Աբովյանի պետական քոլեջում այսօր դասադուլ է եղել. ջեռուցում չի ապահովվում

Այսօր մեզ հայտնի դարձավ, որ Աբովյանի պետական քոլեջում դասադուլ է հայտարարվել: Սովորողները երկրորդ դասից հետո հրաժարվել են մասնակցել դասերին, որովհետեւ ջեռուցում չի ապահովվում, եւ լսարաններում ցուրտ է:

Ուսանողներից մեկը մեզ հետ զրույցում պատմեց. «Արդեն ինչքան ժամանակ է՝ Աբովյանի պետական քոլեջը չի ջեռուցվում: Բավականին հիվանդ երեխաներ կան, դասախոսներն էլ են հիվանդանում դրա պատճառով: Ուսանողները այսօր որոշեցին դասադուլ անել: Մի մասը քոլեջից դուրս եկավ, մի մասը մնաց քոլեջում, բայց լսարաններ չմտավ: Ուսանողներից մեկը, որը կազմակեպել էր այդ ամեն ինչը, տնօրենի հետ կոնֆլիկտի մեջ մտավ: Տնօրենն ասաց՝ դադարեցրու, թե չէ կհեռացնենք եւ այլն: Այսպես փորձեցին վախեցնել: Ուսանողներն էլ իմացան, որ հեռացնելու են այդ տղային, ավելի շատ լարվեց վիճակը, տնօրինության հետ սկսեցին կռվել, որ չեք հեռացնելու ոչ մեկին»:

Բողոքի ակցիայի կազմակերպչի մասին խոսելով՝ նա նկատի ունի քոլեջի գեղանկարչության բաժնի չորրորդ կուրսի ուսանողներից մեկին:

«Կազմակերպիչ ասվածն այսպես է. ուսանողներին առաջարկել էր դասադուլ անել, ուսանողներն էլ համաձայնել էին: Նույնիսկ դասախոսները կողմ էին դասադուլին, ասում էին՝ մի եկեք դասի: Որովհետեւ, եթե մենք չգնանք, դասախոսներն էլ չեն գա: Գալիս են ու հիվանդանում»,- իրավիճակը ներկայացրեց մեր զրուցակից:

Ասաց, որ լսարաններում օդի ջերմաստիճանը չեն չափել. «Չենք չափել, բայց շատ ցուրտ է, երեխեքը գալիս են, նույնիսկ նորմալ դաս չի անցկացվում ցրտի պատճառով»:

Ջեռուցում չապահովելու պատճառաբանությունն, ըստ նրա, այն է, որ քոլեջը չունի համապատասխան միջոցներ, եւ լսարանները չեն ջեռուցվելու նաեւ դեկտեմբերին: Սովորողները որոշել են դասերին չմասնակցել նաեւ վաղը:  

Աբովյանի պետական քոլեջի տնօրեն Գեւորգ Սողոմոնյանից մեզ չհաջողվեց մեկնաբանություն ստանալ տեղծված իրավիճակի եւ ջեռուցման հետ կապված խնդրի շուրջ:

Փորձեցինք դա անել Կրթության եւ գիտության նախարարությունից, քանի որ տվյալ ուսումնական հաստատությունը գտնվում է նախարարության ենթակայության տակ: ԿԳՆ մասնագիտական կրթության եւ ուսուցման բաժնի պետ Կարեն Մանուկյանը, որը դեռ տեղյակ չէր Աբովյանի քոլեջում տեղի ունեցածի մասին, տնօրենի հետ կապ հաստատելուց եւ պարզաբանումներ ստանալուց հետո պատասխանեց.

«Ջեռուցման համակարգը սկսել է շահագործվել, բայց քանի որ հին համակարգ է՝ Սովետական Միության տարիներին կառուցված, տեխնիկական անսարքություն ունի, ինչի պատճառով այսօր ջեռուցում չի կարողացել ապահովել: Մի դետալը ձեռք է բերել, մյուս դետալի հետ կապված խնդիր կա, փորձում է ամեն ձեւով ապահովել: Խոստացել է, որ դեկտեմբերի մեկից նորմալ ջեռուցում կլինի: Հիմա փորձելու են լսարանները ջեռուցել էլեկտրական տաքացուցիչների միջոցով՝ դասապրոցեսը չխանգարվելու համար, մինչեւ ամբողջ ջեռուցման համակագը կենթարկվի շահագործման»:

Կարեն Մանուկյանը նշեց, որ ըստ տնօրենի՝ քոլեջի ամբողջ ուսանողությունը չէ, որ դասադուլ է արել. «Ուղղակի բողոքել են, որ լսարաններում ցուրտ է»:

Ինչ վերաբերում է ուսանողներին ներկայացված տեղեկություններին, թե ջեռուցում ապահովելու համար քոլեջը չունի անհրաժեշտ միջոցներ, ու լսարաններոմ ջերմություն չի լինի նաեւ դեկտեմբերին, նախարարության բաժնի պետը պատասխանեց.

«Պետությունը գումար է փոխանցում շենքի պահպանման, նաեւ ջեռուցման համար: Եթե ծախսը շատ լինի, պետության հատկացրած գումարը չբավարարի, դա այլ խնդիր է: Իրենք տարվա կտրվածքով հաստատում են իրենց ծախսերը: Ջեռուցման համակարգի անսարքության պատճառով, նայած, թե ինչ է փչացել, կարող է չնախատեսված ծախս է առաջացել եւ գումարի հետ կապված որոշակի խնդիր լինի, բայց ուսումնական հաստատությունը դա պետք է շտապ կարգավորի, որ ջեռուցում ապահովվի: Եթե չեն կարողանում կենտրոնացված կամ այլ միջոցներով ջեռուցել, ապա դասընթացը պետք է դադարեցնել: Երկար ժամանակ նախարարությունն էլ թույլ չի տա, որ նվազագույն՝ +18 աստիճան, ջերմությունը լսարաններում չապահովվի»,- հայտարարեց Կարեն Մանուկյանը:

Տպել
3676 դիտում

ՀՀ դատախազության խոսնակը հավելյալ պարզաբանումներ է ներկայացնում Հարություն Մաշադյանի վերաբերյալ

Դ. Տոնոյանը հանդիպել է Հունաստանի գործընկերոջ հետ, այցելել IDEX-2019 ռազմարդյունաբերական ցուցահանդես

Ստեփանծմինդա- Լարս ավտոճանապարհը փակ է տրանսպորտային բոլոր միջոցների համար

Հայաստանի արտգործնախարարը հանդիպել է ԱՄՆ Ազգային անվտանգության խորհրդի ավագ տնօրենին

Հայ-սերբական հարաբերություններն ունեն զարգացման ներուժ. Ա. Սարգսյանը հանդիպել է Սերբիայի նախագահին

17:00-ի դրությամբ ընտրություններն ամենաակտիվը Օհանավան եւ Ակնաղբյուր համայնքներում են անցնում

Հանրապետության որոշ ավտոճանապարհներին գետնաբուք է

Թմրանյութ պահելու և օգտագործելու կասկածանքով բերման է ենթարկվել Հանրայինի հաղորդավարը

Զոհրաբ Մնացականյանը հանդիպել է Արաբական պետությունների լիգայի գլխավոր քարտուղարին

Հարություն Մաշադյանը ոչ թե կայազորի դատախազ է, այլ՝ կայազորի դատախազության դատախազ. դատախազության պարզաբանումը

Հայաստանի եւ Կիպրոսի ԱԳ նախարարները քննարկել են հայ-կիպրական համագործակցությանն առնչվող հարցերը

14:00-ի դրությամբ ՏԻՄ ընտրություններին մասնակցել է 21 հազար 130 մարդ կամ ընտրողների 33.16%-ը

Նոր Գեղի համայնքի ընտրատեղամասում լարված իրավիճակ է եղել. ԼՀԿ ներկայացուցիչը պարզաբանում է

Լևոն Աղասյանը հռչակվել է Բալկանյան երկրների չեմպիոն՝ հաղթելով ադրբեջանցուն ու թուրքին (տեսանյութ)

Երեւանում բացելով դուռը, ննջասենյակում հայտնաբերել են 53–ամյա տղամարդու կիսաքայքայված դի

Ձյան շերտում մի շարք ավտոմեքենաներ էին արգելափակվել. փրկարարները 15 ուղեւորի են տեղափոխել

11:00-ի դրությամբ ՏԻՄ ընտրություններին մասնակցել է 3276 մարդ՝ քվեարկության իրավունք ունեցողների 9,85%-ը

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում

Վրաստանի քաղաքացին Լոռու մարզում վրաերթի է ենթարկել 23-ամյա աղջկա