Նժարի մի կողմում կյանքը, մյուսում՝ ծայրահեղ կեցությունը. գլխավոր անոթաբանը Գյումրիում էր

Մինասյան Կարինե, Պետրոսյան Աշխեն, եւ այսպես մոտ 30 անուն: Գյումրի բկ այցելած ՀՀ գլխավոր անոթաբան Տիգրան Սուլթանյանի մոտ հերթագրված հիվանդներն են:

Անոթաբանը Գյումրիում անվճար հետազոտություն եւ խորհրդատվություն անցկացրեց: Տեսածի մասին զրուցել չցանկացավ: Ցանկություն եւ ժամանակ չուներ: Շիրակի մարզում եւ Գյումրիում այս հիվանդության առկա պատկերը ներկայացրեց Գյումրի բկ անոթային վիրաբույժ Սուրեն Թոսունյանը:

Ջղակծկվող վերջույթներ, վարիկոզ, թրոմբ: Անոթային այս հիվանդություններով Գյումրիում շատերն են տառապում: Մասնագետին հիմնականում չեն դիմում, քանի որ գումար չունեն ոչ նախնական խորհրդատվության, ոչ էլ հետագա բուժման համար: Դեղեր գնել չեն կարող, վիրահատության մասին շատերը երազում, քչերն են հասնում դրան: Որպես հետեւանք տարեցտարի մեծանում է հիվանդների թիվը, հիվանդությունը խորանում, երբեմն դառնում է անբուժելի:  

«Այն, որ այսօր բժիշկ Սուլթանյանն այստեղ է շատ կարեւոր է, քանի որ շատ հիվանդներ կային, ովքեր ցանկանում էին հենց նրա մոտ հետազոտվել, սակայն ֆինանսական միջոցներ չունեն, որ հասնեին Երեւան, գնային, հերթագրվեին, շաբաթներով սպասեին, որ իրենց հերթը հասնի: Հիմա այստեղ, առանց տնից հեռանալու, եւ, որ ամենակարեւորն է՝ անվճար հետազոտվելու եւ անմիջապես բժշկից իրենց ախտորոշումը լսելու ու հետագա քայլերի մասին խոսելու հնարավորություն ունեն: Մեզ համար էլ էր շատ կարեւոր փորձի փոխանակման մասով»,-ասաց «Գյումրի» բկ անոթաբան Սուրեն Թոսունյանը:

Անոթային խնդիրներով կանանց թիվը մեծ է, երիտասարդացել է տարիքային շեմը:

«Տղամարդու գործը կենենք, կնիկմարդու գործը կենենք, էնքան ծանր վեշ քաշ կուդանք աջ ու ձախ, էնքան ոտով կքելենք, որ ոտ էլ չի մնացել: Ժաշկից հետո ես չիդեմ կրունկն ինչ է, սիրուն կոշիկն ինչ է, հարմար էղնի, տափակ էղնի, որ սաղ օրը հագնիմ, ես իմ գործիս նայեմ: Սաղ երակներս ուռել, կախվել է, բժշկի գալու փող էլ չկա: Որ եկա ինչ, ըսենք թե նայեց դեղերը գրեց, ինչով բդի առնիմ, գիտեք չէ՞, ինչքան թանկ են»,-մեզ հետ զրույցում իր մտահոգությունը կիսեց գյումրեցի Էմման: Լուսանկարվել չուզեց: Ասում է՝ ոչ հավես ունի, ոչ ցուցադրելու տեսք:

Իսկ նրանք, ովքեր, այնուամենայնիվ դիմում են մասնագետի օգնությանը, հիմնականում բարդացած հիվանդությամբ են տեղ հասնում:

«Մեր հիվանդները շատ բարձիթողի վիճակում են, եթե տոկոսային հարաբերությամբ վերցնենք, այստեղ  ծանր դեպքերը, որոնք հասնում են վիրահատության, ավելի շատ են, քան Երեւանում: Հիվանդներ կան, գալիս են երակների վարիկոզ հիվանդությամբ, որն ամենալայն տարածումն ունի այսօր, եվ, երբ բացատրում ես, որ կարիք կա պլանային վիրահատության, ասում են՝ եթե թրոմբ չկա, հիմա եթե սուր վիճակ չէ, ինչու՞ վիրահատվեմ: Գնում, որոշ ժամանակ հետո նույն հիվանդն արդեն գալիս է թրոմբոֆիլի, կամ տրոֆիկ խոցային երեւույթներով: Սա արդեն եւ վիրահատության ընթացքն է բարդացնում, եւ հետվիրահատական շրջանը»,-ասաց անոթաբանը:

2017-ին «Գյումրի» բկ-ի անոթաբանը 100 վիրահատություն է իրականացրել: Այս տարվա հունվարի վիճակագրությունը հատել է 10-ի սահմանը: Մասնագետը գյումրեցիներին հորդորում է խնդիրը չանտեսել, գալ վիրահատվել: «Գյումրիում Երեւանի հետ համեմատած, վիրահատության գինը ցածր է, մոտավորապես 250.000 է»,-ասում է Սուրեն Թոսունյանը:

Բայց, եթե գները կարելի է համեմատել մայրաքաղաքի բուժկենտրոններում գործող գնացուցակների հետ, նույնն անհնար է անել սոցիալական տարբեր բեւեռներում գտնվող մարդկանց համար: Գյումրիում գործազուրկ է բնակչության կեսից ավելին: Գերակշիռ մասը հենց միջին տարիքի մարդիկ են: Իսկ աշխատանք չունեցող, նպաստով գոյատեւողի համար միեւնույն է, թե գները որ քաղաքի հետ են համեմատում՝ Երեւանի, Գերմանիայի, թե Ֆրանսիայի: Նրաց համար  250.000 դրամը մի ամբողջ կարողություն է: Նժարի մի կողմում կյանքը, մյուսում՝ սոցիալական ծայրահեղ կեցությունն է: Գյումրիում ծանր է նժարի երկրորդ թաթը:

Տպել
1265 դիտում

Ապարան քաղաքում շտապօգնության «ՈՒԱԶ»-ը արգելափակվել էր ձյան մեջ. օգնել են փրկարարները

Երեւանում օրը ցերեկով մեքենան ջարդուխուրդ անող ձերբակալված 5 քաղաքացիները ցուցմունք են տվել. չեն ընդունում կասկածանքը

Երեւանում վնասել են «Իմ քայլը» խմբակցության պատգամավոր Քրիստինե Պողոսյանի ավտոմեքենան

Գյումրիում բնակբաշխան աղմկահարույց շղթա է բացվում. փաստերն ուսումնասիրում է դատախազությունը

Ադրբեջանում այս օրերին անցկացվում են վերջին տարիների ամենամասշտաբային բողոքի ցույցերը

Շատ հագեցած աշխատանքային օր ունեցա Ցյուրիխում. Նիկոլ Փաշինյան (տեսանյութ)

Հայերին որ հարցնես, բոլորը հայ են, իսկ վրացիներին՝ ում չեն հավանում, նա է հայ. Սաակաշվիլի

Ձերբակալվել են Երեւանում օրը ցերեկով մեքենան ջարդուփշուր անող 5 քաղաքացիները (տեսանյութ)

Tiv1.am կայքը ֆինանսավորողն այլեւս ցանկություն չունի աշխատել այդ թիմի հետ, նրանք, փաստացի, մեջքից խփել են․ կայքի տնօրեն

Կրկին թալանել են Varks.am-ը, այսօր արդեն երկրորդ անգամ. տարել են 600 հազար դրամ

Հայկ Մարությանն ակնկալում է քաղաքապետարանի և ոստիկանության արդյունավետ համագործակցություն

Մանկապարտեզի ձերբակալված տնօրենի որդին աշխատում է Երեւանի քաղաքապետարանի աուդիտի բաժնում

Կանխատեսվում է համաշխարհային տնտեսության աճի դանդաղում 2019 և 2020 թվականներին

Հյուրանոցում ժամանակ է անցկացրել տղամարդու հետ եւ գողացել նրա ոսկյա շղթան

Վարդենյաց լեռնանցքը դժվարանցանելի է մարդատարների, փակ՝ բեռնատարների համար

ՀՀ փոխվարչապետ Տիգրան Ավինյանը ներկայացրել է նորանշանակ նախարար Զարուհի Բաթոյանին

Սեդրակ Քոչարյանի ներկայացուցիչը միջնորդեց դատարան հրավիրել ԱԱԾ տնօրենին

Արարատի մարզպետն իրավունք չուներ աշխատավարձը գերազանցող ինքնապարգևատրում անել. Ս. Պապիկյան

Կայք գյուղի տներից մեկում պայթել է գազի բալոնը, կոտրվել են պատուհանները. տանտերը այրվածքներ է ստացել

Բացահայտվել է ՀՀ ՊԵԿ պաշտոնատար անձի օժանդակությամբ կազմակերպված հանցավոր մեխանիզմ. ԱԱԾ (տեսանյութ)