Իրանը Հայաստանին ռուսականից ավելի էժան գնով գազ չի առաջարկել. պնդում է փոխնախարարը

13/02/2018 schedule17:42

Մինչ այսօր Իրանից չի եղել ավելի էժան գնով Հայաստանին գազ վաճառելու առաջարկ, քան ռուսականն է: Հայաստանն այս պահին չունի գազի գնի ավելի մրցունակ առաջարկ, քան Ռուսաստանի առաջարկն է: Այս մասին ասուլիսում հայտարարեց ՀՀ էներգետիկ ենթակառուցվածքների եւ բնական պաշարների նախարարի տեղակալ Հայկ Հարությունյանը:

Հիշեցնենք, ՀՀ-ում Իրանի  դեսպան Սեյեդ Քազեմ Սաջադին հայտարարել է, թե Իրանը պատրաստ է հարմար գներով գազ վաճառել Հայաստանին:

Հայաստանը Ռուսաստանից գազը ստանում է 150 դոլարով 1000 խորանարդ մետրը: Սա՝ տեսականորեն: Գործնականում այդ գնով Հայաստանը գազ չի ստանում: Այդ գնով գազը ստանում է «Գազպրոմ Արմենիան», որը այդ գազի մատակարար, ռուսական պետական «Գազպրոմ» ընկերության սեփականությունն է: Այլ կերպ ասած, Ռուսաստանը 150 դոլարով գազը վաճառում է իրեն պատկանող ընկերությանը, որն էլ շուրջ երկու անգամ թանկ գնով վաճառում է Հայաստանին՝ հայաստանցի սպառողներին:

Փոխնախարարի խոսքով՝ երբ ավելի մրցունակ գին կլինի, այդժամ էլ այդ հարցը կքննարկվի: «Այդ հարցը մեր օրակարգում չէ: Հայաստանը շահագրգռված է ավելի մատչելի գնով գազ ձեռք բերել»,- ասաց Հարությունյանը:

Միեւնույն ժամանակ բանախոսը նշեց, որ Հայաստանը Իրանի հետ շարունակում է աշխատել. «2017 թվականին Հայաստանն Իրանից ներմուծել է 382 մլն 700 հազար խմ գազ, ինչը 2016 թ.-ի համեմատ աճել է 2,7 %, իսկ ՌԴ-ից ներմուծվել է 1 մլրդ 996 մլն խմ գազ՝ աճը 2016 թվականի համեմատ կազմել է 7%: Նախատեսում ենք գազ-էլեկտրաէներգիա գործարքի շրջանակներում ծավալների ավելացում: Ծավալներն ավելացնելու որեւէ խոչընդոտ չեմ տեսնում, այս տարի էլ ավելացումը լինելու է բավականին տեսանելի»,- հավելեց նա:

Ավելի վաղ Իրանի Ազգային գազային ընկերության գործադիր տնօրեն Համիդռեզա Արաղին հայտարարել էր, որ Թեհրանը պատրաստ է ընդլայնել Հայաստանի հետ գազի առեւտուրը։ Արաղին, մասնավորապես, ասել էր, որ բացի Հայաստանի հետ ունեցած «ապրանք գազի դիմաց» գործարքից, Թեհրանը պատրաստ է խթանել Հայաստանին գազի մատակարարումը։

Գործարքով, պարզաբանել էր պաշտոնյան, Իրանը Հայաստանից ստանում է 3 կՎտժ էլեկտրաէներգիա յուրաքանչյուր մեկ  խմ բնական գազի դիմաց։ «Իրանն ունի Հայաստանին ավելի շատ գազ մատակարարելու հնարավորություն, սակայն հայկական կողմը չի կարող դրա դիմաց բավարար էներգիա մատակարարել»,- ասել էր Արաղին` հավելելով, որ Հայաստանի մասնավոր ու պետական հատվածները կարող են Իրանից գնել գազ։

«Կարող ենք առաքել ավելի շատ գազ, եթե վճարեն դրա դիմաց»,- նշել էեւ Իրանի Ազգային գազային ընկերության գործադիր տնօրենը։

2004թ․ Հայաստանն ու Իրանը ստորագրել են էլեկտրաէներգիա-գազ փոխանակման համաձայնագիրը, որի համաձայն, Իրանից մատակարարվող յուրաքանչյուր 1 խմ բնական գազի դիմաց Երեւանի ՋԷԿ-ում արտադրվում եւ Իրան է առաքվում 3 կՎտժ էլեկտրաէներգիա: Վիճակագրական տվյալների համաձայն՝ Հայաստանից Իրան տարեկան առաքվում է մոտ 1,2 մլրդ կՎտժ էլեկտրաէներգիա: Ինչ վերաբերում է Հայաստանի էլեկտրաէներգիայի ներքին սպառմանը, ապա այն տարեկան կտրվածքով կազմում է մոտ 6 մլրդ կՎտ ժամ:

Հայաստան-Իրան ապրանքաշրջանառությունը կազմում է մոտավորապես այնքան, որքան Հայաստան-Թուրքիա ապրանքաշրջանառությունը, որը, պայմանավորված փակ սահմանների իրողությամբ, իրականացվում է երրորդ երկրներով:

Իրան-Հայաստան առեւտրաշրջանառությունը 2017 թվականին աճել է, առավելապես՝ Իրանից ներմուծման ծավալների ավելացման շնորհիվ։ Իրանի հետ առեւտրային հարաբերություններում Հայաստանն ավելի շատ ներմուծողի դերում է։

Տպել
2877 դիտում

Ունեմ տվյալներ, որ դեբետային գումարների մի մասը վերադարձվելու է Ս․ Սարգսյանի եղբոր ընտանիքի կազմակերպություններից մեկին

Շոու-բիզնեսի ներկայացուցիչը պետբյուջե չի վճարել ավելի քան 21 միլիոն դրամ հարկ. ՊԵԿ-ում քրգործ է հարուցվել

Ազատոճայիններն աշխարհի առաջնությունից գալիս են առանց մեդալների ու օլիմպիական ուղեգրերի

ՀՀ գլխավոր դատախազությունը տեսակապի միջոցով հարցաքննություն կատարելու իրավական հիմքերի ստեղծման նախագիծ է առաջարկել

Լոս Անջելեսը կլինի հայ-կալիֆորնիական համագործակցության խորացման հիմնական կիզակետը. վարչապետ

Մենք առաջ ենք գնում տնտեսական հսկայական փոփոխությունների իրականացմամբ. վարչապետը հանդիպել է Լոս Անջելեսի քաղաքապետին

ՀՀ 6 մարզում և մայրաքաղաքում այսօր էլեկտրաէներգիայի անջատումներ կլինեն

Երևանում և Սյունիքի մարզի Մեղրի քաղաքում անվտանգ տարածք են տեղափոխել օձերին

Զինծառայող Հայկ Խաչատրյանի վիճակը ծանր է. հնարավորության դեպքում կտեղափոխվի Երեւան. Հովհաննիսյան

Գիշերը հակառակորդը ձեռնարկել է դիվերսիոն ներթափանցման փորձ, սահմանին թողել 1 դի ու հետ շպրտվել

Հայկ Մարությանի որոշմամբ Երեւանի 3 դպրոցների տնօրեններ ազատվել են աշխատանքից

Արցախում մարտական դիրքից հրազենային վնասվածքով, ծայրահեղ ծանր վիճակում զինվոր է տեղափոխվել հոսպիտալ

Աշխարհի առաջնություն. ծանրորդ Անդրանիկ Կարապետյանը նվաճեց փոքր բրոնզե մեդալ

1 օրում գրանցվել է խոտածածկ տարածքներում բռնկված 34 հրդեհ

Խաչիկ գյուղում բռնկված հրդեհը մարվել է. այրվել է մոտ 52.2 հա խոտածածկ տարածք

Վարչապետը Լոս Անջելեսում հանդիպել է Կալիֆորնիայի հայ համայնքի կառույցների ղեկավարներին

Մեր ընթացիկ խնդիրը հայեցակարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է