Տրանսպորտի նախարարն անցել է Մուկուչյանի «շկոլան». ակցիա կառավարության դիմաց (տեսանյութ)

Աջ ղեկ մեքենաների ներմուծման, վերահաշվառումն եւ շահագործման արգելքի դեմ պայքարող քաղաքացիներն այսօր կրկին հավաքվել էին կառավարության դիմաց, որպեսզի կառավարությանը գրավոր տարբերակով հանձնեն իրենց մտահոգություններն ու առաջարկությունները:

Երեկ կառավարությունն ընդունեց աջ ղեկային համակարգ ունեցող մեքենաների հաշվառումն ու շահագործումը 2018 թվականի ապրիլի 1-ից արգելելու մասին որոշումը: Գործադիրն ԱԺ կներկայացնի օրենսդրական նախաձեռնություն, որպեսզի նույն ժամանակահատվածից արգելվի նաեւ այդ մեքենաների ներմուծումը:

Ակցիայի մասնակիցներն այսօր արձանագրեցին, որ պայմանավորվածության խախտում է տեղի ունեցել, քանի որ հունվարի 8-ի ակցիայի ժամանակ տրանսպորտի նախարարության ներկայացուցիչն իրենց առաջարկել էր, որպեսզի մինչեւ հունվարի 12-ը առաջարկություններ ներկայացնեն, սակայն հունվարի 11-ին որոշումն ընդունել են: «Կառուցողական պրոցեսը խախտվել է կապի եւ տրանսպորտի նախարարության կողմից»,- հայտարարեցին ակցիայի մասնակիցները, որոնք սակավաթիվ էին: Այսօր, ի տարբերություն նախորդ օրերի, կառավարության դիմաց հավաքվել էր մոտ 30 քաղաքացի:

Կառավարության դիմաց չէին «Աջ ղեկ» նախաձեռնության հիմնական համակարգողները: Ակցիայի մասնակից Արա Մելիքջանյանի հարցին, թե ընդունո՞ւմ եք, որ նախարարությունը «գցել» է ձեզ, պատասխանեց. «Միանշանակ: Այս պահի դրությամբ կարող ենք ֆիքսել, համենայնդեպս, իմ սուբյեկտիվ կարծիքը կարող եմ ասել՝ տրանսպորտի եւ կապի նախարարն անցել է Տիգրան Մուկուչյանի «շկոլան»: Այսինքն՝ թվեր նկարելու «շկոլան»: Մի գիշերում ստատիստիկա նկարելը աբսուրդ է»: Արա Մելիքջանյանի խոսքով, նախարար Վահան Մարտիրոսյանի կողմից կառավարության նիստում ներկայացված վիճակագրությունը, որով նշվում է, թե վթարների քանի տոկոսի դեպքում են մեղավոր եղել աջ ղեկ մեքենաները, արժանահավատ չեն:

«Ի՞նչն էր խանգարում նախարարությանն այդ վիճակագրությունը ներկայացնել երբ որ նախագիծը կար: Երբ որ մենք հարց ուղղեցինք նախարարին, թե չպե՞տք է վիճակագրություն լինի, որ շարքային քաղաքացին կարդալով հասկանա, որ ռեալ վտանգավորություն կա աջ ղեկ մեքենաների շահագործման: Հունվարի 10-ի գիշերը սուտ վիճակագրություն տպել, որ գիտեք ժողովուրդ, ինչ կա՝ աջ ղեկով մեքենաները, եթե չարգելեցինք, սրանք պոտենցիալ վտանգ են ներկայացնում»,- ասաց Արա Մելիքջանյանը՝ նշելով, որ նախարարության մոտեցումն ազնիվ չէ:

Անդրադառնալով կառավարությանը ներկայացվող իրենց գրավոր նամակի բովանդակությանը, ակցիայի մասնակիցները մի քանի կետ առանձնացրեցին: Դրանցից մեկի համաձայն, եթե արտերկրից այսօր մեքենա են պատվիրել, ապա այն Հայաստան կարող է հասնել առավելագույնը 180 օր հետո: Դա նշանակում է, որը 6 ամիս անց արդեն ներմուծումն արգելված է լինելու, իսկ մեքենայի սեփականատերը այն չի կարողանալու հաշվառել:

Մյուս մտահոգությունն այն է, որ եթե ներմուծումն արգելեն աջ ղեկով մեքենաների, ապա մարդիկ ստիպված էժան մեքենա գնելու համար ձեռք են բերելու հին տարեթիվ ունեցող մեքենա: Դա էլ իր հերթին բերելու է բնապահպանական խնդիրների ավելի մեծ ռիսկի:

Եվ, վերջապես, երրորդ մտահոգությունն այն է, որ կառավարությունը քննարկում է էլեկտրական շարժիչով մեքենաների ներմուծման մաքսատուրքը հանելու հարցը, սակայն արգելում է աջ ղեկային համակարգով մեքենաների ներմուծումը: Այդ դեպքում աջ ղեկային համակարգով էլեկտրական շարժիչ ունեցող մեքենաները ներմուծել չի լինի: Ձախ ղեկային համակարգի դեպքում գինը մի քանի անգամ թանկ է:

Ակցիայի մասնակիցները կառավարությանը դիմելուց հետո, երբ ստանան պատասխան, այդ ժամանակ էլ կորոշեն իրենց հետագա անելիքները:

Տպել
1738 դիտում

ՀՖՖ ներքին աուդիտի կոմիտեն ստուգում է Մելիքբեկյանի համապատասխանությունը ՀՖՖ նախագահի թեկնածու լինելու պահանջներին

«Աբովյան» քրեակատարողական հիմնարկում մշակութային միջոցառում է անցկացվել

Խնդիրներ են հայտնաբերվել ԵՄ-ից, որոնք պետք է մենք հայտնաբերեինք. Տաթևիկ Ռևազյան

Ադրբեջանի դպրոցներում հայտնվել են գլոբուսներ, որոնց վրա որպես Հայաստանի մաս են ներկայացվում թե՛ Արցախը եւ թե՛ Նախիջեւանը

Կառավարությունում քննարկվել է Գյուղատնտեսության ոլորտի զարգացման 2020-2030 թվականների ռազմավարության նախագիծը

Ռոբերտ Քոչարյանի պաշտպանները դռնփակ նիստում հարցեր են ուղղում բողոքը քննող դատավորին

«Այն, ինչը մերժվեց շինարարի կողմից, դարձավ անկյունաքարը»

Միջոցառումների նախապատրաստական աշխատանքներով պայմանավորված՝ մայրաքաղաքի մի քանի փողոցներ ժամանակավորապես փակ կլինեն

Մխիթարյանի թիմը հեշտ մրցակից կունենա Եվրոպա լիգայի 1/16 եզրափակչում

Ալաշկերտ գյուղի խաչմերուկում ավտովթար է տեղի ունեցել. 29-ամյա վարորդը տեղում մահացել է

Լոս Անջելեսից Երեւանի համար աշխարհի ամենաբարձր ծառի սերմերն են ուղարկել. Արթուր Իսպիրյան

69-ամյա տղամարդուն մեղադրանք է առաջադրվել 12 տարին չլրացած երկու երեխայի նկատմամբ անառակաբարո գործողությունների համար

Երկաթե մահակով արագաչափ սարքերը կոտրելու մեջ կասկածվող տղամարդը բերման է ենթարկվել (տեսանյութ)

3 գերդիմակայություն Չեմպիոնների լիգայի 1/8 եզրափակչում

Եթե տեսնեինք, որ պետք է չստորագրվի, կողմ չէինք քվեարկի ԱԺ-ում. Գրիգորյանը՝ «Պետական տուրքի մասին» օրենքի նախագծի մասին

«Էրեբունի» թանգարանի տարածքը կընդարձակվի. քաղաքապետարանը ներդրողների հետ պայմանագիր է ստորագրել

Իրանը կարող է ամբողջությամբ հրաժարվել համաշխարհային ինտերնետային ցանցից

Մեկնարկել է ձմեռային զորակոչը. առաջին նորակոչիկներն այսօր կմեկնեն ծառայության

Ազատավանում «Կարմիր գրքում» հաշվառված բեզոարյան այծ են որսացել. նշանակվել է քննություն

Պահեստավորվել է 2000 տոննա աղ, 3000 տոննա՝ ավազ. Երեւանի քաղաքապետարանը պատրաստվել է ձմռանը