Ստենտավորվել, գումարը չեն վճարել. «Գյումրի» բ/կ-ն 25 մլն դրամի պարտք է կուտակել

Սրտամկանի սուր ինֆարկտով այս ամիս «Գյումրի» բժշկական կենտրոն է հասցվել եւ ստենտավորվել 20-ից ավելի քաղաքացի: Նրանց մեծ մասը պետության կողմից իրականացվող «Կյանքի ստենտ» ծրագրով են փրկվել: Այս ծառայության համար պետությունը մեկ հիվանդին մեկ ոչ դեղապատ ստենտ է տրամադրում, որի արժեքը 700.000 դրամ է: Սակայն քիչ չեն դեպքերը, երբ «Գյումրի» բ/կ դիմած հիվանդը հրաժարվում է անվճար ծրագրից եւ նախընտրում է ստենտավորվել վճարովի հիմունքով, որի դեպքում տեղադրվում է դեղապատ ստենտ՝ 1մլն 100.000 դրամ արժեքով:

«Մարդիկ դեղապատն են նախընտրում, քանի որ երկրորդ անգամ դրա խցանվելու հավանականությունը քիչ է, գրեթե 4, 5 անգամ պակաս է: Բայց գինը թանկ է»,- մեզ հետ զրույցում ասաց «Գյումրի» բ/կ ինվազիվ սրտաբան Դավիթ Մինասյանը:  

Միայն թե անվճար ծառայությունից հրաժարված եւ վճարովին նախընտրած շիրակցիները նույն վճռականությամբ վճարումներ չեն կատարել, ինչի հետեւանքով բժշկական կենտրոնն այսօր մոտ 25 մլն դրամի պարտք ունի կուտակած:   

«Տեսեք, թե ոնց եղավ էս ամեն ինչը: Մենք մարդկանց գնացինք ընդառաջ եւ ժամանակացույց կազմեցինք, որ դրա համաձայն վճարումները կատարեին: Դրանից բացի, բերում են հիվանդին, անվճարից հրաժարվում են, ասում են՝ խնդիր չկա, դուք դեղապատ ստենտը դրեք, ամեն ինչ արեք, մենք վաղը կվճարենք: Իսկ եթե մեկից ավելի ստենտ է պահանջվում, բնականաբար գումարը կրկնապատկվում է: Ու էդ վաղը ձգվում, ամիսներ է դառնում: Հիմա, որ 25 մլն պարտք ունենք, լուրջ խնդրի մեջ ենք, ոչ բժշկին ենք կարողանում նորմալ աշխատավարձ տալ, ոչ էլ կարող ենք մատակարարներին գումար տալ, ստենտ եւ այլ միջոցներ գնել: Անհարմար էլ ենք զգում, բայց արդեն դատական գործեր ունենք սկսած, մարդիկ կան՝ երեք տարվա պարտք ունեն»,- ասաց «Գյումրի» բ/կ տնօրեն Արմեն Իսահակյանը:  

Ընդհանուր առմամբ, 2017-ին կենտրոնում սրտի անհետաձգելի վիրահատության ծրագրի շրջանակներում 399 հիվանդ է ստենտավորվել: Նրանցից 147-ը «Կյանքի ստենտ» ծրագրի շրջանակներում, իսկ 122-ը վճարովի հիմունքներով են բուժվել: 2018-ին եւս կիրականացվի «Կյանքի ստենտ»-ը: 

Ինչպես վճարովի, այնպես էլ անվճար ծառայության դեպքում քանի ստենտ պահանջվի, բժիշկը կտեղադրի: Վճարովիի դեպքում գումարը հիվանդն է տալիս, անվճար ծառայության՝ «Կյանքի ստենտ»-ի ժամանակ՝ բժշկական կենտրոնը: Պետությունը մեկ հիվանդին ընդամենը մեկ ստենտ է հատկացնում եւ փոխհատուցում միայն այդ մեկի արժեքը: Երկրորդ, երբեմն նաեւ տեղադրվող երրորդ ստենդը հիվանդանոցի բյուջեի հաշվին է արվում:

«Մենք դա անում ենք, քանի որ Առողջապահության նախարարության հետ համատեղ ստորագրած Հուշագիր ունենք, հենց մենք ենք պարտավորվել, որ անվճար ծառայության մատուցման ժամանակ, եթե բժիշկը գտնում է, որ մեկ ոչ դեղապատ ստենտը բավարար չէ մարդու կյանքը փրկելու համար, ապա առանց հապաղելու մեր հաշվին դրվում է նաեւ երկրորդը: Հազվադեպ, բայց պատահում է, որ երեք հատի կարիք է զգացվում»,- ասաց Արմեն Իսահակյանը:

Կուտակված պարտքի պատճառով այսօր արդեն վճարովի ստենտավորման դեպքում տնօրինության որոշմամբ «Գյումրի» բ/կ-ում դադարեցվել է ժամանակացույցով բուժսպասարկումը: Սա էլ իր բացասական հետեւանքն է ունեցել: Քիչ թե շատ վճարունակ հիվանդը նախընտրում է ստենտավորվել հարեւան Վրաստանում: «Էժան է, դրա համար»,- ասում է «Գյումրի» բ/կ տնօրենը:

Հիվանդների համար ուրախ լուր էլ կա: Արմեն Իսահակյանն ասում է՝ ներկա պահին քննարկվում է «Կյանքի ստենտ» ծրագիրը եւս իրականացնել դեղապատ ստենտներով: Միայն թե պետությունը պետք է կարողանա  ֆինանսավորել ծրագիրը:

Տպել
2431 դիտում

Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է

«Անցյալին վերադարձ չի լինելու` ՀՀԿ կլինի, քոչարյանականներ կլինեն, ով ուզում ա լինի»

Թուրքիան վերսկսելու է ավիահաղորդակցությունը շուրջ 40 երկրի հետ

Արեւաշող համայնքի «Յազիկ» թաղամասում կկառուցվի մանկական խաղահրապարակ

ՌԴ-ից Ադրբեջան ռազմական արտադրանք է մատակարարվել կաշառքի միջոցով. ձերբակալվել են պաշտոնյաներ

Արդենիսում 1730 մետր նոր ջրագիծ կկառուցվի

ԿԳՄՍ նախարարությունը սկսել է ԵՊՀ հոգաբարձուների խորհրդի ձեւավորման գործընթացը. բուհ գրություն է ուղարկվել

Արթուր Վանեցյանը դատի է տվել վարչապետին եւ նրա խոսնակին․ պահանջում է նաեւ 2 մլն դրամ

Ամբերդ համայնքում 80 տնտեսություն կապահովվի կապույտ վառելիքով

ՊՎԾ ուսումնասիրությունը ՊԵԿ նախագահի հրաժարականի հետ կապելը իրատեսական չէ․ ՊՎԾ ղեկավարի պարտականությունները կատարող

Անցկացվել են մեքենավարման և հրաձգության գործնական պարապմունքներ

Կառավարական թիվ 1 և 3 տներում գործող հանրային սննդի կետերը կասեցվել են. Արթուր Ասոյան

Հետախուզում է հայտարարվել Գագիկ Խաչատրյանի մյուս որդու՝ Արտյոմ Խաչատրյանի նկատմամբ. նա մեղադրյալ է ներգրավվել 4 հոդվածով

Նախակորոնավիրուսյան «Մարդկության դիմանկար»-ը

Նիկոլ Փաշինյանը բացատրել է, թե կորոնավիրուսից բուժվածների թիվն ինչու՞ է փոքր

Ոստիկանության ծառայողներից մեկին սպանելու, մյուսին մարմնական վնասվածք հասցնելու վերաբերյալ քրգործն ուղարկվել է դատարան

Ցանկացած հրապարակում ահազանգ է, իսկ անհատական տվյալների պաշտպանության խնդիր միշտ կա. Նիկոլ Փաշինյան

Զոհրաբ Մնացականյանը հեռախոսազրույց է ունեցել Վրաստանի ԱԳ նախարար Դավիդ Զալկալիանիի հետ

Էդվարդ Հովհաննիսյանը նշանակվեց ՊԵԿ նախագահ

Գողանում էին մեքենաների համարանիշերն ու տերերից փող շորթում․ ոստիկանության բացահայտումը (տեսանյութ)