Սուպեր Սաքոյից ոչ ոք չի կարող խլել «Մի գնա» երգի հեղինակային իրավունքը. երգի հեղինակ

Սուպեր Սաքոն եւ ֆրանսիացի հայտնի ռեփեր Maître Gims-օրերս տեսահոլովակ ներկայացրեցին «Մի գնա» երգի հիման վրա, ինչը զայրացրեց Սպիտակցի Հայկոյին։ Երգիչը լրատվամիջոցներին տված հարցազրույցներում նշեց, որ բարկացած է Սուպեր Սաքոյի վրա, իրենց հարաբերությունները գնալով լարվում են: Երգիչը հայտնել էր, որ պատրաստվում է իր անունով գրանցել երգի հեղինակային իրավունքը: Սուպեր Սաքոն էլ իր հերթին հայտարարեց, որ «Մի գնա» երգը իրենն է, եւ ինքը պարզապես հրավիրել է Հայկոյին, որ միասին կատարեն, որի համար եւ վճարել է:

«Հայկական ժամանակ»-ը թեմայի շուրջ զրուցել է երգի հեղինակ Արտակ Արամյանի հետ, ով նշել է, որ երգը ամբողջովին նվիրել է Սուպեր Սաքոյին, հետեւաբար` որեւէ մեկը իրավունք չունի պահանջներ ներկայացնել:

- Արտակ, Սպիտակցի Հայկոն ու Սուպեր Սաքոն միմյանց մեղադրում են երգի հեղինակային իրավունքների ոտնահարման մեջ: Դուք, որպես երգի հեղինակ, ի՞նչ եք մտածում:

- Ես կարդացել եմ Սպիտակցի Հայկոյի հարցազրույցը, ու անկեղծ ասած, չգիտեմ, դրանք բոլորը իր բառերն են, թե լրագրողն է խեղաթյուրել մտքերը… Ոչ մեկ չի կարող հեղինակային իրավունքից զրկի ինչ-որ մեկին այս երգի հետ կապված: Այդ երգի հեղինակային իրավունքն ամբողջովին պատկանում է ինձ, եւ ես այն ամբողջովին նվիրել եմ Սուպեր Սաքոյին, նա ինչ ուզի եւ ում հետ ուզի կարող է անել այդ երգի հետ կապված: Ես դա նվիրել եմ ամբողջությամբ: Այնպես չի, որ Սպիտակցի Հայկոն տեղյակ չի եղել ֆրանսիացու հետ նկարվելիք կլիպի մասին, կամ որ ինքը հոնորար չի ստացել իր ձայնը օգտագործելու համար, այդ ամենը վճարվել է Սուպեր Սաքոյի կողմից:

- Այս դեպքում ինչո՞ւ է Սպիտակցի Հայկոն հայտարարել, որ պատրաստվում է  իր անունով գրանցել երգի հեղինակային իրավունքը:

- «Մի գնա» երգի հեղինակային իրավունքներից ոչ ոք Սուպեր Սաքոյից չի կարող զրկել, քանի որ այն ամբողջովին Սուպեր Սաքոյին է պատկանում: Եթե այստեղ ինչ-որ մեկը կարող է ինչ-որ բան խլել կամ պահանջել, ապա դա ես եմ, բայց ես պայմանագրով նվիրել եմ իրեն, անգամ ես իրավունք չունեմ այս դեպքում խլելու կամ այդ մասին խոսելու, ինքը ոնց կուզի կտնօրինի:

- Ֆրանսիացի ռեփերի հետ սպասվող տեսահոլովակի մասին Ձեզ նախապես տեղեկացրե՞լ են, թե՞ դրա կարիքը չկար:

- Միանշանակ իմացել եմ, Սաքոն ում հետ ինչ պայմանագիր կնքում է այս երգի հետ կապված, ես դրա մասին իմանում եմ, եւ այնպես չէ, որ Սպիտակցի Հայկոն այդ մասին չգիտեր… Սպիտակցի Հայկոյին վճարել են ձայնը օգտագործելու համար:

- Եթե ամեն ինչ Ձեր նկարագրածի նման է, ապա ինչի՞ արդյունք է այս ամենը:

- Սա, ինձ թվում է, հայկական նախանձի հետեւանք է, շատերին թվում է, թե Սուպեր Սաքոն մեծ գումարներ է վաստակում, բայց դա այդքան էլ այդպես չէ: Իսկ այս ցայտնոտը երգի համաշխարհային հիթ դառնալու պատճառով էր, որի նմանը մենք երբեք չէինք ունեցել: Սուպեր Սաքոն պարտավորություն չունի ոչ ինձ հոնորար վճարելու, ոչ էլ Հայկ Ղեւոնդյանին, քանի որ ժամանակին արդեն բավականաչափ վճարել է, իսկ այսօր ինչ անում է, դա իր մարդկային քայլն է, ուղղակի ինքը մենակ ուտել չի սիրում:

- Արտակ, առաջիկա ծրագրերից, եթե խոսենք, կա՞ նոր համագործակցություն Սուպեր Սաքոյի հետ:

- Արդեն իսկ կա գրված նոր երգ, որը շուտով կլինի, այն կլինի Սուպեր Սաքոյի կատարմամբ, որը դուետ է լինելու, բայց երկրորդ երգչի անունը, թույլ տվեք, հիմա չասեմ:

- Նույն սպասելիքնե՞րն ունեք այդ երգից:

- Ես իմ բոլոր երեխաներից էլ սպասելիքներ ունեմ:

Տպել
5577 դիտում

Հանկարծամահ է եղել հայտնի լուսանկարիչ Գերման Ավագյանը

Հրդեհ Արարատի մարզի Սիփանիկ գյուղում

Իսրայելը Գոլանի բարձունքներից հրթիռներ է արձակել Դամասկոսի ուղղությամբ

Լարսը բաց է բոլոր տեսակի տրանսպորտային միջոցների համար. կուտակված մոտ 1000 բեռնատար կա

Վիրահայոց թեմը հրավիրում է հարիսա ուտելու

Դովեղ գյուղում այրվել է խոտածածկ տարածք եւ խաղողի այգի

Լեռնային Ղարաբաղը չի կարող զիջել իր անվտանգությունը. վարչապետը հրապարակել է «Մյունխենյան սկզբունքներ»-ը

Ինչո՞ւ քաղաքական ուժերը խուսափեցին «Ոչ»-ի պատասխանատվությունից

Կորոնավիրուսի կասկածանքով Ադրբեջանում 2 երիտասարդի են հոսպիտալացրել

ՀՀ տարածքում շարունակվում են փակ և դժվարանցանելի մնալ ավտոճանապարհներ

Արագածոտնում 9 դպրոցականների վիճաբանությունն ավարտվել է դանակահարությամբ. 16-ամյա տղան հիվանդանոցում է

ԵԽ-ն կարգապահական տույժի է ենթարկել Թուրքիայի դրոշը պատռած հույն պատգամավորին

Վանաձորում թալանել են տեղի հայտնի անհատ ձեռներեցի բնակարանը՝ տանելով 20 000 դոլարի ոսկյա զարդեր և խոշոր գումար

Սարի թաղ տանող ճանապարհի սկզբնամասում տեղի էր ունեցել քարաթափում

Զոհրաբ Մնացականյանը հանդիպել է Ղազախստանի ԱԳ նախարար Մուխտար Թլեուբերդիի հետ

Արմեն Սարգսյանը շնորհավորական ուղերձ է հղել Լիտվայի նախագահին՝ Անկախության օրվա կապակցությամբ

ԱԳ նախարար Զոհրաբ Մնացականյանը հանդիպել է Կիպրոսի ԱԳ նախարար Նիկոս Խրիստոդուլիդեսի հետ

Առաջիկա օրերին կտաքանա 5-7 աստիճանով, որոշ շրջաններում ձյուն կտեղա

Զոհրաբ Մնացականյանի հանդիպումը Մալթայի արտաքին գործերի և եվրոպական հարցերով նախարար Էվարիստ Բարտոլոյի հետ

Բանակն ու օրենքի առջեւ բոլորի հավասարության սկզբունքը