Դերասանուհի Լուիզա Ղամբարյանի համար տարին կսկսվի պրեմիերաներով

21/01/2018 schedule11:22

Հրաչյա Ղափլանյանի անվան դրամատիկական թատրոնի դերասանուհի Լուիզա Ղամբարյանի համար տարին կսկսվի նոր պրեմիերաներով: Այս պահին դերասանուհին մասնակցում է «Տրամվայ ցանկություն» ներկայացման փորձերին, որը դրամատիկականում առաջին անգամ հանդիսատեսի դատին կներկայացվի փետրվարի տասներկուսին:

Այս պահին ի՞նչ բեմադրության եք պատրաստվում եւ ինչ սերիալներում եք նկարահանվում:

Գարնանը մեկ այլ պրեմիերա է սպասվում հանդիսատեսին, Ժան նշանյանի հիմնադրմամբ «Եկեք անկեղծ խոսենք» բեմադրությունը, Արթուր Ութմազյանի հետ պատիվ ունեմ խաղալու:

Հանրային հեռուստատեսությամբ եթեր հեռարձակվող «Բացիր աչքերդ» հեռուստասերիալում եմ նկարահանվում այս պահին: Կա եւս մի հեռուստասերիալ, որը Արմենիա պրեմիումով է եթեր հեռարձակվելու:

- Կա՞ մի ներկայացում կամ ֆիլմ, որում կուզենայիք գլխավոր հերոսուհու կերպարը մարմնավորել:

- Այդ իմաստով ես բախտավոր դերասանուհի եմ, որովհետև ինձ բախտ է վիճակվել գրեթե միշտ մարմնավորել գլխավոր հերոսուհու կերպար: Դերասանի համար շատ ավելի կարևոր է, թե իր ասելիքն ինչպիսին է, ինչ կերպար է մարմնավորում: Կարող է լինել երկրորդական, կամ փոքրիկ դեր, բայց այնքան խոսուն, աշխատատար և հանդիսատեսի համար տպավորիչ, որ շատ ավելին լինի, քան կենտրոնական գլխավոր դերը:

Մի անգամ, խոսելով իրականության արատավոր բարքերից, հարցազրույցներից մեկում ասել էիք, որ ինչպես մարդկանց միջանձնային հարաբերություններում, այնպես էլ աշխարհաքաղաքական շատ հարցերում ձեզ շատ բան դուր չի գալիս և դա կարող է ձեզ հունից հանել. կասե՞ք խոսքն ինչին է վերաբերվում:

Այսօր հատկապես վիրտուալ տիրույթում ինձ բարկացնում և զարմացնում է դատավորի կամ ուսուցչի դեր ստանձնած հայ հասարակության պահվածքը: Իրավիճակից անտեղյակ, իրենց իրավունք են վերապահում բոլորի և ամեն ինչի մասին գնահատականներ տալ: Շատ բան կարելի է շտկել մեզանում, իսկ մենք ինչպես ենք վարվում մարդու հետ, ինչպես ենք շողոքորթում վերադասներին, ինքներս ինչպիսին ենք: Ոսկեղենիկ հայերենով ճոռոմ-ճոռոմ բաներ են ասում:

- Երևանի մասին խոսելիս միշտ ասում եք «իմ քաղաքը, իմ մանկությունը»: Ի՞նչ է փոխվել Ձեր մանկության քաղաքում այսօր:

 Այսօր իմ քաղաքում արատավոր երևույթներն են շատացել, բայց միևնույն է, դրանց կողքին կան շատ լավ բաներ: Եթե համեմատում ես աշխարհի այլ քաղաքների հետ, մեր քաղաքն ունի իր առավելությունը շատ ու շատ հարցերում: Երևանին վերաբերվելը կենսակերպ է, զգացմունք է, իսկ եթե այն քոնն է, դու սիրում ես ինչ էլ որ լինի, բոլոր վատ կողմերով: Եթե այսօր Երևանի ծայրամասերում բնակչությունը վատ իմաստով կտրուկ տարբերվում է, դա մեր մեղավորությունն է:

 - Մամուլում ձեր մասին գրել էին, «16 տարեկանում նա ստացավ իր առաջին աշխատավարձն ու տվեց մայրիկին, որպեսզի գնումներ անի պահածո պատրաստելու համար»: Խոսեք մի փոքր այդ մասին, ինչ կյանքով եք ապրել, հե՞շտ է տրվել ձեզ ամեն ինչ, թե՝ ոչ:

Ինձ հեշտ է տրվել: Ծայրահեղ բաների միջով չեմ անցել: Բոլոր այն դժվարությունները, որ կան, դա կա ցանկացած մասնագիտությունում, ցանկացած գործում:

- Սոցիալական ի՞նչ խնդիրներ եք տեսնում այսօր Հայաստանում, ի՞նչ հիմնական դժվարությունների է հանդիպում արվեստագետն այստեղ, ի՞նչ խոչընդոտներ կան:

 - Ընդհանուր երկրի սոցիալական վիճակն անդրադառնում է տարբեր բնագավառներում գործ ունեցող մարդկանց վրա, ինչու չէ, նաև թատրոնի: Դժվար է միայն թատրոնում աշխատելով նորմալ ապրել, կամ ապրել, դրա համար գոյություն ունեն այլ ծրագրեր, դերասանները շատ-շատ են աշխատում:

Այսօր քիչ թե շատ շնորհքով դերասանները գրեթե բոլորը զբաղված են: Իհարկե, այստեղ էլ կան աստիճաններ, տեղեր, յուրաքանչյուրը իր հոնորարով, իր վաստակով:

Բայց գրեթե միշտ դերասանը պետք է այլընտրանք ունենա, կողքից սերիալներում նկարահանվի, կամ այլ միջոցառումներ անի: Թատրոնի վրա դա այնքանով չի անդրադառնում, որ ունենք տարբեր ժանրի ներկայացումներ և հանդիսատեսի պակաս գրեթե չենք ունենում, անգամ եթե հասարակության սոցիալական վիճակը ծանր է:

 - Դուք մեքենա վարու՞մ եք: Եթե տեղյակ եք, ապրիլի 1-ից հետո կարգելվի աջ ղեկով  մեքենաների ներմուծումը, իսկ մինչ այդ արդեն աջ ղեկով մեքենա ունեցողները կարող են ազատ շահագործել դրանք, ինչպե՞ս եք վերաբերվում այս հարցին:

Ես վարում եմ, բայց իմ մեքենան ձախակողմյան է: Իրավիճակին և խնդիրն լավ չեմ տիրապետում, կդժվարանամ պատասխանել այդ հարցին:

                                                                                                         Աղունիկ Հովհաննիսյան

Տպել
2802 դիտում

Հայաստանի թավշյա հեղափոխությանը նվիրված լուսանկարչական ցուցահանդես է անցկացվել Վարշավայում

Կարծում եմ, որ այսօր այս հարցի լուծումը վերջնական կտրվի. Արթուր Վանեցյան

Մեկնարկել են Երևան-Երասխ-Գորիս-Մեղրի-հայ-իրանական սահման միջպետական ավտոճանապարհի հիմնանորոգման աշխատանքները

Իջեւանում է գտնվում ԱԱԾ տնօրեն Արթուր Վանեցյանը

Լոռու մարզի Սվերդլով գյուղում գայլերը հոշոտել են 25 մանր եղջերավոր անասուն

Խորհրդարանի ղեկավարը հանդիպումներ է ունեցել ԱՄՆ հայկական կազմակերպությունների ներկայացուցիչների հետ

ՀԴՄ-ները քիչ են. տրամադրվելու են միայն սահմանամերձ գյուղերում հաշվառված եւ գործող հարկ վճարողներին. ՊԵԿ

ՍԴ-ն կասեցնում է Քոչարյանի գործի վարույթները եւ դիմում ՄԻԵԴ-ին ու Վենետիկի հանձնաժողովին․ նոր զարգացում

Հայկական շոու-բիզնեսի ապագա մայրիկները (լուսանկարներ)

Իշխանությունը դատապարտված է դատական համակարգում բարեփոխումներ անել, հակառակ դեպքում 1 մմ իսկ առաջ գնալու շանս չունենք

Մարտունիում տղամարդ աշխատակիցների կարիքը մեծ է. բոլորը արտագնա աշխատանքի են մեկնել

2019 թվականի առաջին եռամսյակի համեմատ անշարժ գույքի գործարքներն աճել են 24.3 %-ով

ՀՀ սահմաններից դուրս գտնվող հայկական պետական միակ թատրոնն ինը տարի անց կգործի սեփական շենքում

Հայաստանի ամենամեծ գյուղում գյուղատնտեսությունը եկամտաբեր չեն համարում (լուսանկարներ)

«Հայաստանի փոքրիկ երգիչներ» ՀՈԱԿ-ն անհասցե է. քաղաքապետարանը պնդում է, որ իրավական որեւէ պարտավորություն չունեն

Ապօրինի հատված ծառերը տարեկան մոտ 40 մլն դոլարի չափով եկամուտ են ապահովում

Կարող եմ ասել, որ որեւէ մտահոգիչ բան այս պահի դրությամբ չունենք. նախարարը շաբաթ օրը կլողա Սեւանա լճում

Հայաստանում ՈՒԵՖԱ-ի 4-րդ կարգի մարզադաշտ է կառուցվելու. Գևորգ Լոռեցյան (տեսանյութ)

Եթե Դատավորների ընդհանուր ժողով չի եղել, պատերի տակ պիտի երդվեի՞. Նախշուն Տավարացյան

Ոստիկանությունն ունի օպերատիվ տվյալներ, թե ովքեր են վառելափայտի բիզնեսների ղեկավարները. փոխոստիկանապետ