15 միլիոն եվրո արժողությամբ ծրագիր՝ Երեւանի մանկապարտեզների համար

Երեւանի քաղաքապետարանում տեղի է ունեցել Երեւանի էներգաարդյունավետության ծրագրի մեկնարկային հանդիպումը, որին մասնակցել են Երեւանի քաղաքապետի տեղակալ Վահե Նիկոյանը, Եվրոպական ներդրումային բանկի, ՄԱԿ-ի զարգացման ծրագրի եւ ԼԴԿ խորհրդատվական կազմակերպությունների ներկայացուցիչներ, քաղաքապետարանի համապատասխան ստորաբաժանումների ղեկավարներ: Այս մասին հայտնում են Երեւանի քաղաքապետարանի տեղեկատվության եւ հասարակայնության հետ կապերի բաժնից:

Ծրագիրն իրականացվելու է Երեւանի քաղաքապետարանի եւ Եվրոպական ներդրումային բանկի միջեւ 2017թ. տարեվերջին ստորագրված պայմանագրի շրջանակում: Հիշեցնենք, որ 7 մլն վարկային ու 6 մլն եվրո դրամաշնորհային միջոցներով եւ Երեւանի քաղաքապետարանի 2 մլն եվրո համաֆինանսավորմամբ նախատեսվում է քաղաքապետարանի ենթակայության մանկապարտեզներում իրականացնել էներգաարդյունավետության բարձրացման եւ հիմնանորոգման, ինչպես նաեւ սեյսմիկ ամրացման աշխատանքներ: Արդյունքում կկրճատվեն հանրային շենքերի էներգետիկ սպասարկման ֆինանսական ծախսերը, ինչպես նաեւ կնվազի արտանետվող CO2 գազը: Հարկ է նշել, որ Երեւանի էներգաարդյունավետության ծրագրին զուգահեռ քաղաքապետարանի կողմից կիրականացվեն նաեւ հիմնանորոգման մյուս աշխատանքները:

Հանդիպման ընթացքում քննարկվել են ծրագրի իրականացման ժամանակացույցի, աշխատանքների կառավարման ու կազմակերպման, ինչպես նաեւ ծրագրում ներառվելիք շենքերի ցանկի, մրցույթների անցկացման եւ մշտադիտարկումների հետ կապված հարցեր:

Ընդգծելով ծրագրի կարեւորությունը՝ Վահե Նիկոյանը հատկանշել է, որ սա եւս մեկ անգամ փաստում է, որ Երեւանը վստահելի գործընկեր է միջազգային կազմակերպությունների համար.

«Ի դեպ, «Ֆիչ Ռեյթինգս» միջազգային վարկանիշային գործակալությունը 2017 թվականին վերանայել եւ բարձրացրել է Երեւանի վարկանիշը «B+» մակարդակում՝ «Կայուն»-ից սահմանելով այն «Դրական», ինչը կարեւոր ձեռքբերում է ինքնուրույն վարկային քաղաքականություն վարելու առաջին քայլերն անող համայնքի համար: Գործակալությունը տվյալ հանգամանքը դիտարկում է որպես Երեւանի վարկունակության նշանակալի դրական փոփոխություն: Երեւանի քաղաքապետարանը կարեւորում է քաղաքային տնտեսության տարբեր ոլորտներում Եվրոպական ներդրումային բանկի հետ համագործակցության ընդլայնումը», - նշել է քաղաքապետի տեղակալը՝ հավելելով, որ Երեւանի էներգաարդյունավետության ծրագիրը լիարժեքորեն համահունչ է Երեւանի զարգացման 2018-2022թթ. հնգամյա ծրագրին, որով նախատեսվում է ամբողջությամբ հիմնանորոգել մանկապարտեզների շենքերը:

Եվրոպական ներդրումային բանկի ներկայացուցիչ Ֆիլիպ Վանդերպուտն իր հերթին նշել է, որ Երեւանն իսկապես կարեւոր գործընկեր է ԵՆԲ-ի համար, իսկ էներգաարդյունավետության ծրագիրը՝ կարեւոր քայլ քաղաքի համար:

Նշվել է նաեւ, որ Երեւանի էներգաարդյունավետության ծրագրի իրականացման նպատակով Կանաչ կլիմայի հիմնադրամի կողմից ֆինանսավորվող «Շենքերի էներգաարդյունավետ արդիականացմանն ուղղված ներդրումների ռիսկերի նվազեցման եւ մասշտաբավորման» ծրագրով ՄԱԶԾ կողմից կտրամադրվի տեխնիկական օժանդակություն:

Տպել
1660 դիտում

Հակառակորդի բոլոր փորձերը չեզոքացվում են, հայկական զինված ուժերը կորուստներ և վիրավորներ չունեն. ՊՆ խոսնակ

Կարևոր եմ համարում միջազգային համարժեք արձագանքը, այդ թվում ՀԱՊԿ–ի կողմից՝ ուղղված Ադրբեջանին․ Լիլիթ Մակունց

Հակառակորդը թանկարժեք թռչնակ էլ կորցրեց՝ ԱԹՍ. Արծրուն Հովհաննիսյան

Այս պահին Արցախի սահմանի ամբողջ երկայնքով հարաբերական հանգիստ է տիրում. Վահրամ Պողոսյան

Ադրբեջանական կողմը վերսկսել է հրետակոծել ՀՀ նույն դիրքի ուղղությամբ 82 մմ ականանետից և տանկից. ՊՆ

Հրապարակվել են ՀՀ ԶՈՒ կողմից սահմանին խոցված ադրբեջանական «ՈՒԱԶ»-ի լուսանկարները

Կորոնավիրուսն ու դրա դաշնակիցները

Փաստորեն մեր զինծառայողները շատ հմտորեն են ցավեցրել ադրբեջանցի զինծառայողներին. Շուշան Ստեփանյան

Պետություն-հասարակություն հարաբերությունների հիմնաքարը

Փրկարարները դադարեցրել են արդեն 3 օր կորած համարվող քաղաքացու որոնողական աշխատանքները

Նորմերի խախտման դեպքերով երեկվա դրությամբ կայացվել է 4372 կազմակերպության գործունեության դադարեցման որոշում

Շենգավիթ վարչական շրջանում վերահսկողություն է իրականացվել հանրային տրանսպորտում

Կուրթան համայնքի 5 բնակիչ սնկային թունավորմամբ տեղափոխվել է հիվանդանոց. 2-ի վիճակը ծանր է

Ադրբեջանի ՊՆ-ն հայտնում է 2 սպանվածի ու 5 վիրավորի մասին

Նուբարաշենի աղբավայրում hրդեհաշիջման աշխատանքները վերսկսվել են. աշխատանքներ են տարվում արդեն մի քանի օր

Ինչպես է բերման ենթարկվել «Վստրեչի ապեր»-ը. ոստիկանությունը տեսանյութ է հրապարակել

Շենգավիթ վարչական շրջանում խախտումներ են արձանագրվել միայն մեկ խանութում

Ադրբեջանի ԶՈՒ զինծառայողները ՈՒԱԶ մակնիշի ավտոմեքենայով Տավուշի սահմանը հատելու փորձ են արել. ՊՆ

Ոստիկանությունը հուլիսի 11-ին հայտնաբերել է արտակարգ դրության իրավական ռեժիմի խախտման 3516 դեպք

Հայաստանը ներկայացրել է ՄԱԿ-ի կայուն զարգացման նպատակների իրականացման Ազգային կամավոր գնահատման երկրորդ զեկույցը