ՌԴ տարածքում ՀՀ վարորդական վկայականների գործածության հարցը ԵԱՏՄ դաշտում է. ՃՈ պետի տեղակալ

ՌԴ-ի տարածքում հայկական վարորդական իրավունքի վկայականներով ՀՀ քաղաքացիները շարունակում են տնտեսական գործունեություն ծավալել, սակայն խնդիրը դեռ վերջնական լուծում չի ստացել: ՀՀ Ճանապարհային ոստիկանության պետի տեղակալ Արթուր Տոնոյանն «Հայկական ժամանակ»-ի հետ զրույցում ասաց, որ Հայաստանի օրենսդրությունը փոփոխելու կարիք չկա, այլ՝ հարցը պետք է լուծվի ԵԱՏՄ-ի շրջանակներում: ԵԱՏՄ-ում այժմ քննարկումներ են ընթանում, որպեսզի անդամ երկրների օրենսդրությունները համապատասխանեցնեն ԵԱՏՄ-ի կանոնակարգերին:

- Պարոն Տոնոյան, օգոստոսին հայտարարվեց, որ ՀՀ եւ ՌԴ կառավարությունների ներկայացուցիչները պայմանավորվածություն են ձեռք բերել Ռուսաստանի տարածքում հայկական վարորդական իրավունքի վկայականներով անխոչընդոտ տնտեսական գործունեություն ծավալելու վերաբերյալ ներպետական օրենքներում փոփոխություններ կատարել: Հայկական կողմն ի՞նչ աշխատանքներ է կատարել օգոստոսից մինչ օրս:

- Ներկայումս հայկական ազգային եւ միջազգային վարորդական իրավունքի վկայականները վավեր են Կոնվենցիայի անդամ բոլոր երկրներում, այդ թվում՝ նաեւ ԵԱՏՄ անդամ երկրներում, մասնավորապես ՌԴ-ում: Այսինքն, մեր վարորդական վկայականները համապատասխանում են ճանապարհային երթեւեկության մասին միջազգային կոնվենցիայով, դրա հետագա փոփոխություններով եւ լրացումներով վարորդական վկայականներին ներկայացվող պահանջներին: Հետեւաբար՝ վավեր են բոլոր երկրներում: ՀՀ քաղաքացիները կարող են առանց խոչընդոտի, այդ թվում նաեւ ՌԴ տարածքում վարել տրանսպորտային միջոցներ ինչպես ՀՀ ազգային, այնպես էլ միջազգային վարորդական իրավունքի վկայականներով:

- ՌԴ-ում խնդիրն առաջացել է տնտեսական գործունեություն ծավալող վարորդների դեպքում: Եթե, օրինակ, տաքսի էին վարում, խնդիր էր առաջանում:

 - Դուք ճիշտ եք: Նմանատիպ ձեռնարկատիրական գործունեությունով զբաղվելու հետ կապված տվյալ երկրների օրենսդրությունն է որոշում: 2017 թվականի հունիսի 1-ից ՌԴ-ում ուժի մեջ էր մտել մեր ազգային վարորդական իրավունքի վկայականներով ձեռնարկատիրական եւ աշխատանքային գործունեություն իրականացնելու արգելքը: Դա հակասում էր ԵԱՏՄ աշխատուժի ազատ տեղաշարժի սկզբունքին եւ դա մեր կողմից ներկայացվել է: Հիմա նշված խնդիրը քննարկման փուլում է ԵԱՏՄ անդամ երկրների օրակարգում: Իրենց օրենքը ոչ թե հետաձգել են, այլ կասեցրել են: Ներկայումս մեր քաղաքացիները ոչ մի խնդիր ՌԴ-ում չունեն մինչեւ առավել կհստակեցվի այդ խնդիրը: ՀՀ օրենսդրությամբ այլ պետության վարորդական իրավունքի վկայականների գործածության սահմանափակումներ եւ արգելքներ չկան:

- Ճի՞շտ եմ հասկանում, որ Հայաստանի օրենսդրությունը փոփոխելու կարիք չկա, այլ պարզապես հարցը կախված է ԵԱՏՄ-ի կանոնակարգերին ՌԴ-ի նշված օրենքը համապատասխանեցնելու հետ:

- Այո: Ամեն դեպքում մեր ազգային վարորդական իրավունքի վկայականը Ճանապարհային երթեւեկության մասին 1961 թվականի Կոնվենցիայով համապատասխանում է միջազգային ստանդարտներին, եւ ոչ մի խնդիր ներկայումս չունի, մասնավորապես՝ ՌԴ-ի տարածքում:

- Ձեր ռուս գործընկերները, որոնք ենթադրում եմ, որ մասնակցում են ԵԱՏՄ-ի կանոնակարգերին իրենց օրենսդրությունը համապատասխանեցնելու աշխատանքին, ի՞նչ են ասում, դուք տեղյա՞կ եք, թե որ փուլում է համաձայնեցնելու գործընթացը:

- Ես ասեմ, որ նմանատիպ քննարկումները կառավարության մակարդակով է: Այո՛, մենք էլ ենք մասնակցում եւ յուրաքանչյուրս մեր կարծիքը ներկայացնում ենք: Իրենք այժմ դնում են այն հարցը, որ վարորդական վկայականի տրամադրման ամբողջ գործընթացը պետք է համապատասխանեցնեն իրենց երկրների օրենսդրության, պահանջներին եւ չափորոշիչներին, որը ԵԱՏՄ-ի անդամ մյուս պետությունների մոտ առաջացրել է դժգոհություն: Կարեւորը վերջնական փաստաթղթի ընդունումն է: Իրենք պահանջում են, որ ուսուցանման գործընթացները անդամ երկրների մոտ համահունչ լինեն, մենք էլ դրան ինչ-որ ձեւով դեմ չենք, բայց տեղեկատվական տեխնոլոգիաների ընձեռած հնարավորությունների պայմաններում, դուք գիտեք, որ վարորդական իրավունքի վկայականի ստացման համար տեսական գիտելիքների ստացումը դարձել է առավել քան երբեւէ մատչելի եւ որեւէ բարդություն տեսական գիտելիքների յուրացման տեսանկյունից առկա չէ: Ինչ վերաբերվում է գործնական վարման ուսուցմանը, ապա ուսումնասիրությունների արդյունքում պարզ է դառնում, որ ՀՀ-ում այժմ գործում են տարբեր կազմակերպություններ, անհատ ձեռներեցներ, որոնք բավականաչափ արդյունավետ իրականացնում են այդ գործընթացը: Դա նման ծառայությունների մատուցումը նաեւ դարձրել է մրցակցային: Ելնելով դրանից՝ «A», «B» եւ «C» կարգերի վարորդական իրավունքի վկայական ստանալու համար նյութական միջոցների ծախս պարտադրելը քաղաքացիների համար որեւէ կերպ արդարացված չի կարող լինել:

- Մի խոսքով, այդ խնդիրը ԵԱՏՄ-ի դաշտում է:

- Այո, այդ դաշտում է գտնվում եւ հիմա քննարկումներ են ընթանում, թե վերջնական տարբերակն ինչ կարգով կլինի, ես չեմ կարող ասել, բայց որ ներկայումս ոչ մի խնդիր չկա, մեր քաղաքացիներն այնտեղ ձեռնարկատիրական ծառայություններ են մատուցում հայկական վարորդական իրավունքի վկայականներով եւ նրանց համար խնդիրներ չեն առաջացնում, միանշանակ է:

Հիշեցնենք, որ 2017 թվականի հուլիսի 1-ից Ռուսաստանում ուժի մեջ էր մտել օրենք, որը արգելում էր օտարերկրյա վարորդական իրավունքով վարորդներին աշխատել երկրի տարածքում՝ տրանսպորտի ոլորտում։ Հուլիսի 14-ին Պետդուման ընդունել է օրենք, ըստ որի՝ այն երկրների քաղաքացիներին, որտեղ ռուսաց լեզուն պաշտոնական կարգավիճակ ունի (Բելառուսը, Ղազախստանը, Ղրղզստանը) իրավունք է տրվում վարորդ աշխատել Ռուսաստանի տարածքում՝ ազգային վարորդական իրավունքների հիման վրա։ Օգոստոսի 14-ին Աստանայում տեղի ունեցած ԵԱՏՄ միջկառավարական խորհրդի նիստում անդրադարձ էր կատարվել ԵԱՏՄ անդամ երկրների վարորդական իրավունքի վկայականների փոխադարձ ճանաչման հարցին: Օգոստոսի 18-ին Մոսկվայում կազմակերպվել է խորհրդակցություն, որին մասնակցել են ՀՀ ոստիկանության պետի տեղակալ Վարդան Եղիազարյանը եւ ՌԴ ներքին գործերի նախարարի առաջին տեղակալ Ալեքսանդր Գորովոյը: Քննարկմանը նաեւ մասնակցել են ԵԱՏՄ քարտուղարության ներկայացուցիչներ: ՀՀ վարչապետի մամուլի խոսնակ Արամ Արարատյանի խոսքով, քննարկումների արդյունքում կողմերը համաձայնել են, որ հնարավորինս սեղմ ժամկետներում անհրաժեշտ է համապատասխան փոփոխություններ կատարել Ռուսաստանի Դաշնության եւ Հայաստանի Հանրապետության օրենսդրություններում, որոնք վերաբերում են խնդրո առարկային:

Տպել
5172 դիտում

4680 դպրոցահասակ երեխա կհանգստանա ամառային ճամբարներում

Գյումրիում մաքսատուն կառուցելու ծրագիրն ընթացքի մեջ է, տարածքն արդեն ընտրվել է․ վարչապետ

Զենքն անզգուշությամբ մաքրելիս Ուկրաինայի Գերագույն ռադայի պատգամավորը մահացել է

Սարգսյանն առաջարկում է փակել հիմնադրամի հաշվին խաղադրույք կատարող Վարդանյանի էջը, վերջինս արձագանքել է (տեսանյութ)

Քաղսի համայնքի երեխաներն իրենց ձեռքով իրենց համար ֆուտբոլի դարպաս են սարքել (լուսանկարներ)

Մխիթարյանը մեղրամիսն անցկացնում է Մալդիվներում

Բոլորի ելույթները լսելով՝ շատ հուզվեցի. Լեւոն Քոչարյանը՝ Մարտի 1-ի զոհերի հարազատների ելույթների մասին

Պետբյուջեի կատարողականում տեսնում ենք ալարկոտություն եւ հարմարվողականություն․ Արման Բաբաջանյան

Որդիս ինչո՞ւ սպանվեց, բա ես ի՞նչ անեմ հիմա, ասեք. մարտի 1-ի զոհերից Տիգրան Աբգարյանի մայրը՝ դատարանում

Երանի կտայի, որ իմ որդին խփվեր Ղարաբաղում, ոչ թե Հայաստանի կենտրոնում. Վաչագան Ֆարմանյան

Մեկնարկել է ԱԺ-կառավարություն հարց ու պատասխանը․ հարցերի համար հերթագրվել է 45 պատգամավոր

Արցախում գնդիկաբեկորային ավիառումբի պայթյունից քաղաքացի է տուժել

Կոնդի Սուրբ Հովհաննես եկեղեցու հետևում 2 մետաղական տնակներ են այրվում (տեսանյութ)

Արտահանման ծավալների նվազումը տագնապահարույց է, բայց կառավարության ջանքերն իրենց երկար սպասեցնել չեն տա․ ֆիննախ

Ի՞նչն էր խանգարում Ռոբերտ Քոչարյանին, մի հատ հրաման արձակեր, ասեր՝ չկրակեք ժողովրդի վրա. Սարգիս Քլոյանի ելույթը

Դեմոկրատներին տված յուրաքանչյուր ձայնը քվե կլինի ծայրահեղ սոցիալիզմին ու ամերիկյան երազանքի ոչնչացմանը. Թրամփ

Սառա Անջարգոլյանը նշանակվել է սփյուռքի գործերի գլխավոր հանձնակատարի գրասենյակի ղեկավար

Հացադուլ հայտարարած Վահե Մելոյանի գիտակցությունը պարզ է, կողմնորոշումը՝ բավարար

Արքայազն Ուիլիամին ուղեկցող ոստիկանը վթարի է ենթարկել 83-ամյա կնոջը. վերջինիս վիճակը ծանր է

2 տարում մեղադրյալի 26-ամյա որդու բանկային հաշիվներին շուրջ 18 մլն դոլարին համարժեք դրամի մուտք է եղել. գլխավոր դատախազ