ԱՄՆ-ն ընդառաջ է գնում Թուրքիային. «ճշգրտումներ կարվեն» Սիրիայի քրդերին զինելու հարցում

Միացյալ Նահանգները «ճշգրտումներ կանի» Սիրիայի քրդական ուժերին տրամադրվող ռազմական աջակցության հարցում: Սակայն ԱՄՆ-ն շարունակելու է աջակցությունը մինչև «Իսլամական պետություն» ահաբեկչական խմբավորման վերջնական ոչնչացումը: 

Այս մասին հայտարարել է Պենտագոնի խոսնակներից Էրիկ Պահոն, փոխանցում է Reuters գործակալությունը, գրում է ՌազմԻնֆոն:

Ավելի վաղ հայտնել էինք, որ ԱՄՆ նախագահ Դոնալդ Թրամփը Թուրքիայի նախագահ Ռեջեփ Թայիփ Էրդողանին հայտնել էր, որ Սիրիայում ԱՄՆ-ն պատրաստվում է իր գործընկերներին հատկացվող ռազմական աջակցության հարցում վերանայումներ կատարել:

Թրամփի խոսքով, ԱՄՆ-ի՝ Սիրիայում գործընկերներին տրամադրվող ռազմական աջակցության հարցում վերանայումները պայմանավորված են այդ տարածաշրջամ ռազմավարական իրավիճակի փոփոխմամբ:

«Ռաքքա քաղաքի համար պայքարն ավարտվել է, իսկ «Իսլամական պետություն» խմբավորման ահաբեկիչները կորցրած դիրքերը վերադարձնելու հնարավորություն այլեւս չունեն»,- ասված է Վաշինգտոնի պարզաբանման մեջ:

Նոյեմբերի 26-ին, ԻՊ դեմ պայքարի ԱՄՆ գլխավորած կոալիցիայի խոսնակներից մեկը հայտարարել է, որ ԱՄՆ քննարկում է արաբա-քրդական ուժերից կազմված «Սիրիայի դեմոկրատական ուժեր» խմբավորմանը աջակցությունում կրճատումներ անելու հարցը: Կրճատումներ լինելու են ինչպես խոհրդատուների թվաքանակում, այնպես էլ մատակարարվող սպառազինությունում:

Նա նաև նշել է, որ քրդական «Ժողովրդական ինքնապաշտպանության ջոկատներ» (YPG) խմբավորմանը տրամադրվող զենքը արդեն իսկ սահմանափակվել է: Միևնույն ժամանակ սոցցանցերում և մամուլում տեղեկություններ են տարածվում, որ ԱՄՆ-ն շարունակում է զրահամեքենաներ ուղարկել SDF խմբավորմանը:

Նշենք, որ Սիրիայի քրդական խմբավորումներին ԱՄՆ-ի աջակցությունը լրացուցիչ լարվածություն է առաջացրել թուրք-ամերիկյան հարաբերություններում: Թուրքիայի իշխանությունները Սիրիայի քրդական ուժերին համարում են «ահաբեկչական կառույցներ» և քննադատում ԱՄՆ-ին այդ ուժերի հետ համագործակցելու համար:

Թուրքական կողմը նաև տեղեկություններ է տարածում, որ նախագահ Ռեջեփ Թայիփ Էրդողանը խոսել է ԱՄՆ նախագահ Դոնալդ Թրամփի հետ, և վերջինս հայտնել է, որ այլևս քրդական ուժերին զենք չեն տրամադրելու:

Թուրքիայի վարչապետն էլ հայտարարել է, որ Սիրիայում «Իսլամական պետություն» ահաբեկչական խմբավորման ոչնչացումից հետո, Թուրքիան ակնկալում է, որ Միացյալ Նահանգները կդադարեցնի համագործակցությունը Սիրիայի քրդական խմբավորումների հետ:

Հատկանշական է, որ վերջին շրջանում, երբ ԱՄՆ-Թուրքիա հարաբերությունները մոտենում էին վտանգավոր սահմանակետի, Անկարան անգամ սպառնացել էր իր տարածքից հանել ՆԱՏՕ-ի ռադարը, իսկ Էրդողանի օգնականը հայտարարել ՆԱՏՕ-ի կազմում մնալու հարցի վերանայման հնարավորության մասին, ամերիկյան իշխանությունները Թուրքիային ընդառաջ գնալու որոշակի քայլեր են ձեռնարկել:

Վերջերս, ըստ hurriyet.com-ի տեղեկությունների՝ Թուրքիայի նախագահ Ռեջեփ Թայիփ Էրդողանի հետ հեռոխոսազրույցի ժամանակ ԱՄՆ նախագահ Դոնալդ Թրամփը խոստացել էր վերանայել ընդդիմադիր իսլամական քարոզիչ Ֆեթուլլահ Գյուլենին Թուրքիային արտահանձնելու հարցը:

«Պարոն Թրամփն այս խոստումը տվել է նոյեմբերի 25-ին տեղի ունեցած հեռախոսային բանակցության ժամանակ: Բանակցությունները, ներառյալ այս հարցը, անցել են շատ կառուցողական հունով»,- ասել է Էրդողանը:

Հիշեցնենք, որ ԱՄՆ-ում բնակվող իսլամական քարոզիչ Ֆեթուլլահ Գյուլենին եւ նրա կողմնակիցներին Թուրքիայում պաշտոնապես մեղադրում են անցյալ տարվա ամռանը հեղաշրջման փորձի կազմակերպման մեջ: Գյուլենն այդ մեղադրանքները հերքում է:

Թուրքիան քանիցս ԱՄՆ-ից պահանջել է արտահանձնել Գյուլենին, սակայն Վաշինգտոնը չի գնացել այդ քայլին՝ նշելով, որ արտահանձման համար ներկայացված փաստերը բավարար չեն: Այս խնդիրն ԱՄՆ-Թուրքիա հարաբերություններում զգալի լարվածություն է առաջացրել:

Տպել
1141 դիտում

Պետական համակարգն ու տարբեր կառույցներն այլեւս չեն միջամտում գործարար ոլորտին․ Տիգրան Խաչատրյան

Եւս մեկ անգամ հռչակում եմ տնտեսական հեղափոխության կարգախոսը․ հերիք է ինչքան նստեցինք տեղներս, վե՛ր կենանք ու քայլենք

Վարդենյաց լեռնանցքը կցորդիչով բեռնատարների համար փակ է, մարդատար ավտոմեքենաների համար՝ դժվարանցանելի

Տնտեսական հեղափոխության մեր մեթոդը չի տարբերվում քաղաքական հեղափոխության մեր մեթոդաբանությունից․ Նիկոլ Փաշինյան

Չարենցավան-Հրազդան ավտոճանապարհին տեղի է ունեցել ճանապարհատրանսպորտային պատահար․ կան տուժածներ

Վանաձորում մեկնարկել է «Իմ քայլը հանուն Լոռու մարզի» ներդրումային-բիզնես ֆորումը․ ներկա է լինելու վարչապետը

Ստեփանավանում 81-ամյա կինը ինքնասպան է եղել տանիքում

Դեսպան Սամվել Մկրտչյանը հանդիպել է Լեհաստանի ԱԳՆ պետական քարտուղարի հետ

«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել