Իրանը ներդրումներ կկատարի «Հյուսիս-հարավ» մայրուղու շինարարությունում. դեսպան

Իրանը մտադիր է ներգրավվել Հայաստանում կառուցվող «Հյուսիս-հարավ» ավտոմայրուղու շինարարության մեջ: Այս մասին «ՀԺ»-ի հետ զրույցում հայտնեց ՀՀ արտաքին գործերի նախկին փոխնախարար, արտակարգ եւ լիազոր դեսպան Արման Նավասարդյանը:

Նրա խոսքով, հատկապես Իրանի հետ «վեցնյակի» միջուկային գործարքի կնքումից ու դրա արդյունքում Թեհրանի դեմ կիրառած միջազգային շատ պատժամիջոցների չեղարկումից հետո հույս կար, որ հայ-իրանական տնտեսական հարաբերություները կակտիվանան: Սակայն բանախոսի բնորոշմամբ, «դրանք դոփում են տեղում»:

Ըստ պաշտոնական վիճակագրության, 2017 թ. հունվար-նոյեմբեր ամիսներին Իրանի հետ Հայաստանի առեւտրաշրջանառությունն աճել է  7,8 տոկոսով՝ կազմելով 237 մլն դոլար, սակայն սա չնչին ցուցանիշ է իրեն 80 միլիոնանոց վճարունակ բնակչությամբ Իրանի համար դեպի ԵՄ, ԵԱՏՄ եւ ԱՊՀ «դարպաս» հայտարարած Հայաստանի համար:

Այստեղ պետք է նշել նաեւ, որ 2017 թ. ինն ամիսների առեւտրաշրջանառության 7,8 տոկոսանոց աճը դեռեւս ոչինչ չի նշականում, քանի որ 2016թ. 2015 թ. հետ համեմատ առեւտրաշրջանառությունն Իսլամական Հանրապետության հետ նվազել է 15%-ով՝ կազմելով ընդամենը 239 միլիոն դոլար։ Այսինքն՝ դեռեւս չեն վերականգնվել անգամ 2015 թ. ցուցանիշները:

Հենց այս պատկերը հաշվի առնելով՝ Նավասարդյանը հայ-իրանական առեւտրատնտեսական հարաբերությունները որակում է որպես «տեղում դոփող»: «Իրանի հետ երկաթուղի կառուցելու ծրագրի հեռանկարը շատ մշուշոտ է, խոսվում էր նավթավերամշակման գործարանի կառուցման մասին, դա էլ կորավ: Այստեղ, ես տեսնում եմ հայկական կողմի պասիվության հետեւանք», - ասաց նա եւ հուսադրեց, որ որոշակի դրական տեղաշարժեր այս տարի կարող են լինել:

Նավասարդյանը կիսվեց մեզ հետ իր ունեցած տեղեկություններով, համաձայն որոնց իրանական կապիտալը կարող է ներգրավվել ընթացող «Հյուսիս-հարավ» ավտոմայրուղու շինարարության մեջ:

«Մայրուղու շինարարության տեմպն ու արագությունը այն չէ, ինչ սպասվում էր: Ես ունեմ բավականին ստույգ տեղեկություն, եւ՝ բարձրաստիճան աղբյուրներից, որ Իրանը, ի դեմս այդ երկրի խոշոր գործարարների, կարող է ներգրավվել «Հյուսիս-հարավ» ավտոմայրուղու շինարարության մեջ: Սա կարող է լուրջ իմպուլս հաղորդել այս ծրագրի իրականացմանը, ինչպես նաեւ էականորեն բարձրացնել Իրանի ներգրավվածությունը Հայաստանի տնտեսության մեջ՝ կապիտալ ներդրումների տեսքով», - ասաց մեր զրուցակիցը:

ՀՀ արտաքին գործերի նախկին փոխնախարարը նաեւ հույս հայտնեց, որ իրանական կապիտալն արդեն այս տարի կներգրավվի Հայաստանի համար շատ կարեւոր նշանակություն ունեցող, Իրանը ՀՀ տարածքով Վրաստանի հետ կապող ավտոմայրուղու շինարարության մեջ: Նրա խոսքով, սա նաեւ նշանակում է, որ Իրանի համար Հայաստանը տարածաշրջանում բավականին մեծ կարեւորություն ունի, եւ մեր երկիրը դիտարկվում է Թեհրանի համար որպես ապրանքների տարանցման ուղի:

Արդեն տեւական ժամանակ է, ինչ քննարկվում, հաշվարկվում կամ նախատեսվում են նաև մուլտիմոդալ փոխադրումների իրականացման ծրագրերը` ուղղված Իրանից Հայաստանի տարածքով եվրոպական երկրներ և հակառակ ուղղությամբ բեռնափոխադրումների ակտիվացմանը և ապրանքաշրջանառության ծավալների մեծացմանը: Միեւնույն ժամանակ, նշենք, որ Հայաստանի կառավարությունը կամ այլ պաշտոնական շրջանակներ մինչեւ օրս հստակ տեղեկություններ չեն հայտել «Հյուսիս-հարավ» ծրագրում Իրանի ներդրումային հետաքրքրության մասին:

Հայ-իրանական առեւտրատնտեսական հարաբերությունների ակտիվացումը Նավասարդյանը շատ է կարեւորում, քանի որ, նրա կարծիքով, հայ-իրանական բարձր քաղաքական հարաբերությունների «վերնաշենքը» տնտեսական լուրջ բազայի ձեւավորման կարիք ունի: «Առանց տնտեսական լուրջ բազայի, քաղաքական ջերմ հարաբերությունները ռազմավարական հեռանկարում էական դեր չեն կարող ունենալ», - եզրափակեց Արման Նավասարդյանը:

Տպել
3611 դիտում

Հայաստանի 5 մարզերում ձյուն է տեղում, Վարդենյաց լեռնանցքում մերկասառույց է

Քիմ Քարդաշյանը հայտնել է արցախցի երեխաներին ուղղված ամանորյա նախաձեռնության մասին

Այսօր ու վաղը ձյանն ու ձնախառն անձրևներին կհաջորդի առանց տեղումների եղանակը

«Ի՞նչ անել», եւ «ո՞վ է մեղավոր»

Դաշնակահար Սվետլանա Նավասարդյանն արժանացել է «Համագործակցության աստղեր» միջպետական մրցանակի

Պետական մարմինները պարտավոր են բոլոր լծակները կիրառել անհետ կորածների ու գերիների հարազատների հետ հաղորդակցության համար

Ստեփանակերտում և Մխիթարաշեն գյուղի մերձակայքում տեղի կունենա չպայթած ականների վնասազերծում. Արցախի ԱԻՊԾ

Պատերազմից հետո զինծառայողների հանգստի հարցը շուտով կլուծվի. հանդիպում ՊՆ-ում՝ զինվորների հարազատների եւ ծնողների հետ

Յուրաքանչյուր հայ Հայաստանի մասին պետք է մտածի՝ որպես իր տան. Ա.Սարգսյանը հանդիպել է ռուսաստանահայ համայնքի անդամներին

Զարուհի Բաթոյանը ներկայացրել է իր պաշտոնավարման ընթացքում կատարված աշխատանքների մասին հաշվետվություն

Յուրաքանչյուր զինվոր, որտեղ էլ լինի, մեր երեխան է. Արսեն Գրիգորյան

«Օդալեն» ռեստորանի խոհանոցի առաստաղը փլուզվել է․ կա զոհ

Անցյալի եւ ապագայի առջեւ

Հայաստանում հաստատվել է կորոնավիրուսով վարակվելու 1174 նոր դեպք. մահացել է 21 մարդ

Մշակույթի գործիչները նամակ հանձնեցին ՌԴ դեսպանատուն

Բացարձակ անթույլատրելի են սոցիալական ցանցերում վիրավորական գնահատականները Արցախի մեր հայրենակիցների մասին. ՄԻՊ

Զինված ավազակային հարձակում Արարատի մարզում. թալանել են բենզալցակայանը

Աշտարակ-Ագարակ ավտոճանապարհին այրվել է ավտոմեքենա

Ազատության հրապարակից մեկնարկել է մտավորականների և արվեստագետների երթը դեպի ՌԴ դեսպանատուն

«Աստղիկ» ԲԿ-ում ռումբի տեղադրման մասին կեղծ ահազանգ է եղել