Միասնական երկիր ենք. Հայաստանի կողմից Արցախի ճանաչման կարիք էլ չկա. Հարությունյան

Կարծում եմ, որ առաջիկա տասնամյակներին, հաշվի առնելով առկա իրավիճակը, ղարաբաղյան հակամարտության կարգավորում ակնկալել պետք չէ, քանզի կողմերի դիրքորոշումները շատ հեռու են իրարից: Այս մասին EADaily հետ հարցազրույցում հայտարարել է Արցախի հանրապետության պետական նախարար Արայիկ Հարությունյանը:

Միեւնույն ժամանակ նա չբացառեց, որ ղարաբաղյան հակամարտության գոտում ստատուս քվոյի պահպանումն այսքան երկար ժամանակով, երբ հրադադարի ռեժիմն ավելի շատ խախտվում է, քան պահպանվում, կարող է բերել պատերազմի: «Դա բացառված չէ, բայց որպեսզի ստեղծված իրավիճակում խուսափենք պատերազմից, մենք միշտ պետք է պատրաստ լինենք դրան»,- նշել է Հարությունյանը՝ ավելացնելով, որ խնդրի կարգավորման համար Ստեփանակերտը պատրաստ է զիջումների, բայց նախքան այդ անհրաժեշտ է «նստել բանակցությունների սեղանի շուրջ», որոնց Արցախն ուղղակիորեն չի մասնակցում: 

«Որպեսզի խոսենք զիջումների մասին, նախեւառաջ մենք պետք է նստենք բանակցային սեղանի շուրջ, եւ դրանից հետո միայն որոշենք գնալ փոխզիջումների, թե ոչ եւ եթե այո, ապա ինչպիսի: Ամեն դեպքում միանշանակ է, որ Արցախի կարգավիճակի եւ անվտանգության հարցերում փոխզիջումներ հնարավոր չեն եւ մնացած հարցերը փոխկապակցված են այս ճշմարտության հետ»,- նշել է նա:

Արայիկ Հարությունյանն անդրադարձել է նաեւ Հայաստանի կողմից Արցախի ճանաչմանը, ինչի մասին հորդոր հնչել է նաեւ Հայաստանի Ազգային ժողովում: Պաշտոնյայի խոսքով, չնայած առկա ստատուս քվոյին, ջանքեր գործադրել Արցախի միջազգային ճանաչման համար անհրաժեշտ է, բայց միեւնույն ժամանակ ինքը նպատակահարմար չի գտնում Արցախի ճանաչումը Հայաստանի  կողմից: 

«Իհարկե, միջազգային ճանաչումը ոչ միայն չի խանգարի, այլեւ ավելի կնպաստի այս խնդրի կարգավորմանը: Վատ չի լինի, եթե միջազգային սուբյեկտները ճանաչեն Արցախը, բայց չեմ կարող ասել, թե դա է հանդիսանում մեր առանցքային ու վերջնական նպատակը»,- ասել է նա՝ ավելացնելով, որ Հայաստանի կողմից Արցախի ճանաչման կարիք էլ չկա, քանի որ «մենք վաղուց միասնական երկիր ենք»:

Ավելի վաղ Սերժ Սարգսյանը քանիցս հայտարարել է, որ միայն Ադրբեջանի կողմից ռազմական ագրեսիան վերսկսելու դեպքում Հայաստանը չի ունենա այլ ընտրություն, քան ճանաչել Լեռնային Ղարաբաղի Հանրապետությունը դե յուրե եւ իր բոլոր հնարավորությունները ներդնել Արցախի ժողովրդի անվտանգության ապահովման համար:

Նա նաեւ բացատրել էր, թե ինչու Հայաստանը չի ճանաչում Արցախի անկախությունը: «Մենք չենք ճանաչում Լեռնային Ղարաբաղի անկախությունը միայն ու միայն մի պատճառով` որպեսզի հնարավորություն տանք շարունակելու բանակցային գործընթացը: Ի վերջո Ղարաբաղի պայքարը պայքար է ինքնորոշման համար, պայքար է անկախության համար, եւ Հայաստանն այդ բանակցություններին մասնակցում է, քանի որ Ադրբեջանը չի ցանկանում Ղարաբաղի հետ բանակցել:

Ճիշտ է, որ ինչ-որ չափով Ղարաբաղը մասնակցում է բանակցային պրոցեսին, որովհետեւ համանախագահները պարբերաբար լինում են նաեւ Լեռնային Ղարաբաղում, Լեռնային Ղարաբաղի ղեկավարությանը տեղյակ են պահում բանակցային գործընթացի մասին, բայց կոնկրետ բանակցային սեղանի շուրջ, եթե կարելի է այսպես ձեւակերպել, Հայաստանը նստում է Ղարաբաղի փոխարեն: Պատկերացրեք, եթե այս պարագայում Հայաստանը ճանաչի Լեռնային Ղարաբաղի անկախությունը, ապա դա կլինի բանակցությունների վերջը»,- ասել էր նա:

Տպել
2064 դիտում

Սարհատ Պետրոսյանը դիմել է վարչապետին՝ Կադաստրի կոմիտեի ղեկավարի պաշտոնից ազատվելու խնդրանքով

Մենք ընտրություն պիտի կատարենք՝ ժողովրդավարական տեխնոլոգիաներ ներկրող, թե՞ արտահանող հանրություն պիտի լինենք․ Նահապետյան

Միխայիլ Խաչատուրյանի հարազատները կվիճարկեն կրտսեր դստեր անմեղսունակության մասին եզրակացությունը

Երեւանի թիվ 92 մանկապարտեզում երեխաներին կապում են աթոռներից. հնչել է ահազանգ եւ տրվում են մեկնաբանություններ

Գորիս-Տաթև ավտոճանապարհին ավտոմեքենան 200 մետր գլորվել է հարակից ձորը. կա տուժած

Սիրիայի կառավարությունն ու քրդական ուժերն արձագանքել են հրադադարի հաստատմանը

ՃՈ-ն հորդորում է ավտոտրանսպորտային միջոցի հաշվառումից անմիջապես հետո սահմանված կարգով կնքել ԱՊՊԱ պայմանագիր

Հայաստանում տարիներ շարունակ կուսակցական համակարգը սպանվել է․ Դանիել Իոաննիսյան

ՀՔԾ-ն Արման Բաբաջանյանի հաղորդման հետքերով քննչական գործողություններ է իրականացրել ԱԺ-ում, առգրավել փաստաթղթեր

Սանիտարահիգիենիկ բոլոր նորմերի կոպիտ խախտումներ, մսի ծագման կեղծ փաստաթղթեր. Արտաշատի դպրոցները դեռ ստուգում են

Դեպքի օրը սպանված ոստիկանը խոսել է համածառայակցի հետ՝ թե ինչ կարճ է կյանքը. վիրավոր ոստիկանը դուրս է գրվել հիվանդանոցից

Առաջարկում ենք կուսակցությունների հիմնադիր անդամների պարտադիր պահանջվող թիվը 100-ից իջեցնել 80, հրապարակել նրանց ցուցակը

Շանն ուղղված կրակոցից տուժած 32-ամյա կինը հողամասում աշխատում էր. կրակողը դեռ չի բացահայտվել

Կանայք կազմում են բնակչության կեսը, նրանք պետք է զբաղեցնեն որոշումներ կայացնող պաշտոններ․ Լենա Նազարյան

Նյութերի նախապատրաստման ընթացքում անհրաժեշտություն է առաջացել բացատրություն վերցնել Թովմասյանի մոտ ազգականներից. ԱԱԾ

ՍԴ դատավորները հետևում են Հրայր Թովմասյանի և նրա ընտանիքի անդամների հետ կապված զարգացումներին

Ինչպես բարձրացնել կուսակցությունների թափանցիկությունը, հրապարակայնությունն ու հաշվետվողականությունը․ Արմեն Մազմանյան

Ալավերդի քաղաքի տարածքով անցնող հատվածում մեկնարկել են հին կոյուղագծերը նորով փոխարինելու աշխատանքները

ՍԴ նախագահ Հրայր Թովմասյանի հայրը հրավիրվել է ԱԱԾ

Լոռու մարզի Սվերդլով բնակավայրի մի շարք թաղամասեր 1 ամիս է՝ ջուր չունեն. բնակիչ