Գագիկ Ծառուկյանից 25 հազար դոլարի ցեմենտ են ուզում. պլանավորում են ներգաղթ ապահովել

Արցախի հանրապետության նախագահի խորհրդական Գառնիկ Իսագուլյանը մի քանի օր առաջ մամուլի ասուլիսի ընթացքում նշել էր, թե դիմել է Գագիկ Ծառուկյանին, որպեսզի վերջինս 250 տոննա ցեմենտ տրամադրի Արցախում շինարարություն իրականացնելու համար: «Երբ մենք Շահումյանի շրջանի նոր նշանակված երիտասարդ ղեկավարի հետ խոսում էինք, պարզվեց, որ 250 տոննա ցեմենտը բավական է, որ մենք կարողանանք այդ բնակչությունը 3-4 հարյուր հոգով ավելացնել: Ես արդեն զանգել եմ Իվետա Տոնոյանին և նրա միջոցով խնդրել եմ պարոն Ծառուկյանին, որ, երբ օրերը սկսում են տաքանալ, ասեն»,- հայտարարել էր Իսագուլյանը:

«Հայկական ժամանակը» Գառնիկ Իսագուլյանից հետաքրքրվեց, թե ի՞նչ շինարարության մասին է խոսքը եւ որտե՞ղ է նախատեսվում իրականացնել:

«Շահումյանի շրջանի Քարվաճառի եւ հարակից գյուղերի տները, որոնք պատերազմական գործողությունների ընթացքում վառվել են, պայթեցվել են, ուզում ենք վերանորոգել: Հիմա 100 ընտանիքի տնով ապահովելու անհրաժեշտություն կա: Նաեւ վերաբնակիչներ կան, որոնց այս պահին տեղավորել են ոչ բնակելի կացարաններում: Այնտեղ քարի ու ավազի խնդիր չկա, իսկ լինի այդ անհրաժեշտ ցեմենտը, ուրեմն կկարողանանք 50-ից ավելի տուն կառուցել»,- ասաց Իսագուլյանը:

Իսագուլյանի փոխանցմամբ՝ նախատեսվում է շինարարությունը իրականացնել 2018 թվականի մարտից եւ ավարտին հասցնել հոկտեմբերին: Նշյալ բնակավայրում կվերակառուցվի 50-ից ավելի տուն: Իսագուլյանը վստահ է, որ 250 տոննա ցեմենտի օժանդակությունը Գագիկ Ծառուկյանը չի մերժելու, քանի որ այն արժի 25 հազար դոլար:

Հարցին, թե ինչպե՞ս է ենթադրվում բնակչության 3-4 հարյուրով ավելացումը եւ ի՞նչ ժամանակահատվածում, Իսագուլյանը մեկնաբանեց.

«Շատերը գալիս են, ցանկություն ունեն բնակություն հաստատելու, բայց բնակարաններ չկան, որ մենք իրենց տրամադրենք: Բնակարանի պատերը, տանիքը վերանորոգելու անհրաժեշտություն կա: Մանկավարժներ, բժիշկներ են եկել, տները տեսել են, հաշվել ենք վերանորոգման ծախսը, բայց իրենց համար բավականին դժվար է վերանորոգել: Ոչ միայն Հայաստանից, այլեւ՝ սփյուռքից, ցանկություն ունեցողներ կան, որ գան, մնան: Եթե այդ 50 տունն ապահովենք, ապա մեկ տարվա մեջ կապահովենք 3-4 հարյուր անձի ներգաղթ»,- մանրամասնեց Իսագուլյանը:

«Հայկական ժամանակ»-ը «Գագիկ Ծառուկյան» բարեգործական հիմնադրամի տնօրեն, ԱԺ պատգամավոր Իվետա Տոնոյանից հետաքրքրվեց, թե այս առաջարկի մասին Գագիկ Ծառուկյանը ի՞նչ մտադրություն ունի, օգնելու՞ է, թե՝ ոչ:

«Ես եւ Գառնիկ Իսագուլյանն ունեցել ենք բանավոր զրույց եւ նա խնդրել է իր ասածը փոխանցեմ պարոն Ծառուկյանին: Դեռ առիթ չի եղել պարոն Ծառուկյանի հետ այդ մասին խոսելու: Մենք բավականին ծրագրեր իրականացնում ենք՝ Արցախին աջակցության, այս պահին էլ զորամասի շինարարություն է ընթանում, իսկ այս 250 տոննա ցեմենտի մասին դեռ չեմ ասել պարոն Ծառուկյանին, քանի որ դեռ չենք հանդիպել»,- «ՀԺ»-ին ասաց Իվետա Տոնոյանը:

Տպել
5638 դիտում

Ոստիկանության Ներքին անվտանգության վարչությունը 16 տարեկան է (տեսանյութ)

Ապարան քաղաքում շտապօգնության «ՈՒԱԶ»-ը արգելափակվել էր ձյան մեջ. օգնել են փրկարարները

Երեւանում օրը ցերեկով մեքենան ջարդուխուրդ անող ձերբակալված 5 քաղաքացիները ցուցմունք են տվել. չեն ընդունում կասկածանքը

Երեւանում վնասել են «Իմ քայլը» խմբակցության պատգամավոր Քրիստինե Պողոսյանի ավտոմեքենան

Գյումրիում բնակբաշխան աղմկահարույց շղթա է բացվում. փաստերն ուսումնասիրում է դատախազությունը

Ադրբեջանում այս օրերին անցկացվում են վերջին տարիների ամենամասշտաբային բողոքի ցույցերը

Շատ հագեցած աշխատանքային օր ունեցա Ցյուրիխում. Նիկոլ Փաշինյան (տեսանյութ)

Հայերին որ հարցնես, բոլորը հայ են, իսկ վրացիներին՝ ում չեն հավանում, նա է հայ. Սաակաշվիլի

Ձերբակալվել են Երեւանում օրը ցերեկով մեքենան ջարդուփշուր անող 5 քաղաքացիները (տեսանյութ)

Tiv1.am կայքը ֆինանսավորողն այլեւս ցանկություն չունի աշխատել այդ թիմի հետ, նրանք, փաստացի, մեջքից խփել են․ կայքի տնօրեն

Կրկին թալանել են Varks.am-ը, այսօր արդեն երկրորդ անգամ. տարել են 600 հազար դրամ

Հայկ Մարությանն ակնկալում է քաղաքապետարանի և ոստիկանության արդյունավետ համագործակցություն

Մանկապարտեզի ձերբակալված տնօրենի որդին աշխատում է Երեւանի քաղաքապետարանի աուդիտի բաժնում

Կանխատեսվում է համաշխարհային տնտեսության աճի դանդաղում 2019 և 2020 թվականներին

Հյուրանոցում ժամանակ է անցկացրել տղամարդու հետ եւ գողացել նրա ոսկյա շղթան

Վարդենյաց լեռնանցքը դժվարանցանելի է մարդատարների, փակ՝ բեռնատարների համար

ՀՀ փոխվարչապետ Տիգրան Ավինյանը ներկայացրել է նորանշանակ նախարար Զարուհի Բաթոյանին

Սեդրակ Քոչարյանի ներկայացուցիչը միջնորդեց դատարան հրավիրել ԱԱԾ տնօրենին

Արարատի մարզպետն իրավունք չուներ աշխատավարձը գերազանցող ինքնապարգևատրում անել. Ս. Պապիկյան

Կայք գյուղի տներից մեկում պայթել է գազի բալոնը, կոտրվել են պատուհանները. տանտերը այրվածքներ է ստացել