Երևան
13 °C
Հայաստանում ձեւավորված բավական մեծ զանգված կա, որը կողմ է քաղաքական փոփոխություններին, այդ փոփոխությունների համար կազմակերպվող բողոքի ցույցերին, սակայն երբեք տանից դուրս չի գալիս՝ նման միջոցառումների մասնակցելու համար. դրանց հետեւում է համացանցով, տանը նստած: Ո՞րն է պատճառը, որ բողոքավոր ընտրազանգվածը դուրս չի գալիս փողոց: Մեր հարցերին պատասխանել է սոցիոլոգ, ԵՊՀ կիրառական սոցիոլոգիայի ամբիոնի վարիչ Արթուր Աթանեսյանը:
- Պարոն Աթանեսյան, այսօր Հայաստանում կա ձևավորված մի խումբ, որ կողմ է քաղաքական բարեփոխումներին և այդ շրջանակներում արվող ցույցերին, բայց երբեք չի մասնակցում դրնց, գերադասում է տանը նստած ուղիղ եթերով հետևել տեղի ունեցող իրադարձությանը: Ինչո՞վ կարող է սա պայմանավորված լինել:
- Եթե խոսքը հայաստանցիների` քաղաքականությանը մասնակցելու մասին է, ապա Հայաստանի ժամանակակից պատմության մեջ մենք տեսել ենք մասնակցության գրեթե բոլոր ձևերը, որոնք նկարագրված են գիտության կողմից, այդ թվում և՛ մասնակցություն հեղափոխական գործընթացներին և՛ քաղաքական ընտրություններին:
Տեսել ենք նաև քաղաքականությամբ հետաքրքրվելը, ինչպես նաև քաղաքական, լրատվական ոլորտում ակտիվ լինելու, քաղաքական լրատվությունն ակտիվորեն սպառելու գործընթացը, որը ևս համարվում է քաղաքական մասնակցության ձև: Պետք է ասել, որ այսօր սոցցանցերի դերը քաղաքական կյանքում շատ ուռճացված է. այսպես, սոցցանցերին հաճախ վերագրում են ցույցերի, հեղափոխությունների, զանգվածային դժգոհությունների խթանման կարևոր դերակատարում:
- Որոշ մարդկանց մոտ քաղաքականության մասին խոսելը պարապ ժամանակի զբաղմունք է դարձել: Ի՞նչն է ստիպում նրանց խոսել քաղաքականության մասին, անգամ եթե տեղյակ չեն:
- Մեր քաղաքական մշակույթի առանձնահատկություններից է այն, որ քաղաքականության մասին ընդունված է խոսել հիմնականում բացասական-քննադատական շեշտադրմամբ, դժգոհել ամեն ինչից և բոլորից: Հակասությունն այն է, որ մի կողմից՝ բոլորն ուզում են զբաղվել քաղաքականությամբ կամ անձնական օգուտ ստանալ այդ «զբաղմունքից» և մյուս կողմից` դրանից բոլորը դժգոհ են:
Այստեղ սիրում են խոսել քաղաքականության մասին, և այդ խոսակցությունները հիմնականում ունենում են առօրյա, կենցաղային բնույթ և համապատասխան ոչ մասնագիտական մակարդակ, անգամ եթե այդ մասին խոսողն իրեն «փորձագետ» է համարում: Մեր հասարակության բազում ներկայացուցիչներ, հիմնականում` ավագ սերնդի տղամարդիկ, սիրում են զբաղվել տարբեր ասեկոսեների տարածմամբ, անգամ իմանալով, որ տվյալ «նորությունը» չստուգված, իրականության հետ շատ հեռու կապ ունեցող տեղեկատվություն է:
Կենցաղային և անգամ մասնագիտական մակարդակում քաղաքականության մասին խոսողների մեծ մասը, չգիտես ինչու, կարծում է, որ եթե իրենք լինեին տվյալ քաղաքական գործիչը, իրենք ավելի արդյունավետ կաշխատեին և ավելի ճիշտ որոշումներ կընդունեին:
- Կա տարածված է մի պատկերացում, թե խոսելով քաղաքականության մասին` դրանով արդեն ներդրում ունեն քաղաքականության, երկրի կառավարման, բարեփոխումների գործում: Ի՞նչ կասեք այս մասին:
- Այո կա, և սա, բնականաբար, սխալ կարծիք է, հիմարություն: Այսպես, անընդհատ խոսելով կոռուպցիայի կամ աղքատության հաղթահարման մասին, մենք հանգիստ տուն ենք գնում ու քնում` մտածելով, որ ահա վաղն արդեն չի լինի ոչ կոռուպցիա, ոչ աղքատություն:
Նույն կերպ հազարավոր մեր քաղաքացիներ ամբողջ օրը տարված են սոցիալական ցանցերում մեկնաբանություններ անելով, այս կամ այն երևույթը փնովելով և մտածում են, թե դա է իրենց առավելագույն քաղաքական մասնակցությունն է:
Այսպես, տեսնելով իրենց բակում թափած աղբը, նման քաղաքացիներն աղբը հավաքելու փոխարեն շտապում են տուն, որպեսզի միացնեն համակարգիչը, մտնեն Ֆեյսբուք և գրառում անեն այն մասին, թե որքան վատ է, որ իրենց բակում աղբ է թափված: Պարզ է, որ նման ակտիվությունը հարցի լուծում չէ:
Տպավորություն է ստեղծվում, որ նման ակտիվություններով բնակիչները ոչ այնքան ձգտում են կարևոր հարցերին լուծում տալ, որքան` ինքնահաստատվել:
- Ի՞նչը կարող է դառնալ հասարակության կողմից քաղաքական պասիվ վարքի պատճառ:
- Այսօր մեզանում խիստ տարածված է նաև քաղաքական նիհիլիզմը (մերժողականությունը), որը պայմանավորված է սուբյեկտիվ և օբյեկտիվ պատճառներով: Սուբեկտիվ պատճառներից է հիասթափությունը քաղաքականությունից, նաև քաղաքականությամբ չհետաքրքրվելը:
Օբեկտիվ պատճառներից կարող է լինել քաղաքացու կարծիքն այն մասին, որ քաղաքականությանն իր ակտիվ մասնակցությունը օբեկտիվորեն որևէ բան չի փոխելու, կամ հնարավոր չէ: Նիհիլիզմը կարող է լինել նաև պաշտպանական արձագանք՝ որևէ բան փոխել չկարողանալու փաստի հանդեպ:
Սովորաբար, քաղաքական մերժողականության դրսևորումները զանգվածային բնույթ են կրում այն երկրներում, որտեղ տիրում է ոչ ժողովրդավարական քաղաքական մշակույթ և քաղաքական իշխանության ոչ ժողովրդավարական ձև:
Նման դեպքերում քաղաքացին պարբերաբար հրավիրվում է մասնակցելու քաղաքական ծիսակատարություններին, որոնք ձևական բնույթ են կրում, այդ թվում` ընտրությունների գործընթացը, երբ արդյունքների հրապարակումը նույնպես դառնում է ձևական ծիսակատարություն:
Քաղաքացին ինքն էլ է գիտակցում, որ այդ ամբողջ գործընթացն իրականում ձևական բնույթ է կրում, և ակամա սկսում է այն մերժել` չմասնակցել կամ էլ ենթարկվել ստեղծված խաղի կանոններին, անգամ առաջ անցնել և դրանց է՛լ ավելի նպաստել:
Պետք է առանձին խոսել քաղաքական մշակույթի մասին, որպես մի գործոնի, որն էականորեն պայմանավորում է քաղաքացու դիրքորոշումները և քաղաքական մասնակցությունը: Քաղաքական մշակույթն իր մեջ ներառում է և՛ ազգային արժեքներ, և՛ հայրենասիրության մասին պատկերացումներ, և՛ավանդույթներ:
-Ինչո՞վ է պայմանավորված «քաղաքականությունը տղամարդու գործ է» տարածված արտահայտությունը:
- Տվյալ մտածողությունը հասարակության մեջ տարածված քաղաքական մշակույթի տարրերից է: Համապատասխանաբար, կնոջ քաղաքական մասնակցությունը կարող է լինել միայն երկրորդական ձևով, այսինքն, որպես տղամարդուն աջակցող կամ որպես գործիքի այլ տղամարդկանց քաղաքական խաղում:
Քաղաքական մշակույթի դրսևորումներից կարելի է համարել քաղաքական գործչի կամ առաջնորդի կերպարը: Ավանդական հասարակություններում ավագ սերնդի տղամարդն է համարվում առաջնորդի տիպային կերպարը և, համապատասխանաբար, անգամ եթե սահմանադրությունն ու օրենքները դա թույլ են տալիս, այդ կերպարին չհամապատասխանողները (օրինակ` երիտասարդ կանայք) քաղաքական պաշտոնների համար առաջադրվելն անիմաստ են համարում, նույնպես դրսևորում են քաղաքական նիհիլիզմ: Եվ իհարկե, սովորաբար պասիվ քաղաքական մասնակցությունը պայմանավորված է լինում տնտեսական հիմնախնդիրներով, քաղաքացիների աղքատացմամբ:
- Ի՞նչ դեր ունի այսօր սոցցանցը քաղաքական գործիչների կյանքում:
- Համացանցային հաղորդակցումը դարձել է քաղաքական կյանքի մի մասը: Քաղաքական գործիչները հարկ են համարում իրենց էջն ունենալ սոցցանցերում, հրապարակում են տարբեր կոչեր, ներկայացնում նախընտրական ծրագրեր, պարզապես հաղորդակցվում: Իհարկե, շատ դեպքերում նման հաղորդակցումն ունի միակողմանի բնույթ, երբ սոցցանցերի հարթակն օգտագործվում է տեղեկատվություն տարածելու համար` առանց արձագանքների ստացման և ուսումնասիրության: Սա կարելի է բացատրել ոչ միայն տվյալ քաղաքական գործիչների կամ թեկնածուների` հանրային կարծիքով չհետաքրքրվելով, այլ նաև շատ դեպքերում համացանցի մյուս օգտվողներից ստացվող արձագանքների` ոչ բովանդակային, ոչ կառուցողական, անիմաստ լինելու բազում փաստերով:
- Ի՞նչ մեխանիզմով է այսօր սոցցանցը կարծիք ձևավորում քաղաքական դաշտում:
- Հասկանալի է, թե ինչ մեխանիզմով սոցցանցը կարող է կարծիք ձևավորել և տարածել: Միևնույն ժամանակ կարծիքը միշտ չէ, որ դառնում է գործողություն (այն էլ` զանգվածային), իսկ զանգվածային գործողությունները միշտ չէ, որ նախօրոք քննարկվում, հիմնավորվում, կազմակերպված բնույթ են կրում: Շատ հեղափոխություններ կամ ցույցեր սկսվել են փողոցում, տարերային բնույթ են կրել և արագ տեմպերով մեծանալով` դարձել են զանգվածային: Վերջապես, չպետք է մոռանալ, որ պատմության ընթացքում զանգվածային քաղաքական ակտիվությունների, այդ թվում` ցույցերի և հեղափոխությունների մեծ մասը տեղի է ունեցել արդի ԶԼՄ-ների ստեղծումից առաջ:
Աղունիկ Հովհաննիսյան
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է
Լեհաստանը զորքեր կուղարկի Ֆրանսիա
Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները
Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ
Այրվել է վագոն-տնակ՝ ներսում եղած իրերով
Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը
Երևանի և 2 մարզի որոշ հասցեներ մի քանի ժամով կհոսանքազրկվեն
Բախվել են «Նիսսան» և «ՎԱԶ» մակնիշի ավտոմեքենաներ
Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ
Քարաթափում Արարատի մարզում. ճանապարհը դարձել է միակողմանի երթևեկելի
Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան
96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են
Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը
Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված
© 2024 Հայկական ժամանակ