Ամենագաղջ պաշտոնի հավակնորդը. խմբագրական

Դեռ մեկ ամիս էլ չի անցել այն օրից, երբ Մեծ Բրիտանիայում ՀՀ դեսպան Արմեն Սարգսյանին առաջարկվեց դառնալ ՀՀ նախագահ: Այդ օրերին Արմեն Սարգսյանի հետ կապված ամեն ինչ հայտնվում էր ԶԼՄ-ների առաջին էջերում, նրա արած յուրաքանչյուր արտահայտություն արձանագրվում ու վերլուծվում էր: Բայց անցան այդ օրերը: Հիմա Արմեն Սարգսյանը արդեն գրեթե չի հետաքրքրում ԶԼՄ-ներին, ու խոսքը մեր մեջ, նաեւ հանրությանը: Նրա ունեցած հանդիպումների մասին ԶԼՄ-ներից շատերը նույնիսկ լուր չեն տեղադրում: Պետք է ինտերնետը հատուկ ջանասիրությամբ փորփրել՝ իմանալու նրա այս կամ այն հանդիպման մասին:

ՀՀ ապագա նախագահի այցերի ու հանդիպումների մասին հաղորդագրությունները մոտավորապես այսպիսին են. «Հանդիպման ընթացքում Արմեն Սարգսյանը ներկայացրել է Հայաստանի ապագայի վերաբերյալ իր տեսլականը, լսել է ներկաների տեսակետներն ու գաղափարները՝ ՀՀ ապագայի եւ արդեն նոր կառավարման ձեւաչափում մեր երկրի տարբեր ծրագրերին սփյուռքի ներգրավվածության վերաբերյալ: Մտքեր են փոխանակվել Հայաստանում արդարադատության, առողջապահության եւ կրթության ոլորտների բարելավման, ինչպես նաեւ Հայրենիքի նկատմամբ մատաղ սերնդի հավատքի զորացման առնչությամբ: Անկեղծ ու ջերմ մթնոլորտում արձանագրվել են մեր երկրի ձեռք բերած հաջողությունները, եւ դրանք միասնաբար՝ Հայաստանի եւ Սփյուռքի ջանքերով զորացնելու կամքն ու վճռականությունը»...:  Կամ. «Երիտասարդների հետ հանդիպմանը Արմեն Սարգսյանը կարեւորել է նրանց մասնակցությունը Հայաստանի հասարակական-քաղաքական, տնտեսական, գիտական եւ մշակութային կյանքին, ինչպես նաեւ հետաքրքրվել է, թե ինչպիսի Հայաստան կցանկանան նրանք տեսնել յոթ տարի անց...»։

Իհարկե, ՀՀ 4-րդ նախագահի «ընտրության» օրերին նա էլի կվերադառնա «առաջին էջ», բայց՝ մի քանի օրով: Ընդամենը: Ու կրկին կհեռանա, այս անգամ արդեն՝ մի 7 տարով: Անշուշտ, դա Արմեն Սարգսյանի անձով չի պայմանավորված, այլ ապագա նախագահի ունեցած լիազորություններով ու պատասխանատվությամբ: Եթե ավելի հստակ ձեւակերպենք՝ լիազորությունների ու պատասխանատվության իսպառ բացակայությամբ:   

Արմեն Սարգսյանը դեռ պաշտոնապես չի հաստատել, որ ընդունելու է ՀՀԿ-ի, ավելի ճիշտ՝ Սերժ Սարգսյանի արած առաջարկը՝ համաձայնել ՀՀ նախագահի թեկնածու առաջադրվել: Ու կարծես նշաններ չկան, որ անակնկալներ են լինելու: Արմեն Սարգսյանի վերջին օրերի գործողությունները, նրա արած հայտարարությունները լիովին համապատասխանում են Սերժ Սարգսյանի ցանկություններին: Նա ներկայացուցչական որակներ ունի, խոսում է տարբեր լեզուներով, այս ընթացքում ահագին բան է խոսել, բայց ըստ էության ոչինչ չի ասել: Իսկ ամենակարեւորը՝ նա որեւէ ակնարկ չի անում, թե դժգոհ է, որ Սերժ Սարգսյանը ապագա նախագահի ձեռքից վերցնում է լիազորությունների վերջին փշրանքները:

Եվ ուրեմն, հնարավո՞ր է, որ Արմեն Սարգսյանը հանկարծ որոշի հրաժարվել առաջարկից: Եթե այո, ապա ի՞նչ պատճառով: Տեսականորեն կարող է լինել միայն մի պատճառ: ՀՀ նախագահի պաշտոնը աշխարհի ամենաանհետաքրքիր, ամենաձանձրալի, ամենաանիմաստ, ամենատաղտուկ, ամենագաղջ պաշտոնն է: Դժվար թե ամիսը մեկ-երկու անգամ այս կամ այն երկրի նախագահին մի 10-15 րոպեով ընդունելը ցրի այդ ձանձրույթը: Այդ կարգավիճակով ու լիազորություններով 7 տարի այդ պաշտոնում մնալու համար ահռելի կամքի ուժ է պետք: Աննկարագրելի: Դժվար է պատկերացնել, որ կրթված, ժամանակակից հայացքներ ունեցող, աշխարհի անցուդարձից քաջատեղյակ, կյանքում հաջողություններ արձանագրած անձը, գիտակցելով իր նոր պաշտոնի անիմաստությունը կարողանա 7 տարի «աշխատել»: 7 տարի ոչինչ չանել, 7 տարի անընդհատ գիտակցել, որ ոչ մի օգուտ ոչ մեկին չի տալիս:

Ընդ որում, նա այս տանջանքը քաշելուն զուգահեռ անընդհատ գիտակցելու է, իր աչքով տեսնելու է, որ ինքը նախագահ է դարձել մի խմբավորման առաջարկով, որը տարիներ շարունակ ասպատակել է երկիրը ու նույն թափով շարունակելու է ասպատակել: Ամեն մարդ չի կարող դրան դիմանալ:

Արմեն Սարգսյանը, գոնե առայժմ, փորձում է ցույց տալ, որ ՀՀ ապագա նախագահի պաշտոնը շատ կարեւոր է: «Ես լինելու եմ ոչ թե երրորդ հանրապետության չորրորդ նախագահը, այլ չորրորդ հանրապետության առաջին նախագահը»,- վերջերս հայտարարեց Արմեն Սարգսյանը: Այսինքն իրադարձությունը դարակազմիկ է՝ նոր էպոխա է սկսվելու իր՝ այդ պաշտոնում «ընտրվելուց» հետո: Որքանո՞վ էր նա անկեղծ այդ հայտարարությունը անելիս, դժվար է ասել: Կամ գուցե նա նկատի ունի, որ իր՝ ՀՀ նախագահ դառնալուց հետո վարչապետ Սերժ Սարգսյանը այնքան լիազորություններ է ունենալու, որ դա իրոք կդառնա Հայաստանի համար դարակազմիկ փուլ՝ ճակատագրական:

Տպել
1990 դիտում

Երևան-Երասխ ճանապարհին վրաերթի հետևանքով 40-ամյա տղամարդ է մահացել

Սենատի Արտաքին հարաբերությունների հանձնաժողովը հաստատել է Անկարայում ԱՄՆ-ի նոր դեսպանի թեկնածությունը

Վանո Սիրադեղյանի հուղարկավորության կազմակերպման նպատակով ստեղծվելու է կառավարական հանձնաժողով

Հայաստանում սպասվում է բացասական ջերմաստիճան. որոշ տեղերում կլինի մինչև -3-ից -4 աստիճան ցուրտ

Այս հանգստյան օրերին Հայաստանում առաջին անգամ կանցկացվի «Դդմի տոն»

Ամենակարևորը աշխարհի վրա հետք թողնելն է. Ստամբուլում ոգեկոչել են պոլսահայ լուսանկարիչ Արա Գյուլերի մահվան 3-րդ տարելիցը

Աղասի Մարգարյանը նշանակվել է Ազգային ժողովի նախագահի օգնական

ԱՄՆ կոնգրեսականները նախատեսում են քրեական պատասխանատվության ենթարկել Թրամփի նախկին օգնականին

Սիերա Լեոնեի նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալին

Բժշկական գենետիկայի և առողջության պահպանման կենտրոնում արցախցիների համար անվճար հետազոտություններ կլինեն

2022 թվականի հունվարի 1-ից ջրի սակագինը հնարավոր է բարձրանա. ՀԾԿՀ նախագահ

Տաթևում վերահաշվարկից հետո ՔՊ-ի քվեներն ավելացել են 9-ով, «Շանթ» դաշինքինը՝ 4-ով, «Ապրելու երկիր» կուսակցությանը՝ 1-ով

Ծովինար համայնքում առաջին անգամ կանցկացվի «Թոնրատոն» փառատոնը

Վաղը 10 ժամ գազ չի լինի Արագածոտնի մարզի մի շարք հասցեներում

ՀԱՊԿ քաղաքական եւ միջազգային համագործակցության հարցերի հանձնաժողովի նիստը կանցկացվի Երեւանում

Այսօրվա վթարի հետեւանքով «Արմենիա» ՀԲԿ տեղափոխված 10 տուժածներից 3-ի վիճակը ծայրահեղ ծանր է՝ վիրահատում են

Հաճախորդները կարող են ապառիկ գնումներ կատարել ՎՏԲ բանկի ավելի քան 600 գործընկեր կազմակերպությունների վաճառակետերում

Կորոնավիրուսի վարակակիրների թիվը կտրուկ աճել է. հաստատվել է 2066 դեպք 1 օրում

Տիգրան Բարսեղյանը կարող է փոխել ակումբային գրանցումը. «Աստանան» փոխարինող է փնտրում

Արցախում կորոնավիրուսի 35 նոր դեպք է գրանցվել. 14 հիվանդի վիճակը գնահատում է ծայրահեղ ծանր

Ահաբեկչություն Դամասկոսի կենտրոնում. զոհվել է առնվազն 14 սիրիացի զինվորական (լուսանկարներ, տեսանյութ)

Պտղունք համայնքին 11 միլիոն դրամ վնասի պատճառման մասին գործը դատարանում է. մեղադրվում է համայնքի ղեկավարը

ԱԻՆ-ը հաստատում է Երևան-Գյումրի ավտոճանապարհին «Գազել»-ի կողաշրջվելու հետևանքով 5 զոհի, 13 տուժածի մասին

Հարկային և մաքսային վարչարարության ոլորտներին առնչվող հարցեր են քննարկել Ռուստամ Բադասյանն ու Լին Թրեյսին

Ինչ կոալիցիաներ կկազմվեն Գյումրիում. ինչպես են տրամադրված ընտրություններում անցողիկ շեմը հաղթահարած կուսակցությունները

ՀՀ կենտրոնական բանկը սահմանել է նոր փոխարժեքներ

ՍԱՏՄ տեսուչները լայնածավալ ստուգայցեր են իրականացրել մայրաքաղաքի խոշոր խանութներում

Երազանքը ոչինչ է առանց աշխատանքի ու պայքարի. ՔՊ-ի Կապանի թեկնածուն առաջիկայում կներկայացնի ծրագիրը

Երևանի, Արագածոտնի ու Կոտայքի որոշ հասցեներում 3-6 ժամով հոսանքազրկումներ կլինեն

Երևան-Գյումրի ճանապարհին «Գազել» է շրջվել. կա 5 զոհ, 12 վիրավոր

Նոր Խարբերդ գյուղի 6-րդ փողոցի տներից մեկում կրակ է նկատվել. մեկնել է փրկարարական երեք մարտական հաշվարկ

Հայ-ռուսական միջտարածաշրջանային 8-րդ համաժողովի շրջանակում այսօր անցկացվել է լիագումար նիստ

Թմրանյութ է հայտնաբերվել անչափահասի գրպանում (տեսանյութ)

Մալիշկայի համայնքապետարանը հրավիրում է համայնքային սեփականություն հանդիսացող հողամասի աճուրդ վաճառքի

Գառնիում ասֆալտապատվել են ներհամայնքային ճանապարհներ և արդիականացվել է լուսավորության համակարգը

Քովիդի դեմ պատվաստումային ցուցանիշով Հայաստանը զիջում է իր հարևաններին. վիճակագրություն

Բաքվից վերադարձած բոլոր տղաները Շիրակի մարզից են․ Նազելի Բաղդասարյանը «Մուրացան» բժշկական կենտրոնում է

«Հայաստան» համահայկական հիմնադրամը Լիբանանի հայ համայնքի կարիքների համար 1 մլն դոլար է փոխանցել

Հրդեհ է բռնկվել հեռուստաաշտարակի մոտակայքում․ հայտարարվել է հրդեհի բարդության «1 Բիս» կանչ

Հայաստան են վերադարձել 5 ռազմագերիներ, որոնք դատապարտվել էին 6 տարվա ազատազրկման. նրանց տեղափոխել են բուժզննության