Ֆրանկոֆոնիայի գագաթաժողովը հայկական դիվանագիտության գագաթնակետն է. Սարգսյանի հարցազրույցը

Ֆրանսիա կատարած աշխատանքային այցի շրջանակներում Սերժ Սարգսյանը հարցազրույց է տվել  ֆրանսիական «Le Express» հեղինակավոր շաբաթաթերթին։ Սարգսյանն ամփոփել է Ֆրանսիա կատարած այցն ու խոսել նախագահ Էմանուել Մակրոնի հետ հանդիպման տպավորությունների մասին։

«Կարծում եմ նախագահ Մակրոնն իր երիտասարդությամբ ու դինամիզմով նոր լիցք կhաղորդի մեր երկու երկրների միջեւ հարաբերություններին։ Արդեն 25 տարի է, ինչ Հայաստանը դիվանագիտական հարաբերություններ է հաստատել Ֆրանսիայի հետ եւ այդ հարաբերությունները խորանում են տարբեր ոլորտներում։ Բացի դրանից, Ֆրանսիան Մինսկի խմբի համանախագահ երկիր է, առանցքային գործընկեր է, ինչպես երկկողմանի, այնպես էլ բազմակողմ հարաբերություններում»,- ասել է Սերժ Սարգսյանը։ Նա խոսել է նաեւ նոյեմբերի 24-ին կնքված Հայաստան-ԵՄ Համապարփակ եւ ընդլայնված գործընկերության համաձայնագրի մասին, նշելով, որ դրա արդյունքը կլինի Հայաստանի քաղաքացիների համար վիզաների ազատականացումը։

Հարցին, թե այս տարվա հոկտեմբերի 11-12 Հայաստանում անցկացվող Ֆրանկոֆոնիայի գագաթաժողովը ի՞նչ նշանակություն ունի Հայաստանի համար, Սերժ Սարգսյանը պատասխանել է, որ այն հայկական դիվանագիտության գործունեության գագաթնակետն է եւ մեծ իրադարձություն մեր երկրի համար։

«Հայաստանը կկարողանա ներկայացնել իրեն ամբողջ աշխարհին։ Մենք հնարավորը կանենք, որ այն անցնի մեծ հաջողությամբ։ Աշխարհի պետությունների գրեթե կեսը ներկայացված կլինեն Երեւանում, շատերը պետությունների ու կառավարությունների ղեկավարների մակարդակով»,- ասել է Սարգսյանը։ Նա նաեւ կարեւորել է գագաթաժողովի շրջանակներում տնտեսական համաժողովի անցկացումը, որը ֆրանկոֆոն գործատուների միջազգային ցանցի ստեղծման հիմք է հանդիսանալու։

Լրագրողը նշելով, որ Հայաստանն աշխարհագրորեն գտնվում է բարդ իրավիճակում Թուրքիայի, Ադրբեջանի եւ Իրանի միջեւ, Թուրքիայի հետ հարաբերությունները հիմնված են 1915 թ.-ի Հայոց ցեղասպանության չճանաչման վրա, Ադրբեջանի հետ հարաբերություններն էլ անբաժան են Լեռնային Ղարաբաղի  հակամարտությունից, հետաքրքրվել է Հայաստանի եւ Իրանի հարաբերությունների մակարդակով։ Սերժ Սարգսյանը նշել է, որ Իրանը Հայաստանի համար կենսական նշանակություն ունի․ «Մեր քաղաքական երկխոսությունը կայուն է, փոխայցերն էլ պարբերական բնույթ ունեն»,- ասել է Սարգսյանը։ Նա նաեւ խոսել է Ղարաբաղյան հարցում Թեհրանի հավասարակշռված դիրքորոշման մասին։

«Չնայած Ադրբեջանը փորձում է Ղարաբաղյան խնդրին հաղորդել կրոնական բնույթ, Իրանի հետ մեր օրինակելի հարաբերությունները ցույց են տալիս, որ Հայաստանը հարգում է իր հարեւաններին»,- ասել է Սերժ Սարգսյանը։

Անդրադառնալով Իրանի միջուկային ծրագրի հարցին՝ Սարգսյանը կարեւորել է այս խնդրի շուրջ 2015թ.-ի Հուլիսյան համաձայնագիրը, որը կառուցողական մոտեցում է եւ տանում է խաղաղության։ «Ես ուրախ եմ ,որ Ֆրանսիան աջակցում է այդ համաձայնագրին՝ ինչպես նշել է նախագահ Մակրոնը»,- իր խոսքը եզրափակել է Սերժ Սարգսյանը։

Էմմա Չոբանյան

Տպել
1511 դիտում

Կառավարությունում քննարկվել են Հրանտ Մաթևոսյանի մշակութային կենտրոն-թանգարանին վերաբերող հարցեր

ՔՊ-ն նիստ է հրավիրել. օրակարգում ուժային կառույցների ղեկավարների հրաժարականներն են

Անի խոշորացված համայնքի ղեկավար Արտակ Գեւորգյանին եւ եւս 2 աշխատակցի մեղադրանք է առաջադրվել

Տեղի է ունեցել Հայաստանի խաղողագործության և գինեգործության հիմնադրամի հոգաբարձուների խորհրդի նիստը

Սուրեն Պապիկյանը Դաժու Յանգի հետ քննարկել է տեխնիկական համագործակցության հեռանկարները

Սամվել Թոփալյանն առաջադրվել է կանադական կինոփառատոնի «Լավագույն դերասան» անվանակարգում

Գեղամ Գևորգյանը հանդիպել է Ռուսաստանի դաշնային հակամենաշնորհային ծառայության ղեկավարի հետ

Գագիկ Ջհանգիրյանը քիչ առաջ արդարացվեց Մարտի 1-ի գործով․ Վճռաբեկ դատարանը հրապարակեց որոշումը

ՎիվաՍել-ՄՏՍ-ն ու «Սինոփսիս Արմենիան» աջակցում են Եվրոպական համալսարանին

Վալերի Օսիպյանը նշանակվել է ՀՀ վարչապետի գլխավոր խորհրդական. որոշում

Ալիևն ու Զասը հանդիպել են. ի՞նչ քննարկելու հարցեր կարող են լինել ՀԱՊԿ-ի ապագա գլխավոր քարտուղարի ու Բաքվի միջեւ

Վանեցյանը ՀՖՖ նախագահի պաշտոնից հրաժարական չի տա. ասում են ՀՖՖ-ից

Ձերբակալվել է «Կոշ» քրեակատարողական հիմնարկի պետն ու ևս 2 անձ. ԱԱԾ

Օսիպյանն առանձնահատուկ գոհունակություն է հայտնել ոստիկանության զորքերի նկատմամբ. վերջին խորհրդակցությունը (տեսանյութ)

Վայոց ձորի մարզպետը դատական հայց է ներկայացրել իրավապաշտպանի դեմ

Բակո Սահակյանը ռազմավարական զորավարժությունների անցկացման հետ կապված խորհրդակցություն է հրավիրել

9 տարի է՝ Էմմիյանը փորձում է 600-800 հազար եվրո արժողությամբ գույքը գրեթե անվճար բերել Երեւան, իսկ ՀՀ-ում ձգձգում են

Վրաստանը և Ուկրաինան իրենց ասոցացնում են Բաքվի հակաժողովրդավարական վարչակարգի հետ. Արցախի ԱԳՆ

Գազի ոլորտում կորուստները և սեփական կարիքների համար ծախսերը երբևէ արձանագրված ամենացածր մակարդակի վրա են. վարչապետ

Քաղաքապետարանն օգոստոսին աշխատավարձ բաժանելու համար բավարար գումար է փոխանցել Սանիթեքին. պաշտոնական