ՀՀ-ում 1-ին անգամ կանցկացվի հաշմանդամների լեռնադահուկային սպորտի միջազգային մրցաշար

Հայաստանում առաջին անգամ անցկացվելու է հաշմանդամություն ունեցող մարզիկների լեռնադահուկային սպորտի միջազգային մրցաշար: Այսօր՝ դեկտեմբերի 11-ին, Հայաստանի դահուկային սպորտի ֆեդերացիայի եւ Հայաստանի ազգային պարալիմպիկ կոմիտեի միջեւ կնքվեց համագործակցության հուշագիր: Լրագրողների հետ հանդիպման ժամանակ ՀՀ ազգային պարալիմպիկ կոմիտեի նախագահ Հակոբ Աբրահամյանն ընդգծեց հուշագրի կարեւորությունը եւ նշեց, որ նման համագործակցություններ են սպասվում նաեւ ՀՀ այլ ֆեդերացիաների հետ:

«Բացի դահուկային սպորտի ֆեդերացիայից՝ նախատեսում ենք այս տեսակ հուշագրեր ստորագրել նաեւ բասկետբոլի, վոլեյբոլի, փաուերլիֆթինգի, լողի, արմռեսլինգի, թեթեւ աթլետիկայի եւ մի շարք այլ ֆեդերացիաների հետ, եւ պետությանը, ի վերջո հասկացնենք, որ այդ չնչին հատկացումները, որ անում են հաշմանդամների սպորտին... չի կարելի այդպես շարունակել, կտրուկ փոփոխություններն են պետք»,- ասաց նա:

Հայաստանի դահուկային սպորտի ֆեդերացիայի փոխնախագահ Գագիկ Սարգսյանը հույս ունի, որ մյուս ֆեդերացիաները նույնպես կկարեւորեն Ազգային պարալիմպիկ կոմիտեի հետ աշխատելու գաղափարը: Ըստ նրա՝ եթե մյուս ֆեդերացիաները հետեւեն իրենց օրինակին, տարիների ընթացքում հաշմանդամների սպորտը Հայաստանում մեծ զարգացում կապրի:

«Եթե ցանկացած ազգային ֆեդերացիա որոշակի գործընթաց սկսի հաշմանդամություն ունեցող մեր եղբայրների ու քույրերի համար, տարիներ հետո հաշմանդամային սպորտի հզոր համակարգ կունենանք Հայաստանում: Վստահ եմ, որ փոքր քայլերով հաջողություն կունենանք, եւ կզարգացնենք հաշմանդամների դահուկային սպորտը Հայաստանում»,- ասաց նա:

Հաշմանդամություն ունեցող մարզիկների լեռնադահուկային սպորտի միջազգային մրցաշարը կանցկացվի 2018 թ. հունվարի 30-31-ը՝ ՀՀ առաջնությանը զուգահեռ: Հայաստանից կմասնակցի 12 հոգի: Նախատեսվում է մասնակիցներ ունենալ Իրանից, Վրաստանից, Ռուսաստանից, Լեհաստանից եւ Բուլղարիայից:

Տպել
1383 դիտում

Զովունիում մեքենան դուրս է եկել հանդիպակաց երթևեկելի գոտի և մխրճվել դեղատան մեջ. վիրավորներ կան

Այս պահին փակ են Վարդենյաց լեռնանցքը, Արագածոտնի և Գեղարքունիքի գյուղամիջյան ճանապարհներ

«Առնո Բաբաջանյան» համերգասրահի փոխտնօրենի նկատմամբ քրեական հետապնդումը դադարեցվել է

Մաշինի դուռը բացվեց ու Փաշինյանն իջավ․ բոլնիսցիները՝ վարչապետի անակնկալ այցի մասին

Մենք կշարունակենք պայքարը, որպեսզի ԻԳԻԼ-ը չբարձրացնի իր գարշելի գլուխը. ԱՄՆ փոխնախագահ

Երեխան ընդունվել է վերջույթների կաթվածով. «Սուրբ Աստվածամայր» Բ/Կ-ն պարզաբանում է փոքրիկի մահը

Գրիպի դեմ պատվաստվողները շատացել են. «Մուրացանում» պատվաստանյութն արագորեն սպառվել է

Մաղթում եմ Ձեզ հաջողություն Ձեր կարեւոր պարտականությունների կատարման գործում. Յագլանդ

ՎՏԲ-Հայաստան Բանկը հայտարարում է Swift դրամային փոխանցումների վերաբերյալ ակցիա՝ նոր հաճախորդների համար

Արման Թաթոյանը Նիդերլանդների դեսպանի հետ քննարկել է Պաշտպանի զեկույցը

Բելգիայի Թագավորության վարչապետ Շառլ Միշելը շնորհավորական ուղերձ է հղել Նիկոլ Փաշինյանին

Ոստիկանության միայն մեկ ստորաբաժանման ծառայության շնորհիվ պետբյուջե է վերադարձվել ավելի քան 708 մլն դրամ

Փրկարարները դուրս են բերել ավտոմեքենան արգելափակումից

Սևանի թերակղզուց դեպի Դիլիջանի թունել ճանապարհահատվածում բուք է

Գրիպով հոսպիտալացվածների 95 տոկոսը երեխաներ են. խուսափելու լավագույն միջոցը պատվաստումն է

ՀՀ և Ադրբեջանի ԱԳ ղեկավարները անդրադարձել են խաղաղ գործընթացին, նաև՝ ժողովուրդների խաղաղությանը

Երեւանի քաղաքապետարանի թեժ գծի համարը փոխվում է, կլինի նաեւ ձայնային հաղորդագրության հնարավորություն

Գյուղատնտեսական տարին պետք է դարձնել մաքսիմալ կանխատեսելի. Նիկոլ Փաշինյան (լուսանկարներ)

Բարեկամավան գյուղում ականի պայթյունից տուժած կա

Ադրբեջանցիները կրկին փորձել են խեղաթյուրել Իրանի բարձրաստիճան պաշտոնյայի հայտարարությունը. փորձագետ