«Խուճուճ Էդոն» 20 հարկանի հյուրանոց է կառուցում Երեւանում. (լուսանկարներ)

Երեւան քաղաքի կենտրոնում՝ Պուշկին 25 հասցեում վեր է խոյացել բազմաֆունկցիոնալ նոր համալիր:

Շենքի կառուցապատողը «Լեւ ընդ Դավ գրուպ» ՍՊԸ-ն է: Իրավաբանական անձանց պետական ռեգիստրի գրանցամատյանում առկա տեղեկատվության համաձայն, այն 2010 թվականին հիմնադրել է Արման Պետրոսյանը, որը հետագայում դարձել է ընկերության տնօրենը: «Լեւ ընդ Դավ գրուպ» ՍՊԸ-ի հիմնադիրների ցանկում նշված է, որ միակ հիմնադիր Արման Պետրոսյանը դադարեցրել է իր մասնակցությունը ընկերությունում: Մամուլի հրապարակումների համաձայն, այս ընկերության իրական սեփականատերը կապի եւ տրանսպորտի նախկին նախարար Էդուարդ Մադաթյանն է, որն առավել հայտնի է «Խուճուճ Էդո» մականունով: Մադաթյանը նախարար է նշանակվել 2000 թվականին եւ պաշտոնավարել է ընդամենը 1 տարի, իսկ դրանից առաջ Ազգային Ժողովի պատգամավոր է եղել: Էդվարդ Մադաթյանի նկատմամբ 2004 թվականին քրեական գործ էր հարուցվել «պետական բարձրաստիճան պաշտոնյաների դեմ մահափորձ կազմակերպելու հատկանիշներով», որը հետագայում կասեցվել է:

Պուշկին 25 հասցեում նախկինում տեղակայված էր արտակարգ իրավիճակների նախարարության փրկարար ծառայությունը, իսկ շենքը պատկանում էր նախարարությանը: Կառավարության դեռեւս 2011 թվականի մայիսի 5-ի որոշմամբ շենքը վերցվել էր նախարարությունից եւ հանձնվել պետական գույքի կառավարման վարչությանը: Այդ որոշմամբ «Լեւ ընդ Դավ գրուպ» ՍՊԸ-ն ներգրավվել էր ԱԻՆ-ի նոր շենքի կառուցման գործընթացում: Դավթաշեն վարչական շրջանում ընկերությունը կառուցեց ԱԻՆ-ի նոր շենքը, որի փոխարեն կառավարությունը պատմամշակութային արժեք ունեցող շինությունը տրամադրեց Էդուարդ Մադաթյանի անվան հետ կապվող ընկերությանը: Պուշկին 25 հասցեում տեղակայված ճարտարապետական յուրահատուկ լուծումներով շենքը ներառված էր պատմամշակութային արժեք ներկայացնող շինությունների ցանկում: Շենքի ճարտարապետը Ալեքսանդր Թամանյանն է:

Այն ժամանակ, երբ Մադաթյանի որդին` Արման Մադաթյանը (ԱԺ նախկին պատգամավոր Մհեր Սեդրակյանի փեսան) Երեւանի ավագանու «Հանրապետական» խմբակցության անդամ էր, սկսվեց շենքի վերակառուցման գործընթացը: Սկզբում որոշվել էր միայն մեկ հարկ ավելացնել եռահարկ շինությանը, որից հետո շենքի հարկերը հասան 20-ի:

«Հայկական ժամանակ»-ը տեղում արձանագրեց, որ շինությունը գրեթե իր ամբողջական տեսքով կանգուն է: Մնացել են ներքին հարդարման աշխատանքները եւ որոշ հատվածներում երեսպատման աշխատանքները: Մեզ հայտնի դարձավ, որ բազմաֆունկցիոնալ նոր համալիրը կրելու է «Pushk Inn» անվանումը: Բազմաֆունկցիոնալ համալիրն իր մեջ ներառելու է շքեղ հյուրանոց, իսկ շենքի մի մասը պարզապես բազմաբնակարան շենք է լինելու: «Բնակարանները գնորդներին հանձնվելու են հարթեցված հիմնահատակներով եւ պատերով, էլեկտրամոնտաժված, ինչպես նաեւ՝ շուրջօրյա տաք եւ սառը ջրամատակարարմամբ, բոլոր կոմունիկացիաներն անցկացված վիճակում, լուսամուտներով ու մուտքի դռնով: Դառնալով համալիրի որեւէ բնակարանի սեփականատեր ՝ դուք կիրականացնեք էլիտար շենքում ձեր ճաշակով եւ ցանկությամբ նախագծված, արտառոց հատակագծով եւ յուրօրինակ ոճով տուն ձեռք բերելու ձեր վաղեմի երազանքը»,- «Լեւ ընդ Դավ գրուպ» ՍՊԸ-ն նախորդ տարի այս բովանդակությամբ լուր է տարածել կայքերից մեկում:

Նշենք, որ Թամանյանի նախագծած շենքի փոխանակման եւ կառուցապատման դեմ 2013 թվականին Երեւանում ակտիվ բողոքի ակցիաներ են անցկացվել:

Նյութը հրապարակվել է «Հայկական ժամանակ» օրաթերթի հունվարի 26-ի համարում: 

Տպել
9822 դիտում

ԱՄՆ-ը չի կարող ձեռքերը ծալած նստել. կոնգրեսական Ադամ Շիֆը կոչ է անում ճանաչել Արցախի անկախությունը

Le Monde-ն բացահայտում է սիրիացի վարձկանների հավաքագրման մեխանիզմը. ում է բերում Թուրքիան Ղարաբաղի սահման եւ ինչու

Հրետակոծվել է Ասկերանի շրջանի Ավետարանոց համայնքը, կա մեկ վիրավոր. ԱՀ ԱԻՊԾ

ՊՆ-ն վաղվանից տեղեկություններ կտրամադրի նաեւ օնլայն քարտեզով. Արծրուն Հովհաննիսյան

Թշնամական ուժերի ոչնչացումը (տեսանյութ)

Օպերային թատրոնի անձնակազմի մի մասը մեկնել է ռազմաճակատ, մի մասն էլ հաղթանակին նվիրված համերգի է պատրաստվում

Մարտին կարող էր նորամուտը նշել հավաքականում, իսկ հետո անհետացավ. ու՞ր էր «կորել» Մատյո Եզիկյանը

Կորոնավիրուսը հանգեցնում է ոչ միայն պետության ծախսերի ավելացման, այլ նաեւ պաշարում է առողջապահական ֆոնդը. Լիլիթ Մուսեյան

Ստեփանակերտի հրթիռակոծության հետեւանքով հրդեհ է բռնկվել, ավերվել են շինություններ (լուսանկարներ)

Շեխեր բնակավայրը հարակից անտառներով գրեթե լիովին մաքրվել է ադրբեջանական հրոսակախմբերից և դիվերսիոն խմբերից. Հովհաննիսյան

Սահման են մեկնել նաեւ դատական կարգադրիչներ․ ԲԴԽ անդամի խոսքով՝ դատարանները բնականոն աշխատում են

Պոմպեոն կոչ է արել Հայաստանին ու Ադրբեջանին առարկայական բանակցություններ վարել

Կարծում եմ, Կրեմլը կընդունի Արցախի նախագահի դիմումը, սակայն կգործի կուլիսներում. Սարգիս Ծատուրյան

Ստեփանակերտը հերթական անգամ հրթիռակոծվեց. ՊԲ-ն շատ շուտով պատասխան հարված կհասցնի. ԱՀ նախագահի խոսնակ

Լեռնային Ղարաբաղի հարցով բանակցություններում առաջընթաց է գրանցվել. Թրամփ

Ալիևի «փառավորներ», որ զրահատեխնիկան թողել ու փախել էք, ձորերի մեջ ձեր անփառունակ մահն եք գտնելու. Արծրուն Հովհաննիսյան

Մարտունին և Ստեփանակերտը ռմբակոծվում են

ՀՕՊ ստորաբաժանումները ՀՀ հյուսիսարևելյան ուղղությամբ խոցել են հակառակորդի ԱԹՍ. ՊՆ (լուսանկարներ)

Վարչապետը տեսակցել է նաեւ Սասուն Միքայելյանին (լուսանկարներ)

Հարազատս, եղբայրս, որդիս. Նիկոլ Փաշինյանն այցելել է վիրավոր զինծառայողներին