Գրիպի սեզոնի առաջին պիկը նոյեմբերին էր, երկրորդը սպասվում է փետրվարին. շաբաթը 2500 դեպք

Արդեն երկու ամիս է, ինչ Հայաստանում մեկնարկել է գրիպի սեզոնը, բայց ընդամենը երկու շաբաթ է, որ գրանցվում է գրիպի հարուցիչ: Ի սկզբանե եւ հիմնականում շրջանառվում են շնչառական վարակների այլ հարուցիչներ՝ ադենովիրուսներ, բոկավիրուսներ, ռեսպերատոր սինտիցիալ վիրուսներ, ռինովիրուսներ եւ այլն:

Ու եթե շատերին կարող է թվալ, թե այս տարի հանդիպող եւ սուր շնչառական վարակներով պայմանավորված հիվանդությունները սովորականի նման չեն, ունեն ոչ բնորոշ առանձնահատկություններ ու երկարատեւ ընթացք, ապա ՀՀ առողջապահության նախարարության հատուկ վտանգավոր եւ օդակաթիլային վարակների համաճարակաբանության բաժնի պետ Լիանա Թորոսյանը վստահեցնում է, որ ոչ մի առանձնահատուկ կամ նոր վիրուսի մասին խոսք լինել չի կարող՝ ըստ լաբորատոր հետազոտությունների արդյունքների:

«Ուղղակի իրավիճակը պայմանավորված է այլ շնչառական վարակներով, իսկ արդեն վերջին երկու շաբաթում հանրապետությունում նաեւ շրջանառվում է գրիպի Բ տեսակը: Լաբորատոր հետազոտությունների արդյունքում ունենք հաստատված երեք դեպք: Հայտնի է, որ գրիպն ունի երեք տեսակ՝ Ա, Բ, Ց: Մեզ համար կարեւոր են Ա եւ Բ տեսակները, որովհետեւ դրանք մշտապես շրջանառվում են, եւ մարդիկ ավելի հաճախակի են հիվանդանում գրիպի այս երկու տեսակով: Իսկ Ա-ի Բ-ի տեսակետից համաճարականաբանական ավելի մեծ նշանակություն ունի գրիպի Ա տեսակը, որովհետեւ, եթե գրիպի Բ տեսակը չունի ոչ մի ենթատեսակ, գրիպ Ա-ն ունի բազմաթիվ ենթատեսակներ»,- ասաց Լիանա Թորոսյանը: Անկախ տեսակներից ու ենթատեսակներից, սակայն դրանք ունեն նույն ախտանշաններն ու արտահայտվածությունը:

Ինչ վերաբերում է հիվանդության երկարաձգմանը, ապա, ըստ նախարարության մասնագետի, մեկ վիրուսով հիվանդանալու դեպքում մյուս վիրուսով վարակվելու հավանականությունը ոչ չեզոքանում է, ոչ նվազում, քանի որ դրանք առանձին հարուցիչներ են, եւ մարդը կարող է դրանցով վարակվել միաժամանակ կամ ասենք մեկով հիվանդանալուց եւ ապաքինվելուց հետո:

«Մեկ այլ հարց է՝ արդյո՞ք հիվանդը ստանում է վերջնական բուժում, թե՝ ոչ, ինչի պատճառով է հիվանդությունը երկարաձգվում, ինչով է դա պայմանավորված եւ այո, բացառված չէ այլ հարուցիչներով վարակվելը եւս: Իհարկե յուրաքանչյուր անձ յուրահատուկ է արձագանքում ցանկացած վիրուսի: Դա կախված է օրգանիզմի առանձնահատկությունից, իմունհամակարգից, խոցելիությունից, տարիքից, ուղեկցող հիվանդություններից: Չեմ բացառում, որ շնչառական այս հարուցիչների դեպքում կարող են դիտվել որոշակի աղեստամոքսային գանգատներ, բայց որպես այդպիսին այս հարուցիչները, ըստ իրենց բնորոշումների, կարող են առաջացնել երկարատեւ հազի երեւույթներ, աչքերի բորբոքումներ, առատ քթահոսություն ջերմության ֆոնի վրա: Հետեւաբար, միակ ուղերձը եւ միակ հորդորն ազգաբնակչությանը, հետեւյալն է՝ ինքնաբուժմամբ չզբաղվել եւ դիմել բժշկական հաստատություններ»,- ասաց մեր զրուցակիցը:

Նախարարության մասնագետի տեղեկացմամբ, օրինակ՝ նախորդ շաբաթվա տվյալներով՝ պոլիկլինիկական հաստատություններում գրանցված սուր շնչառական վարակների դեպքերը 2 500-ն են: Նախորդ տարվա նույն ժամանակահատվածում այս թիվը կազմել է 4 000: 2015-2016 թվականներին՝ 2 300-ի սահմաններում:

Շնչառական վարակներով պայմանավորված՝ հիվանդներ կան նաեւ ստացիոնար հաստատություններում, այդ թվում՝ երեխաներ: Լիանա Թորոսյանը վստահեցրեց, որ հիվանդության ծանր ընթացքով անձինք չկան:

Նա նաեւ հիշեցրեց, որ գրիպի սեզոնին Հայաստանում դիտվում է երկու պիկ. նոյեմբերին, որին հատուկ է հիվանդությունների տարածվածությունը եւ փետրվարին, որն աչքի է ընկնում շնչառական վարակների հարուցիչներով հիվանդությունների ծանր ընթացքով:

Տպել
2440 դիտում

Շիրակի պետհամալսարանում հարուցված քրեական գործը 27 հատոր է, յուրաքանչյուրը՝ 300-ից 400 թերթ

Հանրապետության որոշ ավտոճանապարհներին բուք է

Ո՞նց եք պատկերացնում՝ 19-րդ դպրոցից 25 ուսուցչի միանգամից դատի տայինք. ՇՄ դատախազ

«Պարտեզ» ռեստորանի մոտ տեղի ունեցած զինված միջադեպով մեղադրանք է առաջադրվել 17 անձի. ՔԿ

Ալեքսանդր Լապշինի դեմ Ադրբեջանում նոր քրեական գործեր են հարուցվել

Պատասխանատվություն չենք կրում բնապահպանական որևէ խնդրի համար. Լիդիան Արմենիան զգուշացնում է

Արտասահմանում ուսանելու հնարավորություն. ԿԳՆ-ն հայտարարում է մրցույթներ

Ոստիկանները բացահայտել են կրթօջախում կատարված ավելի քան 3.940.000 դրամի յուրացման դեպք (տեսանյութ)

Դավիթ Տոնոյանն Աբու Դաբիում ներկայացրել է նաև Սիրիայում ՀՀ մարդասիրական առաքելության խնդիրները

Այստեղ եմ նոր գործընկերություն սկսելու համար. նախագահ Արմեն Սարգսյանն այցելել է Մյունխենի տեխնիկական համալսարան

Տիգրան Խաչատրյանն ընդունել է Եվրոպական ներդրումային բանկի պատվիրակությանը

Միհրան Աղբաբյանը մեր ժողովրդի լավագույն զավակներից էր. Արմեն Սարգսյանի ցավակցական ուղերձը

Սեդրակ Քոչարյանին մեղադրանք է առաջադրվել փողերի լվացման եւ հարկերից խուսափելու համար

Ակնհայտ է հասարակության զարմանքը, որ իշխանության ներկայացուցիչները կարող են ՏԻՄ ընտրություններում պարտվել․ Կոնջորյան

Երևանի քաղաքապետարանը մոտ 760 մլն դրամ է տնտեսել գնումների գործընթացի արդյունքում

Իրանի դիրքորոշումը ԼՂ հարցում տարածաշրջանային անվտանգության տեսակետից կարեւոր զսպման գործոն է. դեսպան

Արամ Ա. Կաթողիկոսը պարգևատրել է հռչակավոր երաժիշտ Տիգրան Մանսուրյանին

Նախկինում ընդդիմությունը չի կարողացե՞լ հարցեր տալ, ուզել են հարց տալ, եկել-ծեծել ե՞ն բազկաթոռի վրա․ Մարուքյան

Կանանց ֆուտբոլի 3x3 փառատոնն առաջին անգամ անցկացվեց Երևանում (տեսանյութ)

Երեւանում հայտնաբերվել է Իրանի 51-ամյա քաղաքացու դի. ԱԻՆ