Շատ կարեւոր է Ֆրանկոֆոնիայի գագաթաժողովը, բայց ի՞նչ կապ ունի հասունության հետ. խմբագրական

Ի՞նչը կարող է համարվել մեր երկրի հասունության քննությունը: Այս հարցի մի քանի պատասխաններ կարծես ակնհայտ են:

Եթե, օրինակ, Հայաստանում անցկացվեն ընտրություններ, որոնց ժամանակ ընտրակաշառք չբաժանվի, իշխող կուսակցությունը չօգտագործի իր վարչական ռեսուրսը, ոչ իշխանական ուժերին ճնշումների չենթարկեն, ապա վստահաբար կարելի է ասել, որ դա մեր երկրի համար մի յուրօրինակ հասունության քննություն է:

Կամ, եթե Հայաստանում կոռուպցիայի մակարդակը էականորեն իջնի, կամ, ասենք, արտագաղթի տեմպը շոշափելիորեն նվազի, աղքատության ցուցանիշը զգալիորեն նահանջի, պաշտոնյաները բիզնեսով չզբաղվեն, տնտեսության մեջ մրցակցությունը շեշտակի բարձրանա, դատարանները գոնե մի քիչ արդարադատություն իրականացնեն, իրավապահները դադարեն լինել այդ պահին գործող իշխանական ուժի անձնական գվարդիան, վերանա անպատժելիությունը, բարձրանա կրթության որակը...: Թերեւս սրանք են այդ «քննությունները»: Մեր՝ գրեթե 30- ամյա անկախ պետությունը ոչ մի կերպ չի կարողանում «հանձնել» հասունության այդ քննությունները:

Ու չի կարողանում «հանձնել» մի պարզ պատճառով: Սրանք ՀՀ իշխանությունների համար չեն համարվում «կարեւոր առարկաներ»: Երբեւէ լսած կա՞ք, որ որեւէ բարձրաստիճան պաշտոնյա արտագաղթի կանխումը, աղքատության կրճատումը, արհեստական մոնոպոլիաների վերացումը կամ կոռուպցիայի նվազումը գնահատի որպես «հասունության քննություն» պետության համար: Չեք լսել: Չեն ասել: Չեն համարում այդպիսին:

Իսկ ի՞նչն են համարում, ո՞ր «առարկաներն են» համարում կարեւոր: Երեկ Սերժ Սարգսյանը իր մոտ խորհրդակցություն է հրավիրել, որի ընթացքում քննարկվել են այս տարի Հայաստանում կայանալիք երեք խոշոր միջոցառումների նախապատրաստական աշխատանքների ընթացքը: Խոսքը Ֆրանկոֆոնիայի գագաթաժողովի, 1-ին Հանրապետության ստեղծման 100-ամյակին եւ Երեւանի 2800-ամյակին նվիրված միջոցառումների մասին է:

Նախագահականի տարածած պաշտոնական հաղորդագրության համաձայն՝ Սերժ Սարգսյանը խորհրդակցության ժամանակ հայտարարել է, թե «Անկախությունից ի վեր նման մասշտաբի պետական միջոցառումների պատշաճ անցկացումը Հայաստանի Հանրապետության համար կդառնա յուրօրինակ հասունության քննություն»: Սերժ Սարգսյանի պատկերացմամբ՝ տարեկան երեք հատ «նման մասշտաբի» միջոցառում ես անցկացնում ու վերջ՝ պետությունը դառնում է հասուն: Այդ պետությունից մարդիկ կարող են գլխապատառ փախչել, կոռուպցիան կարող է ներսից հոշոտել այդ պետությունը, ամբողջ տնտեսությունը կարող է բաժանված լինել մի քանի «գործարարների» մեջ... բայց դա հեչ, դա կարեւոր չի, կարեւորը, որ «նման մասշտաբի» միջոցառումները «պատշաճ» անցկացվեն:

«Նման մասշտաբի» միջոցառումների պակաս մենք չենք ունեցել: Ժամանակին ազգովի «նման մասշտաբի» շուրջպար էինք բռնել Արագածի շուրջ, ազգովի տոնում էինք Քրիստոնեության 1700- ամյակը, Երեւանը մեկ տարի շարունակ «Գրքի համաշխարհային մայրաքաղաքն էր», շատ պատշաճ նշեցինք Ցեղասպանության 100-ամյակը....:  Բայց կարո՞ղ ենք ասել, որ մենք հանձնեցինք հասունության քննությունը:

Ի՞նչ խոսք, կարեւոր, նույնիսկ շատ կարեւոր է, որ նման միջոցառումներ անցկացվեն: Դա բարձրացնում է երկրի ճանաչելիությունը, նպաստում որոշակի աշխարհաքաղաքական ու տարածաշրջանային խնդիրներ լուծելուն, կամ գոնե նպաստում, որ զբոսաշրջությունը զարգանա: Բայց ոչ մի կերպ, նույնիսկ մեծ, շատ մեծ վերապահումներով հնարավոր չէ «նման մասշտաբի» միջոցառումը գնահատել որպես պետության համար «հասունության քննություն»: Ու բացի այդ, «հասունության» այսպիսի չափորոշիչներ սահմանելը պատահական չէ: Ամբողջ խնդիրն այն է, որ իրական հասունության քննությունները իշխանությունը հանձնել չի կարող եւ նույնիսկ չի էլ փորձի: Այդ պարագայում մնում են միայն «նման մասշտաբի» միջոցառումները «պատշաճ անցկացնելը»:

Խբագրականը հրապարակվել է «Հայկական Ժամանակ» օրաթերթի հունվարի 27-ի համարում: 

Տպել
3303 դիտում

Երեւանում երիտասարդը փորձել է վրեժխնդիր լինել ավտոմեքենայով կատարած վրաերթի միջոցով. նրան մեղադրանք է առաջադրվել

Առաջին անգամ Հայաստանում կատարվել է լյարդի փոխպատվաստում երեխային կենդանի դոնորից. Արսեն Թորոսյան (տեսանյութ)

ԱԺ-ն ընդունեց կենդանիների նկատմամբ դաժան վերաբերմունքը քրեականացնող նախագիծը

ՀՀ ՊՆ պատվիրակությունը մեկնել է Մոսկվա՝ բանակցելու ռազմարդյունաբերական ձեռնարկությունների ներկայացուցիչների հետ

Գեւորգ Պետրոսյանը «գիշերօթիկներ»-ի հարցը խեղաթյուրում է. նախարարի խորհրդականի արձագանքը

Խորհրդարանն առաջին ընթերցմամբ ընդունեց ընդերքօգտագործման ոլորտի իրական սեփականատերերի բացահայտման վերաբերյալ օրինագիծը

Գագիկ Բեգլարյանի օրոք 15 միլիոն դրամով ձեռք բերված մեքենան օտարվում է

Սիրիայում ռազմական գործողությունները վերսկսելու կարիք այս պահին չկա. Թուրքիայի ՊՆ

Նախագահ Արմեն Սարգսյանը Տոկիոյում հանդիպել է Վրաստանի նախագահ Սալոմե Զուրաբիշվիլիի հետ

Հայաստանն ու Հնդկաստանը կխորացնեն համագործակցությունը տեխնոլոգիական ոլորտում

Մետաքսի ճանապարհ, 1,5 մլրդ դոլար ծրագրերի փաթեթ. Տիգրան Ավինյանը հանդիպել է Ասիական զարգացման բանկի փոխնախագահին

Մեսսիի ռեկորդը գերազանցված է. նոր ցուցանիշի հեղինակը Մբապեն է

Կառավարության սուբվենցիոն ծրագրով հիմնանորոգվում է Վանաձորի Ռուբեն Սեւակի անվան զբոսայգին, նաեւ հատվել են ծառեր

Աշխատանքային իրավունքների իրազեկման համար ՄԻՊ-ն ու Բուլղարիայի դեսպանատունը մեկնարկում են ծրագիր

Քննարկել են համատեղ ծրագրեր. ԿԲ նախագահն ու ՀՀ փոխվարչապետը հանդիպել են ԱՄՀ գործադիր տնօրեն Կրիստալինա Գեորգիեւայի հետ

Տիգրան Ավինյանը հանդիպել է Վրաստանի խորհրդարանի նախագահի հետ եւ խոսել վիրահայ համայնքի դերակատարության մասին

Խորհրդարանն ընդունեց ճանապարհային երթեւեկության խախտումները նկարահանելու վերաբերյալ աղմկահարույց օրինագիծը

Խնջույքի ժամանակ որևէ վիրավորական արտահայտություն չի հնչել. ՔԿ

Թաթան, Իվետա Մուկուչյանը, Արման Հովհաննիսյանը, Արսեն Սաֆարյանը, Սիլվա Հակոբյանը հայտարարագրել են իրենց եկամուտները

Արմեն Սարգսյանը մասնակցել է Ճապոնիայի նոր կայսր Նարուհիթոյի գահակալության առիթով կազմակերպված ընդունելությանը