Մարմնամարզության Եվրոպայի ֆեդերացիայի ադրբեջանցի նախագահը գուցե խնդիրներ ստեղծի ՀՀ համար

Հայաստանի սպորտային մարմնամարզության հավաքականի գլխավոր մարզիչ Հակոբ Սերոբյանը մտահոգ է: Դեկտեմբերի 1-2-ը Խորվաթիայում տեղի ունեցած Մարմնամարզության Եվրոպայի ֆեդերացիայի ժողովի ժամանակ նախագահ է ընտրվել ադրբեջանցի Ֆարիդ Գայիբովը: Սա նշանակում է, որ Ադրբեջանում կարող են անցկացվել աշխարհի ու Եվրոպայի առաջնություններ, որոնց ՀՀ-ն փաստորեն չի կարողանա մասնակցել: Արդեն հայտնի է, որ այնտեղ է լինելու 2018 թ. Բուենոս Այրեսի պատանեկան օլիմպիական խաղերի վարկանիշային միակ մրցաշարը, 2020 թ. մեծահասակների եւ երիտասարդների Եվրոպայի առաջնությունը: «Հայկական ժամանակի» հետ զրույցում Սերոբյանը կիսվեց մտահոգութամբ:

«Մենք չենք կարող գնալ, թե չէ նախագահը ադրբեջանցի է, թե՝ ո՛չ, կարեւոր չէ: Մինչեւ այս նա փոխնախագահ եղել է, միջազգային մրցաշարերի գնացել մասնակցել ենք, մեդալներ բերել ենք: Այո՛, կարող է ազդեցություն ունենալ. եթե մեր մարզիկները մրցակիցների հետ հավասար լինեն, գուցե առավելությունը մրցակցին տան, բայց մենք պետք է աշխատենք 1 գլուխ բարձր լինել: Եթե նորմալ հանդես գանք, հնարավորություն չի ունենա խանգարելու»,- ասաց նա:

Նման կարեւորագույն մրցաշարերին չմասնակցելը Հայաստանին կխանգարի ոչ միայն վարկանիշներ ու մեդալներ ձեռք բերելու առումով է, այլեւ մարզիկներին մարմնամարզության մեջ պահելու հարցում: Զինվորական ծառայության վերաբերյալ նոր օրենքի համաձայն՝ եթե մարզիկն արդյունք չի գրանցում մինչեւ 18 տարեկանը, չի կարող տարկետում ստանալ, եւ պետք է գնա բանակ:

«2020-ին 2002 թ. ծնված մեր պոտենցիալով տղաները 18 տարեկան են դառնում: Կարող են մասնակցել Եվրոպայի երիտասարդական առաջնությանը, պետք է մասնակցեն, որ ցուցանիշ գրանցեն ու բանակից տարկետում ստանան: Այդ տղաներն ուղղակի չեն կարող մասնակցել Բաքվում: Այդ մրցումները 2 տարին մեկ են անցկացվում, չգնացին, գնացին ծառայության, մարմնամարզությանը վերջ: Երիտասարդների համար Եվրոպայի կամ աշխարհի այլ մրցումների չեն անցկացվում: Ի տարբերություն մի շարք այլ մարզաձեւերի՝ մենք չունենք մինչեւ 21 տարեկանների, մինչեւ 23 տարեկանների մրցումներ»,- ասաց նա:

Ժողովի ընթացքում Սերոբյանը փորձել է այնպես անել, որ ընտրվի ոչ թե Գայիբովը, որը մարմնամարզության հետ կապ չունի, այլ սլովենացի Էդվարդ Կոլարը: Վերջինս օլիմպիական չեմպիոնի մարզիչ է: Ի վերջո ադրբեջանցին ստացել է 28, իսկ սլովենացին՝ 20 ձայն: Ըստ Սերոբյանի՝ մարմնամարզության ավանդույթներ ունեցող այնպիսի երկրները, ինչպիսիք են Ռուսաստանը, Մեծ Բրիտանիան, Գերմանիան, գնահատելով սլովենացու վաստակը, քվեարկել են նրա օգտի, իսկ փոքր երկրները, ամենայն հավանականությամբ, կուլ են գնացել ֆինանսական խոստումներին:

«Փոքր երկրները, որոնց կարելի էր առնել, առան, իսկ լուրջ երկրները, որոնց ֆինանսական միջոցները հետաքրքիր չեն, նրան չընտրեցին: Փաստորեն կան փոքր երկրներ, օրինակ, Ալբանիա, Կոսովո, Անդորրա... նման երկրները, ամենայն հավանականությամբ, զոհ գնացին գումարայինին, որովհետեւ այլ կերպ հնարավոր չէր, որ նա ընտրվեր, քանի որ ոչ մարմնամարզիկ է, ոչ էլ մարմնամարզությունից հասկանում է»,- ասաց նա:

Ստեղծված իրավիճակի հետ կապված Հակոբ Սերոբյանը խորհրդակցելու է Հայաստանի ազգային օլիմպիական կոմիտեի հետ: Նա ցանկանում է քննարկել ՀՀ մարմնամարզության ֆեդերացիայի եւ հավաքականի հետագա անելիքները:

Տպել
2460 դիտում

Միջպետական և հանրապետական նշանակության բոլոր ավտոճանապարհները բաց են. ՏԿԵ

Ստեփանավան քաղաքում հրդեհվել է 500 հակ անասնակեր

Երկրաշարժ Վրաստան-Հայաստան սահմանային գոտում՝ Դմանիսի քաղաքից 16 կմ հարավ-արևմուտք

Հայրապետական մեր օրհնությունն ենք հղում Ֆրանսիայի բարեկամ երկրին եւ Սենատին․ Գարեգին Բ

ՀՀ տարածքում ավտոճանապարհներն անցանելի են

Արծվանիկ գյուղում հրդեհի հետեւանքով պաշարված անասնակեր է այրվել, 1 գառ ծխահարվել

Ընդունված բանաձևը կարծում եմ՝ նոր իրողությունների սկիզբ կհանդիսանա. Արայիկ Հարությունյան

Երևանի, Կոտայքի և Գեղարքունիքի մարզերի որոշ հասցեներում էլեկտրաէներգիայի պլանային անջատումներ կլինեն

Արա Այվազյանը և ԵԱՀԿ Մինսկի խմբի համանախագահները մտքեր են փոխանակել առաջիկա ժամանակացույցի շուրջ

Սենատի որոշումն իրավական ուժ չունի, վերջին խոսքը Ֆրանսիայի կառավարությանն է. ինչ է սպասվում հիմա

Արգենտինայում եռօրյա սուգ է հայտարարվել լեգենդար ֆուտբոլիստ Դիեգո Մարադոնայի մահվան կապակցությամբ

Մեկնարկել է «1991 ստորաբաժանման» նախապատրաստական երրորդ դասընթացի հայտագրումը

Արմեն Թավադյանի պաշտպանը միջնորդեց անթույլատրելի ապացույց ճանաչել նրա տնից առգրավված քարերն ու դրամական միջոցները

ԱԳՆ հայտարարությունը Ֆրանսիայի Սենատի կողմից ընդունված բանաձևի վերաբերյալ

Հրդեհ Գյումրիում. կա տուժած քաղաքացի

Արցախի ԱԳՆ-ն ողջունել է Ֆրանսիայի Սենատի կողմից Արցախը ճանաչելու անհրաժեշտության մասին ընդունված բանաձևը

Արցախի միջազգային ճանաչումը մտնում է միջազգային օրակարգ. Ֆրանսիայի Սենատի որոշումը պատմական է. Նիկոլ Փաշինյան

Մեր ենթադրությամբ՝ ՄԻՊ-ի նկատմամբ հարձակումները կազմակերպվում կամ համակարգվում են բարձրաստիճան պաշտոնյաների կողմից. ՄԻՊ

Արա Այվազյանը և ԵԽ պատվիրակության ներկայացուցիչներն ընդգծել են Արցախի ժառանգության պահպանման քայլերի անհրաժեշտությունը

Ֆրանսիայի Սենատն ընդունեց Լեռնային Ղարաբաղի Հանրապետության ճանաչման անհրաժեշտության մասին բանաձևի նախագիծը