Քիչ հետո կառավարության դիմաց բողոքի ակցիա տեղի կունենա.կառավարության որոշումը չի գոհացնում

Կառավարության դիմաց քիչ հետո բողոքի ակցիա տեղի կունենա: «Հայկական ժամանակ»-ի հետ զրույցում «Աջ ղեկ» նախաձեռնության անդամներից Արա Մելիքյանն ասաց, որ ինչպես հայտարարվել է հունվարի 8-ի ակցիայի ժամանակ, այսօր՝ ժամը 14:00-ին, կառավարության շենքի դիմաց բողոքի ակցիան տեղի է ունենալու:

Նշենք, որ այս ակցիան չի համակարգում «Աջ ղեկ» նախաձեռնությունը, սակայն նախաձեռնության անդամները կմիանան բողոքող քաղաքացիներին, որոնք պայքարում են Հայաստանում աջ ղեկային համակարգով մեքենաների ներմուծման, շահագործման եւ հաշվառման արգելքի դեմ:

«Աջ ղեկ» նախաձեռնության անդամ Արթուր Խաչատրյանն էլ մեր զրույցում ասաց, որ նախաձեռնությունն այսօր բողոքի ակցիա չի նախաձեռնել: «Աջ ղեկ նախաձեռնությունը դեռ ակցիա անելու մտադրություն չունի, մենք հայտարարել ենք, որ չենք անելու, բայց եթե ներմուծողները որոշեն անել, մենք ֆիզիկապես կմիանանք սատարելու։ Այս պահին կարծում եմ, իմ՝ վարչապետին ուղղված բաց նամակով կեզրափակենք»,- ասաց Արթուր Խաչատրյանը:

Վերջինս այսօր ծավալուն բաց նամակով դիմել է վարչապետ Կարեն Կարապետյանին, մանրամասն նկարագրելով աջ ղեկային համակարգ ունեցող մեքենաների շահագործումն արգելող որոշման վերաբերյալ իրենց ձեռնարկած քայլերի մասին: «Հունվարի 8-ին կառավարության առաջ մեր կազմակերպած ակցիայի ժամանակ եւ՛ տրանսպորտի, կապի եւ ՏՏ նախարարության ներկայցուցչի, եւ՛ կառավարության ներկայացուցչի հետ ձեռք բերված պայմանավորվածությամբ, մեզ ժամանակ տրվեց մինչեւ հունվարի 12-ը մշակել եւ ներկայացնել առաջարկությունների եւ հիմնավորումների փաթեթ, ըստ որի՝ կլինեն նաեւ բանակցություններ, սակայն չսպասելով այդ օրվան, ինչպես նաեւ Ձեր արձակուրդից վերադառնալուն գողտուկ-գողտուկ, չարաշահելով իրենց զբաղեցրած պաշտոնական դիրքը կառավարության նիստում հրապարակելով սուտ եւ կեղծ տվյալներ, վարկաբեկելով եւ՛ կառավարության, եւ անձամբ Ձեր եւ ամբողջ մեր ժողովրդի պատիվը, այն անցկացրին։

Լինելով ՀՀ քաղաքացի, որը չի ուզում արտագաղթի եւ ուզում է մնալ ու իր դերն ունենալ այս երկրի ծաղկման գործում, խնդրում եւ պահանջում եմ վերոնշյալ խնդրին ծանոթանալ եւ ձեռնարկել միջոցներ այն կազմակերպողներին պատժելու եւ արդարությունն ու պատիվը վերականգնելու համար»,- բաց նամակում գրել է Արթուր Խաչատրյանը:

Կառավարությունը երեկվա նիստում հավանության արժանացրեց տրանսպորտի, կապի եւ ՏՏ նախարար Վահան Մարտիրոսյանի ներկայացրած որոշման նախագիծը, որի համաձայն՝ ապրիլի 1-ից հետո արգելվեց աջ ղեկ մեքենաների հաշվառումն ու շահագործումը: Նախարար Վահան Մարտիրոսյանը կառավարության նիստից հետո լրագրողների հետ ճեպազրույցում վստահեցրեց, որ մինչեւ ապրիլի 1-ը ներմուծած մեքենաների սեփականատերերը հետագայում էլ կկարողանան ե՛ւ շահագործել դրանք, ե՛ւ վերահաշվառել: Փոխվարչապետ Վաչե Գաբրիելյանի հանձնարարականով առաջիկայում ԱԺ կներկայացվի աջ ղեկային համակարգով մեքենաների ներմուծումն արգելող օրենքի նախագիծը:

Տպել
2017 դիտում

Նախկիններն իրականում շատ կեղտոտ ծուղակ հյուսեցին Սահմանադրության մեջ, հանգուցալուծումն ԱԺ տիրույթում է․ Ս․ Սաֆարյան

Դատական դեպարտամենտի ղեկավարն ինքն է ներկայացրել հաղորդում հանցագործության մասին. ԲԴԽ

Չեմ բացառում, որ կոալիցիոն կառավարություն ստեղծվի. Վրաստանի վարչապետ

Վենետիկի հանձնաժողովն անդրադարձել է ՀՀ Սահմանադրական դատարանի հետ կապված զարգացումներին

Բռնցքամարտիկ Բարեղամ Հարությունյանը դուրս եկավ ԵԽ 1/4 եզրափակիչ՝ հաղթելով բելառուսցի մրցակցին

Մինսկ-2019․ Գ. Հովհաննիսյանը հաղթեց թուրք բռնցքամարտիկին և դուրս եկավ 1/4 եզրափակիչ (լուսանկարներ)

Թուրքիայի ղեկավարությունը շարունակում է բացահայտորեն արհամարհել միջազգային հանրային կարծիքը. Մնացականյանը՝ ՄԱԿ-ում

Հայ զինվորի ու հրամանատարի ծառայությունն ու պայքարը իրենց զավակների, հայրենիքի ապահով և խաղաղ կյանքն է. կաթողիկոս

Երևանում հայ-վրացական միջկառավարական հանձնաժողովի նիստ կանցկացվի

Քննարկվել են Հայաստանի ու Վիետնամի միջեւ համագործակցության հեռանկարները

Գորիսում եւ Կապանում ցուցադրվել են սպառազինության և զինվորական տեխնիկայի նմուշներ

Մենք չենք կարող թույլ տալ Իրանին միջուկային զենք ունենալ. Թրամփ

Թբիլիսիում քամու հետևանքով երկաթյա կոնստրուկցիան ընկել է զբոսաշրջիկների վրա. կա 1 զոհ, 2 վիրավոր

Փրկարարները քաղաքացուն դուրս են բերել գետից եւ մոտեցրել շտապօգնության ավտոմեքենային

Ուժեղացված ծառայություն Շիրակում․ բաժիններ է բերվել 129 անձ, այդ թվում՝ «օրենքով գող». (տեսանյութ)

Ֆրանսիայի Շավիլ քաղաքում Շառլ Ազնավուրի անվան հրապարակ է բացվել

Ովքեր են պայքարում անկախ դատարանների դեմ եւ ինչու է դիմադրությունը կատաղի

ԵԽԽՎ-ում քննարկում են ՌԴ-ի ձայնի իրավունքի վերականգնումը. Վրաստանը, Ուկրաինան, Բրիտանիան ծայրահեղ քայլերի են պատրաստ

Նկարիչ Հենրիկ Ոսկանյանի անունով փողոց Երեւանում չի լինի. ավագանին մերժեց նախագիծը

Կանաչապատման աշխատանքների ընթացքը գոհացուցիչ չէ. Հայկ Մարության