Հանք շահագործողները կհրապարակեն մինչ օրս գաղտնի պահվող տեղեկությունները

Կառավարությունը պատրաստվում է հանքարդյունաբերության ոլորտում գործունեություն իրականացնող տնտեսվարողներին օրենքի ուժով պարտավորեցնել ավելի հրապարակային գործել: Էներգետիկ ենթակառուցվածքների եւ բնական պաշարների նախարար Աշոտ Մանուկյանը կառավարության հունվարի 25-ի նիստում կներկայացնի օրենսդրական նոր փաթեթը: Փոփոխություններ կկատարվեն «Ընդերքի մասին» օրենքում, «Հարկային օրենսգրքում» եւ «Վարչական իրավախախտումների վերաբերյալ» օրենսգրքում:

Օրենսդրական փաթեթը մշակվել է Հայաստանի ամերիկյան համալսարանի պատասխանատու հանքարդյունաբերության կենտրոնի կողմից` Արդյունահանող ճյուղերի թափանցիկության նախաձեռնության (ԱՃԹՆ) բազմաշահառու խմբի եւ Հայաստանի կառավարության աշխատակազմի ԱՃԹՆ-ի պատասխանատուների մասնակցությամբ:

Նախագծի հիմնավորման մեջ ասվում է, որ հանքարդյունաբերությունը օրենքով համարվում է հրապարակային գործունեություն, սակայն հրապարակայնության կարգավորմանն ուղղված դրույթ նախատեսված չէ օրենքում: Ուստի, պարզ չէ, թե կոնկրետ որ տեղեկատվությունն է ենթակա հրապարակման, ինչ սկզբունքով է իրականացվում նշված հրապարակումը: Չի հրապարակվում տրամադրված պաշարների քանակի, արդյունահանման ծավալների վերաբերյալ տեղեկատվությունը: Հանքարդյունաբերողներն այդ տեղեկությունը չեն հրապարակում պատճառաբանելով, որ առեւտրային գաղտնիք է պարունակում նշված տեղեկությունը: Մինչդեռ ՀՀ օրենսդրությունում հստակ ամրագրված չի առեւտրային գաղտնիք պարունակող տեղեկության շրջանակը:

Օրենսդրական փաթեթով առաջարկվում է սահմանել ընդերքն օգտագործողների ոլորտում առեւտրային գաղտնիք չհամարվող եւ հրապարակման ենթակա տեղեկությանը վերաբերող հարցերը:

Նախագծի մշակման անհրաժեշտությունը պայմանավորված է եղել այն հանգամանքով, որ Արդյունահանող ճյուղերի թափանցիկության նախաձեռնության (այսուհետ նաև՝ ԱՃԹՆ) ստանդարտով հստակ սահմանված են ընդերքօգտագործման ոլորտում հրապարակման ենթակա տեղեկատվության շրջանակին առնչվող մի շարք հարցեր: Արդյունահանող ճյուղերի թափանցիկության նախաձեռնությունը բնական պաշարների բաց եւ հաշվետու կառավարումը խթանող միջազգային կազմակերպություն է, որին 2017 թվականի  դրությամբ անդամակցում են 51 երկրներ: Հայաստանը 2017 թվականի մարտի 9-ից հանդիսանում է ԱՃԹՆ-ի թեկնածու երկիր:

ԱՃԹՆ-ին անդամակցող երկրները պարտավորվում են հրապարակել ամենամյա զեկույցներ, որոնք պետք է ներառեն ամբողջական տեղեկատվություն`

պետության կողմից տրված թույլտվությունների

արդյունահանման ծավալների

պետությանը վճարված հարկերի և վճարների

ոլորտից ստացված եկամուտների տեղաբաշխման

սոցիալական ծրագրերի իրականացման վերաբերյալ

Անդամակցության համար անհրաժեշտ քայլերի իրականացման համար կառավարությունը համագործակցել է միջազգային գործընկերների՝ ԱՄՆ միջազգային զարգացման գործակալության, Համաշխարհային բանկի, Հայաստանի Հանրապետությունում Միացյալ Թագավորության դեսպանատան, ՄԱԿ-ի զարգացման ծրագրի հետ:

Տպել
1564 դիտում

Շենգավիթում հնչած կրակոցների հետեւանքով մահացածը թաղային հեղինակություն է

Վարչապետը տիկնոջ եւ դուստրերի հետ մասնակցել է Գյումրու օրվան նվիրված տոնական միջոցառումներին (լուսանկարներ)

Այս տարի Գյումրին լինելու է Հայաստանի անկախության տոնակատարությունների կենտրոնը․Նիկոլ Փաշինյան

Գյումրիում մեկնարկել է քաղաքի օրվան նվիրված տոնական համերգը (լուսանկարներ, ուղիղ միացում)

Կրակոցներ Երեւանում․ կա 1 զոհ եւ վիրավորներ․ հայտնաբերվել են պարկուճներ, դանակներ․ Shamshyan.com

Գյումրին հայի համար աշխատասիրության, տաղանդի ու ոգու քաղաք է․ Կոմանդոսը մասնակցում է Գյումրու օրվա տոնակատարությանը

Հավանաբար այս տարվա ընթացքում կունենանք ժամանակացույցը՝ 2 տարի է, 3 թե 4․ Շիրակի մարզպետը՝ տնակների խնդրի մասին

Հենց նոր մի հետաքրքիր տեղեկություն իմացա. Նիկոլ Փաշինյան

Լարված վերջաբան Գյումրիում. Փյունիկը 1-3 հաշվով պարտվեց «Շիրակին»

Լուծարվող գիշերօթիկների աշխատակիցները վարչապետի հետ չկարողացան խոսել

Գյումրին պետք է դառնա Երեւանին մրցակից. Ֆելիքս Ցոլակյանը մասնակցում է Գյումրու տոնի միջոցառումներին (լուսանկարներ)

Մենք 21-րդ դարում ենք, բայց մեր ունեցած տեխնիկան 20-րդ դարի է. Ֆելիքս Ցոլակյան

Նիկոլ Փաշինյանը եւ Աննա Հակոբյանը պարում են Գյումրու Ռուսթավելի փողոցում (տեսանյութ)

Հոկտեմբերի 11-ին նախատեսված է Գյումրու ավտոմաքսատան բացումը․ Դավիթ Անանյան

Փաշինյանն ընտանիքի հետ մասնակցում է Գյումրու տոնի միջոցառումներին (ֆոտոռեպորտաժ)

«Քաղաքի օր» տոնակատարության շրջանակում շահագործման հանձնվեց Շիրազի փողոցը. բացմանը ներկա էր վարչապետը (տեսանյութ)

«Մալաթիա մոլի» շենքում բռնկված հրդեհը մարվել է

Գյումրու օրվա տոնական միջոցառումներին է միացել վարչապետ Նիկոլ Փաշինյանը (լուսանկարներ, տեսանյութ)

Գյումրին բոլոր հարցերում յուրահատուկ տեղ ունի․ ԱԺ փոխնախագահ Ալեն Սիմոնյանը մասնակցում է «Քաղաքի օր» միջոցառմանը

Չապնի եւ Սեւաքար գյուղերում անօդաչու թռչող սարքերով հետազոտվել են հրդեհի օջախները․ 110 բնակիչ տարհանվել է