Աշնանը Արմեն Սարգսյանի դեմ հարվածներ կսկսվեն եւ ո՞վ է լինելու ՀՀ առաջին տիկինը. սոցիոլոգ

Հայաստանի հաջորդ նախագահի ՀՀԿ-ի թեկնածու Արմեն Սարգսյանը, կարծես թե, դրական վարկանիշ ունի Հայաստանում: Վերջինիս հայաստանյան քաղաքական սպասվելիք գործունեության եւ վարկանիշի մասին զրուցեցինք սոցիոլոգ Ահարոն Ադիբեկյանի հետ.

- Պարոն Ադիբեկյան, ինչպես երեւում է՝ ՀՀԿ-ի՝ նախագահի թեկնածու Արմեն Սարգսյանի վարկանիշն այդքան էլ ցածր չէ: Ըստ Ձեզ՝ որքա՞ն կպահպանվի այս դրական ֆոնը:

- Քանի որ նախագահը այսուհետ ընդամենը խորհրդանշական դերակատարում ունի՝ ազգի միասնության, պաշտպանության եւ այլն, հիմնական իշխանությունն էլ անցնում է վարչապետին, իր հաջողություններից կախված կլինի, թե որքանով այս նոր կառավարողը շահավետ կլինի ազգի համար, պետության համար, միջազգային կառույցներում Հայաստանի վարկանիշը բարձրացնելու համար: Այդ պարագայում նոր կարող ենք գնահատել եւ՛ վարչապետի, եւ՛ նախագահի աշխատանքը, եւ՛ նրանց վարկանիշը: Այնպես որ, հիմա վարկանիշի պահպանման մասին խոսելը դեռ վաղ է: Պետք է մի քիչ համբերություն ունենանք, սպասենք իրենց աշխատանքի արդյունքին:

- Իսկ եթե հենց Արմեն Սարգսյանը դառնա ՀՀ հաջորդ նախագահը, հասարակությունը նրան ինչպե՞ս կընդունի, եթե հաշվի առնենք նաեւ այն, որ Արմեն Սարգսյանը լուրջ կապ ունի Ամուլսարի շահագործման նախագծի հետ:

- Արտասահմանում, երբ ընտրում են ղեկավար մարմնի, կոռուպցիոն ռիսկերը նվազեցնելու համար ընտրում են այնպիսի մեկին, ով ունեւոր է, տնտեսապես ամուր է եւ գալիս է իշխանության ոչ թե գռփելու, այլ իրոք աշխատելու: Եվ, օրինակ, ամերիկյան նախագահները բավականին ունեւոր ընտանիքներից են եղել: Այնպես որ՝ դրա մեջ ոչ մի բան չկա: Չենք կարող սովորական մարդու ասել՝ գնա, դարձիր նախագահ: Որ նախագահ է գալիս, կամ վարչապետ է գալիս, պետք է լինի մարդ, ով ֆինանսապես բավականին ամուր է եւ չի օգտագործի իշխանությունը իր կամ իր շրջապատի համար: Դա Հայաստանի համար շատ կարեւոր է: Ուկրաինային նայենք, տեսեք՝ ինչ կատարվեց Մայդանից հետո: Կոռուպցիոն ռիսկերն այնքան են թռել, որ Եվրոպան նայում է՝ ինչ անի, Ուկրաինան պարտքերի տակից պետք է դուրս գա: Իշխանության պիտի գան մարդիկ ոչ թե տանելու, այլ՝ բերելու:

- Արմեն Սարգսյանը տարիներ առաջ շատ քիչ կառավարեց վարչապետի պաշտոնում: Ինչի՞ հետ էր դա կապված: Այն ժամանակ խոսվում էր, որ խնդիր է եղել երկրի ուժային կառույցի հետ: Այս անգա՞մ որքան կմնա հայաստանյան քաղաքականության մեջ:

- Այն ժամանակ մեզ մոտ իշխանափոխություն տեղի ունեցավ: Արմեն Սարգսյանի մոտ առողջական խնդիրներ առաջացան, եւ նա ստիպված էր առողջական վիճակի բարելավման համար մեկնել: Ոնց որ թե, լավ է արդեն, կայուն եւ առույգ վիճակում: Տեսնենք, թե այս նոր իշխանությունը ծրագրային պլանները որքանով կկատարի: Ե՛վ բնակչությունը, եւ՛ ՀՀԿ-ն հույս ունեն, որ փոփոխություն կլինի: Ուժային կառույցի հետ խնդրի մասին ոչինչ չեմ կարող ասել: Դա միայն ներքին խոհանոցին ծանոթ մարդը գիտի:

- Պարոն Ադիբեկյան, ի՞նչ եք կարծում, այս անգամ երբվանի՞ց հարվածներ կլինեն Արմեն Սարգսյանի քաղաքական գործունեության դեմ:

- Աշնանը: Ուշ աշնանը: Կերեւա՝ իշխանությունը կհարմարվի՞ ծրագրերի հետ: Արդյունքները կտեսնի՝ կերեւա: Կան երկարաժամկետ ծրագրեր, կարճաժամկետ ծրագրեր: Նոր կառավարությունը պիտի ծանոթանա այդ ծրագրերի հետ, նոր հասկանա՝ ինչ է անում, ինչ՝ չէ:

- Իսկ հնարավո՞ր է, որ Սարգսյանի որդիների եւ կնոջ՝ Անգլիայում գտնվելը բացասական երանգ ստեղծի նրա անձի նկատմամբ: Վերջին հարցազրույցներից մեկի ժամանակ Արմեն Սարգսյանի կինը ասել էր, որ սիրահարված է Լոնդոնին:

- Կարծում եմ, որ եթե Արմեն Սարգսյանը Հայաստանում լինի, ֆիրման, որն ինքը ներկայացնում է, կշարունակի աշխատել: Իր ներկայացուցչին կնշանակի, ով էլ իր անունից կկատարի աշխատանքները: Հետո՝ իր ունեցվածքը պատկանում է իր ընտանիքին, եւ կինը այդ առումով ճիշտ է ասում: Այստեղ մի նուրբ հարց կա. ո՞վ է այսուհետ լինելու առաջին տիկինը. նախագահի՞ կինը, թե՞ վարչապետի: Եթե գործադիր իշխանությունը լիարժեք տալիս են վարչապետին, ո՞վ է դառնալու առաջին տիկինը: Սա դիվանագիտական հարց է: Ես կարծում եմ՝ ստատուսով կլինի նախագահի կինը: Չեմ բացառում, որ վարչապետի կինն էլ լինի: Կարող է նաեւ երկրորդ տիկին լինել (ծիծաղում է-հեղ.): Մի քիչ դիմանանք՝ կտեսնենք:

ՀայԱրփի Բաղդասարյան

Տպել
3544 դիտում

Փաստորեն գիտակցելով էին ձախողում

Արփի լճում բավական ձկնային պաշար կար, ջրթողի հետ ձկնային պաշարներն էլ գնացին. «Արփի լիճ» ազգային պարկի նախկին տնօրեն

Մարվել է «Կեռ Թալա» կոչվող հանդամասում բռնկված հրդեհը. ԱԻՆ

Արմեն Ջիգարխանյանը հիվանդանոցում է

ԱՍՀՆ-ն դիմել է դատախազություն. «ադեկվադ»-ները գիշերօթիկ հաստատություններից մեկում խաբեությամբ նկարահանում են իրականացրել

Մխիթարյանի բացակայությամբ ՀՀ ֆուտբոլի հավաքականի ավագը կլինի Հովհաննես Համբարձումյանը

ՀՀ ֆուտբոլի հավաքականը երանելի վիճակում չէ. գլխավոր մարզիչ

Գործարար Ալիկ Պետրոսյանն ազատ է արձակվել

Հրդեհ է բռնկվել «Դիլիջան ազգային պարկ» ՊՈԱԿ-ի տարածքում. ԱԻՆ

«Ռազմարդյունաբերության ոլորտի զարգացումը շատ կարևոր է մեզ համար». կայացել է ՀՀ ռազմարդյունաբերական հանձնաժողովի նիստը

Հուսով եմ Ներկայացուցիչների պալատի կատարած սխալը ԱՄՆ Սենատը չի կրկնի. Էրդողանը՝ Թրամփի հետ հանդիպմանը

Գորիսի պարեկայինները 27 խմ փայտանյութով բարձված խոշոր բեռնատար են հայտնաբերել. ոստիկանություն

77-ամյա Լաուրա Հայրապետյանը որոնվում է որպես անհետ կորած

Ո՞վ կփոխարինի Վազգեն Մանուկյանին. խորհրդի 2 նոր անդամի նշանակվելուց հետո վարչապետը ՀԽ նախագահի թեկնածու կառաջադրի

Փոխվարչապետ Տիգրան Ավինյանի գլխավորությամբ տեղի է ունեցել Էլեկտրոնային արդարադատության միջգերատեսչական հանձնաժողովի նիստ

ԱԻՆ - «JICA» համագործակցությունը շարունակվում է. ԱԻՆ

Ավանում ավտոտնակների տեղում եւ ինքնակամ զբաղեցրած տարածքներում խաղահրապարակ է կառուցվել (լուսանկարներ)

ՌԴ իրավապահ մամինները զբաղվում են Գ. Նժդեհի հուշատախտակի նկատմամբ կատարված միջադեպով. Մարիա Զախարովա

Վանաձոր-Դիլիջան ավտոճանապարհին՝ «Եղշատի մատեր» կոչվող հանդամասում, խոտածածկույթ է այրվել. ԱԻՆ

Հայաստանի Մ-21 ընտրանին 0։1 հաշվով պարտվեց Իռլանդիայի Մ-21 թիմին