ Մուշեղյանը:

Տպել
14411 դիտում

Նախագահի հրամանագրով Գնդապետ Աշոտ Բալասանյանին շնորհվել է գեներալ-մայորի զինվորական կոչում

ՀՀ նախագահի հրամանագրով գնդապետ Արմեն Գյոզալյանը պարգևատրվել է «Մարտական խաչ» 2-րդ աստիճանի շքանշանով

Ավտովթար է տեղի ունեցել Իջևան-Նոյեմբերյան ավտոճանապարհին. տուժածները հոսպիտալացվել են Իջևանի բժշկական կենտրոն

Առաջնագծի որոշ ուղղություններում Արդբեջանի զինված ուժերը ջանադրաբար ստեղծում են ահաբեկչական խմբավորումների բազաներ. ՊԲ

Ադրբեջանում կրկին խուճապային տրամադրություններ են. Կարեն Հովհաննիսյան

Հակառակորդի խորքում տեղակայված կրակակետերը լռեցվել են. ՊԲ

Խախտվում է մարդու բժշկական օգնություն ստանալու իրավունքը. ԱՆ-ն կոչ է անում դատապարտել բժշկական կենտրոնների թիրախավորումը

Կառավարությունը բոլոր միջոցները կկենտրոնացնի Արցախում վնասները վերականգնելու համար․ Ղուլարյան

ՊԵԿ նախագահը զարմանալի տեղեկություն է հայտնել վարչապետին

Քննչական կոմիտեի ծառայողներից զինվորագրվել է 180 կամավորական

Ադրբեջանական տեղեկությունները մեր կորուստների մասին կեղծ են. Արծրուն Հովհաննիսյան

Արցախում կյանքը սպանելու Ադրբեջանի փորձերը ձախողվելու են, կազմակերպիչները ենթարկվելու են պատասխանատվության. ԱԳՆ

Թուրքական «Բայրաքթարները» Հայաստանի սահմանի մոտ ամեն օր հետախուզական թռիչքների են դուրս գալիս (տեսանյութ)

Ադրբեջանը Թուրքիայի անմիջական աջակցությամբ շարունակում է իր ցեղասպան քաղաքականությունը արցախահայության դեմ. վարչապետ

Շուշիի հրթիռակոծությունից ԱՀ ԱԻ պետական ծառայության 3 փրկարար վիրավորում է ստացել

Կորոնավիրուսից մահացել է ԱԺ նախկին պատգամավոր, փաստաբան Վարդան Զուռնաչյանը

ԱՀ ԶՈՒ զորահավաքի միջոցով համալրած անձնակազմի դրամական ապահովության գումարների վճարումները կիրականացվեն նոյեմբերի 10-ից

Ալիևը հայտարարել է, որ պատրաստ է առանց նախապայմանների Մոսկվայում բանակցել ՀՀ վարչապետ Նիկոլ Փաշինյանի հետ. Ինտերֆաքս

Ադրբեջանական թիրախավորված հարձակումից հետո (տեսանյութ)

Մահացել է Վճռաբեկ դատարանի քրեական պալատի նախկին նախագահ Դավիթ Ավետիսյանը