Բրայլյան դասագիրք ու տետրեր Գյումրիում ընդամենը երկու դպրոցական ունի

Տեսողական խնդիրներ ունեցող երեխաները Գյումրիում մեծ խնդիրների են բախվում: Մանկապարտեզները նրանց չեն ընդունում, դպրոց գնալն էլ ծնողները նպատակային չեն համարում: Կույր երեխաների համար բրայլյան համակարգով տպագրված դասագրքեր Գյումրու դպրոցները չունեն: Տեսողական խնդիր ունեցող ընդամենը երկու երեխա է հաճախում դպրոց՝ հաշմանդամների «Փյունիկ» միության Գյումրու մասնաճյուղի ջանքերով: Ժաննան Գյումրիից է, Հովաննան՝ Շիրակի մարզի Հարթաշեն գյուղից: Մասնաճյուղի ղեկավար Արմինե Նիկողոսյանը 2014 թվականին կարողացել է գտնել հովանավորներ եւ Ժաննայի ու Հովաննայի համար տպագրել բրայլյան դասագրքեր, տետրեր, ձեռք է բերվել համապատասխան գրիչներ:

 

 

 

Աղջիկներն արդեն 4-րդ դասարանում են: Որքան երեխաները մեծանում են, դասագրքերն ավելանում են, աճում է նաեւ անհրաժեշտ գումարի չափը: Այս տարի 400.000 դրամ է պահանջվել բոլոր դասագրքերի տպագրման համար: Բրայլյան համակարգով գրքերի տպագրության հարցում պետական աջակցություն չկա, այս հարցում երեխաների կողքին կանգնած չեն նաեւ մարզային ու քաղաքային կառույցները: Գալիք տարում, սակայն, եթե նոր հովանավոր չգտնվի, երեխաները դպրոց գնալու հնարավորություն չեն ունենա:  

Հովաննայի ու Ժաննայի ծնողները չունեն հնարավորություն ֆինանսական ծախսը հոգալու կամ թեկուզ մասնակի ներդրման համար: Կարողանում են ընդամենը տետրերը գնել: Բայց չեն ուզում, որ երեխաները մնան անուսում: Հատկապես, որ նրանց կյանքի գնով են կարողացել դուրս բերել շրջապատ եւ հասակակիցների հետ մտերմացնել: Մինչեւ դպրոց հասնելը Հովաննան ու ծնողները մեծ դժվարություններ են ունեցել, նաեւ հանդիպել շրջապատի խտրական վերաբերմունքին: Աղջկա մայրն ասում է  Գյումրու ոչ մի մանկապարտեզ պատրաստ չէր ընդունել իր չտեսնող երեխային:

Դպրոցն առավել գրկաբաց եղավ: Երեխաներին մինչ դպրոց գնալը մասնագետների օգնությամբ բրայլյան համակարգով կարդալ սովորեցրին: Վերապատրաստվեցին նաեւ երեխաների ծնողներն ու դպրոցների մանկավարժները, ովքեր պետք է աղջիկների դասվարները դառնային: Հիմա եւ կույր երեխաներն են վարժ ընթերցում բրայլյան դասագրքերով, եւ ծնողները, եւ դասվարները: Սակայն 2018-ից շատ են վախենում: Տարրական օղակից հետո աղջիկներին անհայտություն է սպասվում: Դասագրքերը կշատանան, իսկ դրանց տպագրության համար գումար չկա:  Բայց եթե գրքեր էլ լինեն, ուսուցիչները  չեն կարողանա օգնել նրանց: Բրայլյան համակարգին միջին դպրոցում չեն տիրապետում: Երեւանի հատուկ դպրոց գնալ չեն կարող: Ընտանիքները եւ հոգեբանորեն, եւ ֆինանսապես նման քայլի պատրաստ չեն:

Տպել
1900 դիտում

«Մանկական Եվրատեսիլ - 2020»-ում հաղթող է ճանաչվել Ֆրանսիայի մասնակիցը (տեսանյութ)

Երեւանից դեպի Ստեփանակերտ ուղեւորվող ավտոբուսները վատ եղանակի պատճառով վաղը չեն մեկնի

Վերսկսվում են Մոսկվա-Գյումրի-Մոսկվա երթուղով չվերթները

Կիմ Բալայանը դադարեցրել է հացադուլը

ՀՀ ՊՆ և ԱՀ ԱԳ նախարարները կարևորել են հայ զինծառայողների վերադարձի աշխատանքները

Վթար Գառնի գյուղ տանող ավտոճանապարհին. վարորդները հոսպիտալացվել են

Նիկոլ Փաշինյանը մանրամասնել է՝ ինչ է խոսել Պուտինի հետ հոկտեմբերի 19-ին եւ ինչ պայմաններ են առաջարկվել

Հայաստանի 5 մարզերում ձյուն է տեղում, Վարդենյաց լեռնանցքում մերկասառույց է

Քիմ Քարդաշյանը հայտնել է արցախցի երեխաներին ուղղված ամանորյա նախաձեռնության մասին

Այսօր ու վաղը ձյանն ու ձնախառն անձրևներին կհաջորդի առանց տեղումների եղանակը

«Ի՞նչ անել», եւ «ո՞վ է մեղավոր»

Դաշնակահար Սվետլանա Նավասարդյանն արժանացել է «Համագործակցության աստղեր» միջպետական մրցանակի

Պետական մարմինները պարտավոր են բոլոր լծակները կիրառել անհետ կորածների ու գերիների հարազատների հետ հաղորդակցության համար

Ստեփանակերտում և Մխիթարաշեն գյուղի մերձակայքում տեղի կունենա չպայթած ականների վնասազերծում. Արցախի ԱԻՊԾ

Պատերազմից հետո զինծառայողների հանգստի հարցը շուտով կլուծվի. հանդիպում ՊՆ-ում՝ զինվորների հարազատների եւ ծնողների հետ

Յուրաքանչյուր հայ Հայաստանի մասին պետք է մտածի՝ որպես իր տան. Ա.Սարգսյանը հանդիպել է ռուսաստանահայ համայնքի անդամներին

Զարուհի Բաթոյանը ներկայացրել է իր պաշտոնավարման ընթացքում կատարված աշխատանքների մասին հաշվետվություն

Յուրաքանչյուր զինվոր, որտեղ էլ լինի, մեր երեխան է. Արսեն Գրիգորյան

«Օդալեն» ռեստորանի խոհանոցի առաստաղը փլուզվել է․ կա զոհ

Անցյալի եւ ապագայի առջեւ