Երբ գեղեցկության մի մրցույթ վատ է անցկացվում, դա ազդում է բոլորի վրա. Մամիկոն Դանիելյան

«Միսս Հայաստան 2012»-ի կազմկոմիտեի նախագահ Մամիկոն Դանիելյանը (լուսանկարում) ակտիվորեն զբաղվում է ՀՀ-ում գեղեցկության նոր մրցույթի աշխատանքներով: Այս շրջանում քննարկումներ է ունենում դիզայներների, ռեժիսորների, սցենարիստների հետ: Armtimes.com-ի հետ զրույցում նա նշեց, որ փորձում են ամեն ինչ անել, որպեսզի այն անցնի բարձր մակարդակով:

«Կփորձենք Հայաստանում առաջին անգամ ունենալ մրցույթ, որը կլինի պրոֆեսիոնալ: Բնագավառի հետ կապ ունեցող բոլոր առողջ ուժերը, բոլոր պրոֆեսիոնալները համախմբվել են: Հիմա այդ փուլում ենք, հանդիպում ենք, խոսում ենք՝ ով ինչ դեր կարող է կատարել, ով ինչով է զբաղվելու»,- ասաց նա:

Մրցույթը դեռ անվանում չունի: Այդ մասին հայտարարություն կարվի առաջիկա 1 ամսվա ընթացքում: Ինչպես սովորաբար լինում է, այս մրցույթի հիմնական փուլերն էլ կլինեն 3-ը՝ տարազի, լողազգեստի եւ երեկոյան զգեստի: Կարող են մասնակցել 17-ից 26-27 տարեկան աղջիկները՝ ՀՀ քաղաքացիներ, որոնք ունեն ամենաքիչը 168-170 սմ հասակ եւ մոտ են 90/60/90 չափորոշիչներ:

«Արդեն մասնակիցներ ունենք, որ եկել, գրանցվել են: Շատ չեն, բայց բնագավառի հետ կապ ունեցողներից իմացել, եկել, գրանցվել են»,- ասաց Դանիելյանը՝ հույս հայտնելով, որ հայտարարությունից հետո ավելի շատ դիմողներ կլինեն:

Նախապատրաստության շրջանակներում հանդիպումներ են լինում հնարավոր հովանավորների հետ: Ցանկանում են, որ մրցանակային ֆոնդը բարձր լինի: Ըստ Դանիելյանի՝ հավանական է, որ լինի մեքենայի կամ գումարի տեսքով: Կազմակերպիչների համար շատ կարեւոր է նաեւ, որ աղջիկների աշխատանքը միայն մրցույթով չսահմանափակվի: Նպատակ ունեն, որ մասնակիցները կարողանան ՀՀ-ն ներկայացնել միջազգային մրցույթներում, աշխատեն արտասահմանյան գործակալությունների համար:

«Շարունակություն է ունենալու: Աղջիկները 1 տարի մեզ հետ շարունակելու են աշխատել՝ մինչեւ մյուս մրցույթը: Արդեն պայմանավորվածություններ ունենք, որ դրսում տարբեր գործակալություններ գնան աշխատեն, մրցույթների մասնակցեն»,- ասաց Դանիելյանը:

Այս մրցույթը Մամիկոն Դանիելյանը կազմակերպում է «Միսս Հայաստան» գործակալությունից եւ դրա նախագահ Կարեն Արիստակեսյանից առանձին: Նշում է, որ նրա հետ շատ լավ հարաբերություններ ունի, սակայն իր մրցույթը կապ չունի այն մրցույթի հետ, որը Արիստակեսյանն է նախապատրաստում: Այս շրջանում «Միսս Արմենիա 2017»-ի ղեկավար Գոհար Հարությունյանը շարունակում է նախապատրաստվել իր մրցույթին: Ստացվում է, որ ՀՀ-ում գեղեցկության 3 մրցույթ է լինելու: Դանիելյանը ընդգծում է, որ անգամ եթե հոգու խորքում ուզում է, որ իր մրցույթը լավագույնը լինի, մեծ ցանկություն ունի, որ մյուսներն էլ լավ կազմակերպված լինեն, քանի որ մեկի թերություններն ազդում են բոլորի վրա: Եթե մարդիկ հիասթափվում են մրցույթներից մեկից, անվստահություն է առաջանում մյուս բոլոր նախաձեռնությունների նկատմամբ՝ անկախ նրանից, թե կազմակերպիչն ով է:

«Ուզում եմ, որ մյուս մրցույթներն էլ լավ անցնեն, որովհետեւ, երբ մեկը վատ է լինում, դա իմ եւ մյուսների վրա էլ է անդրադառնում: Մարդկանց ընդհանուր հավատը դեպի այդ մրցույթները կորում է: Հիմա ինչո՞ւ է իմ գործը դժվար, որովհետեւ ըստ հասարակության կարծիքի՝ նախկին մրցույթները վատ են անցել»,- ասաց նա:

Մամիկոն Դանիելյանի մրցույթը նախատեսված է մայիսի վերջին կամ հունիսի սկզբին: Կազմակերպիչները ցանկանում են, որ ժյուրիի կազմում լինեն արտասահմանցի 2-3 մասնագետներ, որոնք հեղինակություն ունեն մոդելինգի կամ գեղեցկության մրցույթի ոլորտում:

Տպել
4735 դիտում

Ակցիա ՌԴ 102-րդ ռազմաբազայի դիմաց

Գյումրիում տոնվել է Հայրենիքի պաշտպանի օրը

Իրավիճակը կարգավորելու փոխարեն տնտեսավարողն անհիմն հրապարակումներ է արել սոցիալական ցանցերում. ՊԵԿ

Հայկական պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ