Արայի վրա կոտրվածքներ ստացած լեռնագնացները վիրահատվել են. Էդգարը դեռ քայլակով կտեղաշարժվի

Հունվարի 28-ին Արա լեռ բարձրացած արշավախմբի երկու անդամները, որոնք կոտրվածքներ էին ստացել, անցյալ շաբաթ վիրահատվել են:

Երեւանի «Իզմիրլյան» բժշկական կենտրոնի օրթոպեդիայի եւ վնասվածքաբանության բաժանմունքի ղեկավար Սահակ Սարիբեկյանը «Հայկական ժամանակի» հետ զրույցում տեղեկացրեց, որ Հրաչյա Հարությունյանը վիրահատվել է հինգշաբթի: «Իր մոտ անրակի կոտրվածք էր: Վնասվածքը համեմատաբար թեթեւ էր, եւ վիրահատությունից երկու օր հետո՝ շաբաթ, նա դուրս է գրվել: Հրաչյան հիմա տանն է, գտնվում է ամբուլատոր հսկողության տակ»,- ասաց բժիշկը:

Մյուս տուժածի՝ արշավախմբի ղեկավար Էդգար Նավասարդյանի վնասվածքները շատ ավելի ծանր են եղել եւ նա ենթարկվել է ավելի բարդ վիրահատությունների: «Էդգարն ուներ աջ ազդոսկրի եւ աջ սրունքի զույգ ոսկրերի ծանր բեկորային կոտրվածքներ, գումարած՝ վնասվածքը ստանալուց հետո մի քանի ժամ մնացել է լեռան ձյուների մեջ պառկած: Ցրտահարում չի ունեցել, բայց կոտրվածքը երկար ժամանակ անշարժ մնալուց խնդիրներ էին առաջացել: Ինչեւէ, ուրբաթ վիրահատվել է: Վիրահատությունները շատ ծանր են անցել, բայց այսօրվա վիճակով կարելի է իր վիճակը գնահատել բավարար: Վերակենդանացման բաժանմունքից տեղափոխվել է հիվանդասենյակ, եւ արդեն այսօր, կարծում եմ, պետք է իրեն քիչ-քիչ ակտիվացնել»,- Էդգար Նավասարդյանի առողջական վիճակը նկարագրեց Սահակ Սարիբերկյանը:  

Մասնագետը դժվարացավ միանշանակ ասել՝ հիվանդը քայլելու խնդիր հետագայում կունենա, թե չէ: «Եթե ամեն ինչ ավարտվի այնպես, ինչպես մենք բոլորս ուզում ենք, հուսով եմ՝ չի ունենա: Գլոբալ առումով, քայլելու խնդիր չի ունենա, բոլոր դեպքերում: Այստեղ խնդիրը նախ այն է՝ այդ քայլվածքը կլինի՞ հարյուր տոկոսով լիարժեք, եւ երկրորդը՝ մարդն ուզում է իր աշխատանքին վերադառնալ, հնարավոր կլինի՞, որ նա նորից զբաղվի լեռնագնացությամբ: Դա մի քիչ էլ կամքի խնդիր է, իհարկե, միայն վերականգնվելու խնդիր չէ: Այդ հարցերին այսօր պատասխանելը, ցավոք սրտի, միանշանակ դժվար է, որովհետեւ դա ժամանակը պիտի ցույց տա»,- նկատեց «Իզմիրլյան» բժշկական կենտրոնի օրթոպեդիայի եւ վնասվածքաբանության բաժանմունքի ղեկավարը:

Էդգար Նավասարդյանը, բժշկի փոխանցմամբ, առնվազն մեկ շաբաթ դեռեւս կգտնվի հիվանդանոցում: «Որովհետեւ մենք այստեղ դեռ պետք է իրեն հանենք ոտքի, պետք է ցույց տանք՝ ոնց քայլակով քայլել, պետք է վստահ լինենք, որ քայլելուց հետո ոչ մի խնդիր չի լինի, կրկնակի ռենտգեններ պետք է արվեն: Երբ որ տեսնենք, որ ինքը արդեն ի վիճակի է տանը ինքնուրույն շարժվել, իրեն սպասարկել, այդ ժամանակ դուրս կգրենք»,- եզրափակեց Սահակ Սարիբեկյանը:

Բանակի տոնի առթիվ կազմակեպված լեռնագնացության ժամանակ Արա լեռան վրա ձնահոսք էր եղել: Արշավախմբի՝ վերը նշված անդամները մարմնական վնասվածքներ էին ստացել, մեկը՝ Նաիրուհի Սիմոյանը, մահացել:

Լուրը հրապարակվել է «Հայկական ժամանակ» օրարթեթի փետրվարի 6-ի համարում: 

Տպել
1551 դիտում

Դավթաշենի բաժանմունք բերման ենթարկվածի խուզարկությամբ փաթեթներով մարիխուանա է հայտնաբերվել

ՄԻԵԴ-ը վերացրել է Թուրքիայի նկատմամբ միջանկյալ միջոց կիրառելու որոշումը

ԿԳՄՍ նախարարությունը վերսկսել է մրցույթների իրականացման գործընթացը

Կառավարության որոշմամբ՝ վերացվեցին ռազմական դրության շրջանակներում գործող սահմանափակումները

էկոնոմիկայի նախարարության եւ Ավստրիական զարգացման գործակալության միջեւ ստորագրվել է փոխըմբռնման հուշագիր

Բողոքի ակցիայի մասնակցին վրաերթի ենթարկելու դեպքով քրեական գործի հարուցումը մերժվել է

Միջազգային սուրհանդակային առաքանիում հայտնաբերվել է «ԼՍԴ» տեսակի թմրամիջոց․ ՊԵԿ

Կվերացվեն Հայաստանում ռազմական դրության շրջանակներում գործող սահմանափակումները․ Էդուարդ Աղաջանյան

Ես իմ հարազատ քաղաքում եմ՝ Երեւանում, հենց հիմա. Դավիթ Տոնոյան

Գերիների փոխանակման գործընթացում հայկական կողմն առաջարկում է կիրառել «բոլորը բոլորի դիմաց» սկզբունքը․ Տիգրան Ավինյան

ՔՊ-ի գրասենյակից զինվորական համազգեստ և զենք բաժանվելու վերաբերյալ տեղեկությունները չեն հաստատվել․ դատախազություն

Սյունիքը պինդ կանգնած է, Սյունիքի համայնքի ղեկավարները գերազանց տիրապետում են իրավիճակին․ Արմեն Խաչատրյան

ՊԲ-ն հրապարակել է հայրենիքի պաշտպանության համար մղված մարտերում նահատակված եւս 34 զինծառայողի անուն

ԱԺ խորհուրդը Գագիկ Ծառուկյանի լիազորությունները դադարեցնելու հարցով ՍԴ դիմելու որոշման մեջ լրացում է կատարել

Վարչապետը ՀԱՊԿ նիստում առաջնահերթ է համարել ցանկացած սադրանքի բացառումն ու գերիների և զոհվածների մարմինների փոխանակումը

Դատախազությունը բողոքարկել է Աշոտ Մինասյանին չկալանավորելու որոշումը

Դատարանը չթույլատրեց Գագիկ Խաչատրյանին մեկնել Գերմանիա՝ բուժման․ վերջինս չէր մասնակցում նիստին

Այս պահին մենք պետք է ամեն օր աշխատենք, ստեղծենք, հզորացնենք մեր հայրենիքը. Մանե Թանդիլյան

ՌԴ-ն կորոնավիրուսի պատվաստանյութ կմատակարարի ՀԱՊԿ անդամ երկրներին

Կրեմլը ողջունել է Արցախում ռուսերենին երկրորդ պետական լեզվի կարգավիճակ տալու գաղափարը