30 րոպե չէի հասկանում՝ ինչ էր կատարվում. Ռոբերտ Քոլոյանը՝ Պատրիկ Ֆիորիի նամակի մասին

Երգիչ Ռոբերտ Քոլոյանը շոկի մեջ է եղել, երբ նամակ է ստացել հայկական արմատներով ֆրանսիացի հայտնի երգիչ Պատրիկ Ֆիորիից: Անցած կիրակի «Հայաստանի ձայնը» նախագծի «նոկաուտ» փուլում կատարել էր Ֆիորիի «Les Montagnes d'Arménie» երգը: Այդ նա օրը նախագծից դուրս էր մնացել, սակայն հետո այնպիսի անակնկալ է ստացել, որն ավելի մեծ հաղթանակ է համարում: Ֆիորին նրան գրել է, որ տպավորված է նրա ելույթով, տեսագրությունը տարածել է թվիթերի իր պաշտոնական միկրոբլոգում եւ հարցրել է, թե նախագծի որ փուլում է: Armtimes.com-ի հետ զրույցում Ռոբերտը պատմեց, որ դժվարությամբ է հավատացել իր աչքերին:

«Նամակը եկավ ինստագրամիս էջին: Երբ սկզբում նայեցի, ինձ թվաց՝ ոչ պաշտոնական էջից է: Առաջնահերթ դա ստուգեցի, մտա, տեսա, համոզվեցի, որ հենց Պատրիկ Ֆիորին է նամակ ուղարկել: Ինձ մոտ էմոցիաների մի աշխարհ էր: Մոտ 30 րոպե չէի հասկանում՝ ինչ է կատարվում: Այս փուլում ես դուրս մնացի, սակայն այն, ինչ կատարվեց ինձ հետ, իրոք հաղթանակ էր՝ ավելի, քան եթե շարունակեի մնալ նախագծում: Իհարկե, կուզենայի մնալ, բայց ինձ համար սա է հաղթանակը, որ այն էմոցիաները, որոնք կային իմ մեջ, կարողացա էկրանից այն կողմ էլ տալ»,- ասաց Ռոբերտը:

Նա Ֆիորիի հետ խոսել է միայն իր ելույթի մասին: Ոչ մի այլ բան չեն քննարկել, հետագա համագործակցությունների մասին խոսք չի եղել: Ֆրանսիացի երգիչը միայն շնորհավորել է նրան:

Ռոբերտն ընդգծում է, որ այս հաջողության հարցում իրենց դերն են ունեցել իր ընկերները: Երգիչ, երգահան Գրիգոր Կյոկչյանը հատուկ այդ օրվա ելույթի համար գրել է երգի հայերեն հատվածի բառերը, իսկ դուդուկահար Հայկ Կարոյի Կարապետյանը նվագել է կատարման ընթացքում:  

«Շատ շնորհակալ եմ Գրիգոր Կյոկչյանին, որը երգի հայերեն հատվածի հեղինակն է: Նաեւ շնորհակալ եմ Հայկ Կարոյի Կարապետյանին, որը դուդուկն էր նվագում»,- ասաց Ռոբերտը:

«Հայաստանի ձայնից» դուրս մնալու համար նա չի տխրել: Նշում է, որ խաղ է, ի վերջո բոլորն էլ դուրս են մնալու, ու մնալու է միայն մեկը: Շարունակում է սիրով հետեւել աշխատանքներին. այնտեղ են մնում իր ընկերները, կոլեգաները, որոնց հաջողություն է մաղթում: Որեւէ մեկին որպես ֆավորիտ չի կարողանում առանձնացնել:

«Բոլորն էլ ինձ համար շատ լավ ընկերներ են, շատ լավ կոլեգաներ են: Ով էլ հաղթի, շատ ուրախ կլինեմ, քանի որ բոլորն էլ շատ են աշխատում ու մեծ ցանկություն ունեն լինելու հաղթող»,- ասաց նա:

Մինչեւ «Հայաստանի ձայնին» մասնակցելը Ռոբերտ Քոլոյանին ավելի շատ ճանաչում էին որպես լուսանկարիչ, սակայն նա նշում է, որ դա հոբբի է: 10 տարեկանից զբաղվել է երգով, մասնակցել է մի շարք մրցույթների, եղել դափնեկիր: Շարունակելու է զբաղվել թե՛ լուսանկարչությամբ եւ թե՛ երգարվեստով: Շեշտում է, որ դրանցից ոչ մեկը չի տուժելու: Այս շրջանում աշխատում է մի քանի երգերի վրա եւ նախատեսում է 2018-ին հանդես գալ նորություններով:

Տպել
3445 դիտում

Որտեղ է տեղակայվելու Ղարաբաղում հրադադարի վերահսկման ռուս-թուրքական կենտրոնը. Թուրքիան կողմ է, Ռուսաստանը՝ դեմ

Սեր՝ պատերազմից հետո․ Արցախից Վանաձորում ապաստանած 55-ամյա Հայկազն ու Ռուզանը 2 օրից կամուսնանան

Հաբեթնակ Կուրղինյանը հրապարակել է ազատ ոճի ըմբշամարտի Հայաստանի հավաքականի կազմը

Քարակերտ համայնքում ասֆալտապատվել են Պարույր Սևակ, Գայ և Մովսես Խորենացի փողոցները

Գուտերեշը կոչ է արել Երեւանին ու Բաքվին վերսկսել բանակցությունները ԵԱՀԿ Մինսկի խմբի հովանու ներքո

ՀՀ թեկնածուն ընտրվել է Եվրոպայի խորհրդի՝ Մարդկանց թրաֆիքինգի դեմ պայքարի հարցերով փորձագետների խմբի անդամ

Արցախի ԱԳՆ-ն ողջունում է Ֆրանսիայի ԱԺ կողմից Արցախի ճանաչման անհրաժեշտության բանաձևի ընդունումը

Ամենայն Հայոց Կաթողիկոսն ընդունել է մարդասիրական առաքելությամբ Հայաստանում գտնվող ֆրանսիացի բժիշկներին

Նման պայմաններում հավաքականի հաղթանակն ավելի արժեքավոր էր. Արմեն Մելիքբեկյանը պատասխանել է լրագրողների հարցերին

«Ջրվեժ» անտառպարկ մուտքը պետք է դառնա անվճար հանրության համար

Այսօրվա գոռացողների կազմը համընկնում է Հոկտեմբերի 27-ի, Մարտի 1-ի շահառուների հետ. նրանք ձգտում են հեղաշրջման. Մեհրաբյան

Առողջապահության նախարարությունը վարում է ԴՆԹ նույնականացման 2-րդ սարքի ձեռքբերման բանակցություններ

Ժամանակավորապես կդադարեցվի երթևեկությունը Մյասնիկյան պողոտայի մի հատվածում

Գագիկ Ղալաչյանը հետ է կանչվել Ղազախստանում եւ Ղրղզստանում ՀՀ դեսպանի պաշտոնից

Մեծամորում ավարտվել են 2020 թվականի համար հաստատված երկու սուբվենցիոն ծրագրերից մեկով նախատեսված աշխատանքները

Իմ քայլը հիմնադրամի ջանքերով Ստեփանակերտում բացվել է անվճար հացատուն (լուսանկարներ)

ԱԱՏՄ-ն 3 մարզկենտրոնների դեղատներում, գեղեցկության սրահներում, առևտրի մանրամեծածախ կետերում ստուգայցեր է իրականացրել

Ամասիայի և Աշոցքի տարածաշրջանների ավտոճանապարհներին տեղ-տեղ առկա է մերկասառույց

Արարատ Միրզոյանը ակադեմիական շրջանակի ներկայացուցիչների հետ քննարկել է հասարակությանը հուզող մի շարք հարցեր

Արցախում է ՌԴ զինված ուժերի ինժեներական զորքերի պետ, գեներալ-լեյտենանտ Յուրի Ստավիցկին. հանդիպել են ԱՀ նախագահի հետ