Երեւանի եւ Փարիզի քաղաքապետերը տարվա մեջ երկու անգամ զանգում են իրար

Ի՞նչ առիթով են Երեւանի եւ Փարիզի քաղաքապետարանները միմյանց հետ գրեթե ամենօրյա ռեժիմով կապ պահպանում: Հատկապես ի՞նչ խնդիրներ ու նպատակներ են այդպես միավորում Հայաստանի ու Ֆրանսիայի մայրաքաղաքներին:

Հունվարի 22-ին աշխատաքային այցով Ֆրանսիա մեկնած Սերժ Սարգսյանը, հանդիպելով Փարիզի քաղաքապետ Անն Իդալգոյի հետ, մասնավորապես նշել էր, թե «տեղյակ է, որ Փարիզի ու Երեւանի քաղաքապետարանների միջեւ կան գրեթե ամենօրյա սերտ շփումներ, եւ որ Փարիզը պատրաստակամ է Երեւանի հետ կիսելու իր լավագույն փորձն, ու արդեն կան այդ պատրաստակամության շատ որոշակի դրսեւորումներ»:

Երեւանի քաղաքապետարանի տեղեկատվության եւ հասարակայնության հետ կապերի վարչության պետ Արթուր Գեւորգյանը, մեր հարցմանն ի պատասխան մանրամասնելով վերոնշյալը, ասաց, որ քույր եւ գործընկեր քաղաքների հետ Երեւանի շփումները մշտական են:

«Չմոռանանք, որ այդ մշտական շփումները բացարձակապես չեն ենթադրում կոնկրետ երկու քաղաքների քաղաքապետերի անմիջական շփումներ: Ի վերջո, քույր եւ գործընկեր քաղաքներից յուրաքանչյուրի հետ կան հստակ սահմանված համագործակցության ծրագրեր, եւ դրանք իրագործելու համար անհրաժեշտ է հստակ աշխատանք տանել: Բնական է, որ երկու կողմերի աշխատանքային խմբերը մշտական կապի մեջ են, որպեսզի ծրագրերը կյանքի կոչվեն»,- ասաց Արթուր Գեւորգյանը:

Նա, միեւնույն ժամանակ հավելեց. «Բնականաբար, իհարկե, նաեւ երկու քաղաքապետերն են պարբերաբար զրույցներ ունենում: Նրանց այդ շփումները չեն կարող անընդհատ լինել: Չեմ կարծում, թե աշխարհում կգտնվեն քաղաքապետեր, ովքեր այնքան ազատ ժամանակ կունենան, որ մեկը մյուսի հետ ամեն օր զրուցեն: Բայց ամեն դեպքում երկու գործընկերների միջեւ պարբերաբար հեռախոսային կապ կարող է լինել՝ անհրաժեշտության դեպքում իրար հետ զրուցելու, ինչ-որ հարց քննարկելու: Եթե ուրիշ բան էլ չլինի, երկու գործընկեր քաղաքների քաղաքապետերը տարվա մեջ առնվազն երկու անգամ կարող են իրար հետ խոսել, որովհետեւ եթե կա փոխադարձ հարգանք, մեկը մյուսի ծննդյան օրը չշնորհավորի՞»:

Երեւանի օրինակով Փարիզում նախատեսվում է հիմնադրել ԹՈՒՄՈ ստեղծարար կենտրոն: Երեւանն էլ գործընկեր քաղաքի դրական փորձն է ձգտում ընդօրինակել:

«Փորձ ասելով՝ պետք է հստակ պատկերացնել, որ խոսքը վերաբերում է նախ եւ առաջ կառավարման տեխնոլոգիաներին: Այո, կան բաներ, որոնք կառավարման տեսանկյունից իսկապես նախընտրելի կլինեն նաեւ Երեւան քաղաքի համար: Օրինակ՝ Երեւանի քաղաքապետ Տարոն Մարգարյանը Փարիզ կատարած վերջին այցի ժամանակ այցելել էր Փարիզի քաղաքային ճգնաժամային կառավարման կենտրոն: Մենք անցյալ տարի հայտարարեցինք «Խելացի Երեւան» ծրագրի մեկնարկը: ՏՏ ոլորտում ունենք հրաշալի մասնագետներ եւ ներուժ: Վատ բան չկա լավ բանը սովորելու ու նաեւ մեր քաղաքում կիրառելի դարձնելու մեջ, հատկապես եթե խոսքը վերաբերում է կառավարման տեխոլոգիաներին»,- նշեց քաղաքապետարանի պաշտոնյան:

Երեւանն ու Փարիզը գործընկերության հուշագիր են ստորագրել 1998 թվականին:  

Նյութը հրապակվել է «Հայկական Ժամանակ» օրաթերթի հունվարի 26-ի համարում:

Տպել
1275 դիտում

«Դիլիջան» ազգային պարկում ծառերը հատելու նոր հնարք են գտել (տեսանյութ)

Հակոբ Նազարյանը դուրս է գալիս «Բարգավաճ Հայաստան» կուսակցությունից ու ընտրական ցուցակից

Ծաղկաձորը ներառվել է ձմեռային հանգստի համար լավագույն վայրերի առաջին հնգյակում

Առաջիկա 5 օրերին Հայաստանում տեղումներ չեն սպասվում

Արման Փաշիկյանը 10 տարի անց նորից դարձել է շախմատի Հայաստանի չեմպիոն

Ադրբեջանական հաքերները կոտրել են մոտ 2 հազար հայկական էլ․ փոստեր եւ ֆեյսբուքյան հաշիվներ

2018-ի 3-րդ եռամսյակում օտարերկրյա ուղղակի ներդրումները 50%-ով աճել են՝ 2017-ի համեմատ. վարչապետ

Վերին Լարս տանող Գուդաուրի-Կոբի ճանապարհահատվածը բացվել է մարդատար մեքենաների համար

Երևանում փրկել են տղամարդու կյանքը, ով անցել է կամրջի վտանգավոր եզրագիծը, փորձել նետվել

Թագավորական անձրևանոցներ՝ գոյություն ունեցող բոլոր գույներով. երանգներ՝ թագուհուց (լուսանկարներ)

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկների, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը