Ամուսնու սպանության մեջ մեղադրվող կինը դեպքի օրը խոշտանգվել է, ատամները հանվել են. աֆե՞կտ

Արմավիրի մարզպետի խորհրդական Մանուկ Սիմոնյանի սպանության մեջ մեղադրվող կինը՝ Ռուզաննա Մկրտչյանը, մեղսունակ է ճանաչվել: Գործով նախաքննությունն ավարտվել է:

Այս մասին մեր հարցին ի պատասխան ասաց ՀՀ քննչական կոմիտեի նախագահի խորհրդական Սոնա Տռուզյանը: Ըստ դատահոգեբուժական եւ դատահոգեբանական համալիր փորձաքննության եզրակացության՝ Ռուզաննա Մկրտչյանը հոգեկան հիվանդությամբ չի տառապել եւ չի տառապում եւ իրեն մեղսագրվող արարքի նկատմամբ նա ճանաչվել է մեղսունակ: Հիշեցնենք, որ օգոստոսի 22-ին Ռուզաննա Մկրտչյանին տեղափոխել էին հոգեբուժարան՝ ստացիոնար դատահոգեբուժական եւ դատահոգեբանական համալիր փորձաքննություն իրականացնելու նպատակով:

Մանուկ Սիմոնյանի դիակը հայտնաբերվել էր 2017 թվականի հուլիսի 25-ին՝ ժամը 23.30-ի սահմաններում, Արմավիրի մարզի Մյասնիկյան-Դալարիկ ճանապարհի 3-րդ կմ-ից դեպի աջ ընկած՝ մոտ 300 մ հեռավորությամբ գտնվող «Դալարիկի ձոր» կոչվող տարածքում՝ փաթաթված եւ կապկպված:

Սոնա Տռուզյանից նաեւ տեղեկացանք, որ փորձագետները Մանուկ Սիմոնյանի դիակի վրա հայտնաբերել են 17 վնասվածք, որից 15-ը՝ գլխի շրջանում:

Նշենք, որ տուժողի գլխին հարվածները հասցվել են կացինով:

Դեպքի օրը, ինչպես այսօր մեր զրույցում պնդեց նաեւ մեղադրյալի պաշտպան Նարինե Պետրոսյանը, Ռուզաննա Մկրտչյանը դաժան ծեծի է ենթարկվել: Մասնավորապես, մեր զրույցում Պետրոսյանն ասաց, որ իր պաշտպանյալը դեպքի պահին աֆեկտի ազդեցության տակ է եղել: «Տարիներ շարունակ պաշտպանյալս խոշտանգվել է, ծեծվել, գործում բազմաթիվ ապացույցներ կան: Դեպքի օրն էլ շատ դաժան ծեծի է ենթարկվել»,- ասաց պաշտպանը: Նա նաեւ տեղեկացրեց, որ միջնորդել է կրկնակի դատահոգեբուժական փորձաքննություն նշանակել, քանի որ ըստ նրա՝ փորձագետն անպատասխան է թողել այն հարցը, թե դեպքի պահին իր պաշտպանյալը աֆեկտի տա՞կ է եղել, թե՞ ոչ: Մեր հարցին՝ արձանագրվե՞լ է, թե Ռուզանա Մկրտչյանն ի՞նչ վնասվածքներ է ստացել դեպքի օրը, պաշտպանը դրական պատասխան տվեց. «Նա խոշտանգտվել է, այդ օրն անգամ ատամներ է հանվել, չէր կարող աֆեկտ չլինել»,- ասաց Նաիրա Պետրոսյանը:

Մեր հարցին ի պատասխան պաշտպանը նշեց, որ Ռուզաննա Մկրտչյանին առաջադրված մեղադրանքը պետք է վերաորակվի ՀՀ ՔՕ 105 հոդվածով՝ (հոգեկան խիստ հուզմունքի վիճակում կատարված սպանությունը), որը պայմանավորված է եղել տուժող Մանուկ Սիմոնյանի կողմից գործադրված բռնությամբ: Նշենք, որ այժմ Մկրտչյանին մեղադրանք է առաջադրվել դիտավորյալ սպանության համար (ՀՀ ՔՕ 104):

Ռուզաննա Մկրտչյանը մի քանի ամիս է՝ կալանքի տակ է գտնվում: Մեղադրանքը հաստատվելու դեպքում նրան սպառնում է ազատազրկում՝ ութից տասնհինգ տարի ժամկետով:

Տպել
6336 դիտում

Սերժ Սարգսյանի, նախկին նախարարի եւ մյուսների գործն ուղարկվել է դատարան

«Ryanair»-ի՝ Միլան-Երևան չվերթի մի քանի տասնյակ ուղևոր մնացել է Միլանի օդանավակայանում

ԱՄՆ-ի և Թուրքիայի նախագահները հեռախոսազրույց են ունեցել

Վթար Գյումրի-Վանաձոր ավտոճանապարհին. մեքենաներից մեկը բռնկվել է, կա 3 տուժած

Զոհրաբ Մնացականյանը հանդիպում է ունեցել ԵԱՀԿ Մինսկի խմբի համանախագահների հետ

Վարդենյաց լեռնանցքը բեռնատարների համար փակ է, իսկ մարդատարների համար՝ դժվարանցանելի

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 2 հա տարածք

Արա գյուղ-Եղվարդ ճանապարհին մեքենան շրջվելով՝ հայտնվել է դաշտում. վարորդը մահացել է

Կրակոցներ Երեւանում. հայտնաբերվել են մեծ թվով պարկուճներ, գնդակներ, ատրճանակ, չկրակված փամփուշտներ

Արցախում կրակոցից 19-ամյա զինվոր է վիրավորվել. վիճակը գնահատվում է ծանր

Հայաստանից Վրաստան մեկնող մի խումբ ուղեւորների թույլ չի տրվել հատել սահմանը. մեքենայում գտնված 2 չինացիները ջերմել են

Մեջը ուժ չկա, առյուծի թևերը կապ չունեն կենդանու հետ, թրերը հայկական չեն. քննարկվում է ՊՆ նոր տարբերանշանը

Բժշկասանիտարական հսկիչ կետերը օդանավակայաններում մշտական հսկողություն են իրականացնում ՀՀ ժամանող ուղեւորների նկատմամբ

Տիգրան Ավինյանը Գորիսում մասնակցել է Հայոց բանակի օրվան նվիրված միջոցառումներին

Բերման ենթարկված Նարեկ Սամսոնյանն ազատ արձակվեց

Փոխվարչապետ Մհեր Գրիգորյանը Սիսիանում մասնակցել է Բանակի 28-րդ տարեդարձին նվիրված միջոցառումներին

Աշտարակում ջրի խնդիրն ապակենտրոնացված ձեւով են լուծել. քաղաքի ծայրամասերում մշտական ջրամատակարարում կա, կենտրոնում՝ չէ

Թրամփի փաստաբանները կարծում են՝ Զելենսկին ունեցել է հանդիպում ԱՄՆ-ի նախագահի հետ, նորի կարիքը չկա

«Էրեբունի պլազա» ներխուժած երիտասարդը ցանկացել է Սեդրակ Քոչարյանից պարզել, թե ինչու են իրեն ծրագրավորել. պաշտպան

Հայտնի են «Դեպի Եվրատեսիլ» նախագծի 20 մասնակիցները