Ինչու է Ալիեւը շտապում ընտրությունների հարցում

Օրերս Ադրբեջանի նախագահ Իլհամ Ալիեւը ստորագրել է հրամանագիր՝ երկրում արտահերթ նախագահական ընտրություններ անցկացնելու մասին: Արտահերթ ընտրությունները տեղի կունենան 2018 թվականի ապրիլի 11-ին: Այնինչ նախագահական հերթական ընտրությունները պետք է տեղի ունենային հոկտեմբերի 17-ին:  

Ադրբեջանական ընդդիմությունը քննադատում է Ալիեւի այս քայլը եւ կարծում, որ սրանով Ալիեւը նպատակ ունի առաջ անցնել զարգացումներից, չորրորդ անգամ ընտրվել նախագահ, այսպիսով՝ եւս 7 տարով երկարաձգելով իր իշխանությունը:

Քաղաքագետ Հրանտ Մելիք-Շահնազարյանը մեր զրույցում ասաց, որ Ալիեւի այս քայլը կարող է կապված լինել Ադրբեջանին սպառնացող խնդիրների հետ.

«Հստակ պատճառը դեռեւս հասկանալի չէ, թե ինչու է Ալիեւը նման շտապողականություն ցուցաբերում: Թերեւս, տարվա երկրորդ կեսին ինչ-որ խնդիրներ են սպասվում, եւ նա փորձում է իր նախագահության հարցը լուծել մինչեւ այդ խնդիրների ի հայտ գալը: Սա կարող է կապված լինել նաեւ իրենց ներքին տնտեսական խնդիրների հետ, կտրուկ քայլերի ցանկության, այդ թվում՝ նաեւ Ղարաբաղյան հարցի: Պետք է ուշադիր լինել, հետեւել, հասկանալ, բայց, համենայնդեպս, պարզ է, որ իշխանությունների հետ համաձայնություն կա»: 

Հարցին՝ եթե իրադարձություններն իրենց հունով ընթանային, եւ ընդդիմությունը հասցներ պատրաստվել, հնարավո՞ր է՝ Ալիեւը չընտրվեր, Հրանտ Մելիք-Շահնազարյանը պատասխանեց.

«Ադրբեջանի ընդդիմությունը նման պոտենցիալ եւ ռեսուրսներ չունի, որակապես թույլ եւ անկազմակերպ վիճակում է: Նման պայքարի մեջ չեն կարող մտնել: Այստեղ խնդիրը, թերեւս, ներիշխանական է: Միայն հնարավոր է՝ միջազգային կառույցներն ավելի լավ պատրաստվեին, խնդիրները բացահայտեին, լուսաբանեին»,- ասաց քաղաքագետը:

Փետրվարի 7-ին ԵԱՀԿ Մինսկի խմբի համանախագահները այցելելու են Հայաստան: Մինչ այդ վերջին օրերին նրանք եղել են Ադրբեջանում: Օրակարգում Ղարաբաղյան հակամարտության հարցի կարգավորումն է: Միջնորդները հայտարարել են, որ այցելում են տարածաշրջան՝ հակամարտող կողմերի դիրքորոշումները կոնկրետ հարցերի շուրջ ճշտելու համար:

«Հայկական ժամանակ»-ի հարցին, թե սկզբում Ադրբեջան, ապա նոր Հայաստան ու Արցախ այցելելը որեւէ ենթատեքստ պարունակու՞մ է, քաղաքագետն ասաց.

«Կարծում եմ հարցը տեխնիկական է, իսկ եթե տեխնիկական չընկալենք, ապա Ադրբեջանն է առաջինը խնդիրներ հարուցողը, դրա համար էլ փորձել են առաջինն այնտեղ այցելել: Արցախի հետ կապված, նախկին փորձը ցույց է տալիս, որ Ադրբեջանը սահմանային սրացումների դիմում է նման ժամանակներում, հատկապես, երբ քննադատությունները շատանում են: Ինչ վերաբերում է ԵԱՀԿ Մինսկի խմբի համանախագահների այցերին ու դրանց արդյունքներին, ապա կարող ենք ասել, այդ այցերը միայն մեծացում են բանակցությունների հնարավորությունները, իսկ փոփոխությունները սիմվոլիկ են լինում»,- եզրափակեց Հրանտ Մելիք-Շահնազարյանը:

ՀայԱրփի Բաղդասարյան

Նյութը հրապարակվել է «Հայկական ժամանակ» օրաթերթի փետրվարի 6-ի համարում: 

Տպել
1732 դիտում

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց

Առաջին անգամ եմ նման տեսակետ լսում. Իվետա Մուկուչյանը՝ իր ու Բեյոնսեի տեսահոլովակների նմանության մասին

Վարչապետը հարգանքի տուրք է մատուցել երեկ գիշեր ծառայության ընթացքում սպանված ոստիկանին (տեսանյութ)

Նախորդ մեկ ամսում Երեւանում այրվել է 10 աղբաման. վերջին դեպքով քաղաքացին ինքնախոստովանական ցուցմունք է տվել

«Էրեբունի-Երևան 2801» տոնակատարության միջոցառումների կազմակերպման համար փակ կլինեն մի շարք փողոցներ

«ԱԺ-ն իրավասու չէ տվյալ հարցով դիմելու ՍԴ». հրապարակվել են Հրայր Թովմասյանի հարցով դիմումի մերժման հիմքերը

Գորան Բրեգովիչի երևանյան համերգը հետաձգվել է եւ կկայանա նոյեմբերի 24-ին. նա կժամանի նվագախմբով

ՀՖՖ ֆուտբոլի ակադեմիայում մարզումները մի քանի տարիքային խմբերի համար այսուհետ կլինեն վճարովի

Ոստիկանի սպանության մեջ կասկածվող անչափահասն ընդունել է մեղքը, ասել, որ անկեղծորեն զղջում է

Թրամփի նամակը ստանալուց հետո Էրդողանն այն աղբամանն է նետել. BBC

Ես չեմ կարող մեկնաբանել պարոն Ալիևի հայտարարությունը. Մարիա Զախարովա

«Կոշ» ՔԿՀ-ի մոտ քաղաքացիներ են բերման ենթարկվել. մեքենայում մարիխուանայի նմանվող զանգված է հայտնաբերվել. ՔԿԾ

Կոտայքի մարզպետը դիմել է մարզի դատախազին` Քասախ համայնքի ղեկավարի որոշման իրավաչափությունը պարզելու համար

Ոստիկանին սպանելու մեջ կասկածվող անչափահասը հակասոցիալական վարքով երեխաների դպրոցի սան է. նա 10 օր է՝ դասի չէր գնում

Ձորաղբյուրում երեկվանից այրվող տան հրդեհը այսօր դեռ չի մարվել. բնակչի կրած վնասը անցնում է 7 մլն դրամը (լուսանկարներ)

Պուտինի հրավերով Թուրքիայի նախագահը կմեկնի Ռուսաստանի Դաշնություն

Սեռական բնույթի ձայնագրություններ չհրապարակելու, արատավոր տեղեկություններ չտարածելու համար գումարներ է գանձել

Կապանում սողանքից փլուզված տան փլատակների տակից եւս մեկ դի է դուրս բերվել

Մայր Աթոռի և Ճապոնիայի դեսպանատան միջև ձևավորվել է սերտ գործակցություն. հանդիպում Գարեգին Բ-ի հետ