Եթե սպասելու եք, որ ընկեր Բրեժնեւը գա փոխի, չի լինելու. Արմեն Սարգսյանը՝ Գյումրիում

Առանց շքախմբի եւ թիկնապահների բանակի, պարզ ու հասարակ, մեկ մեքենայով Գյումրի եկավ ՀՀ նախագահի թեկնածու Արմեն Սարգսյանը: Առաջին կանգառը Սուրբ Յոթ վերք եկեղեցին էր: Մոմեր վառեց, խոսեց գյումրեցիների հետ եւ շարժվեց դեպի Արվեստների ակադեմիա:

Հանդիպումը երաժիշտների հետ Արմեն Սարգսյանի խնդրանքով կայացավ փակ դռների հետեւում:

Օյունջյան կրթահամալիրում նախագահի թեկնածուին մանկավարժներից բացի նաեւ աշակերտներն էին սպասում: Դասարան առ դասարան շրջելուց հետո նախագահի թեկնածուն հասավ ուսուցչանոց:  «Ժողովուրդ, եկեք, սեղանի շուրջ նստեք, մի ամաչեք, Արմեն Սարգսյանը պարզ, հասարակ մարդ է»,-ուսուցիչներին ասաց դպրոցի տնօրենն ու բոլորին հրավիրեց սենյակ:

«Երբ որ խոսում ենք Գյումրիի մասին, կարծես թե ցավն ու դժվարությունն ավելի շատ է 88-ից հետո, երբ որ լավ կառույց ես տեսնում եւ լավ երեխաներ, ուղղակի լավ ես զգում: Ինձ համար շատ ուրախալի է, որ այստեղ հանդիպեցինք ընդամենը 6 ամիս առաջ Լիբանանից ներգաղթած ուսուցչուհուն:  Սա կրկնակի ուրախություն էր, քանի որ  մեր ամենամեծ խնդիրներից մեկն արտագաղթն է»,-ասաց Արմեն Սարգսյանն ու նշեց, թե ամեն ինչ պետք է անել, որ հայրենիք վերադարձած մարդիկ իրենց լավ զգան: Այդ մարդիկ կապն են սփյուռքի հետ եւ իրենց  լավ օրինակը Հայաստանում  մյուսներին նույնպես կքաջալերի:  

«Առիթ լինի, նորից կգամ»,-խոստացավ Արմեն Սարգսյանն ու ուղեւորվեց դեպի Ձիթողցյանների թանգարան:

Այստեղ նախագահին թեկնածուին մտավորականներն ու շինարարներն էին սպասում:  Թանգարանում նաեւ   Արմեն Սարգսյանի լուսանկարներն էին պատրաստ դրել, որ հանդիպման  ավարտին եւ ցույց տային եւ նվիրեին: Դրանք հենց նույն այս թանգարանում էին արված, 1996 թվականի այցի ժամանակ, երբ Արմեն Սարգսյանը Գյումրիում է եղել որպես վարչապետ:

Առաջին անգամ Գյումրի փոքր հասակում եմ եկել, հորս հետ եւ ուղիղ թատրոն եմ գնացել,-արվեստագետների հետ հանդիպումն այսպես սկսեց Արմեն Սարգսյանն ու  պատմեց, թե ինչպես է ճարտարապետ հայրն իր համար աստիճանաբար  բացահայտել Գյումրին, ճարտարապետությունն ու արժեքները: Արմեն Սարգսյանն առջարկեց խոսել առկա խնդիրների մասին եւ առաջարկել դրանց լուծման ելքերը: 

Ընդհանուր առմամբ, ՀՀ նախագահի թեկնածուի Գյումրի կատարած այսօրվա այցի նպատակը տեղում խնդիրներին ծանոթանալն էր:  Սա կօգնի, որ Արմեն Սարգսյանը Սերժ Սարգսյանի հետ կայանալիք  երկրորդ հանդիպմանն առավել պատրաստված ներկայանա:

«Այս առաջարկը ես մեծ պատիվ եմ համարում, նաեւ գիտակցում եմ մեծ պատասխանատվությունը:  Դրա համար խնդրեցի հանրապետության նախագահին, որ ինձ քննարկելու, մտածելու եւ ծրագրելու առիթ տրվի: Ես գիտակցում եմ Շիրակի մարզի դժվարությունները: Ճիշտն ասած,  88-ի աղետից հետո եւ Սպիտակում, եւ Շիրակի մարզում Արցախյան պայքարն ինչ-որ իմաստով ստիպեց, որ մոռանանք ձեզ:  Սա հսկայական ցավ է: Ես 96-ին որ եկա որպես վարչապետ, ճիշտն ասած, սպասում էի, որ Գյումրվա ժողովուրդը  պետք է շատ դառնացած դիմավորի, նյարդային ընդունի, բայց եղավ լրիվ հակառակը, ինձ շատ ջերմ դիմավորեցին, ինձ նույնիկ տարան տատիկները էդ դոմիկի մեջ հյուրասիրեցին: Մարդիկ դժվարության մեջ էին, բայց չէին բողոքում, ինձ  հոր նման   ընդունեցին: Որպես իրենց զավակի: Սա ես երբեք մոռանալ չեմ կարող»,- հիշեց Արմեն Սարգսյանը:

«Գյումրին ու Շիրակն ունի հսկայական պոտենցիալ, էս քաղաքը եղել է վարպետների, ուստեքի քաղաք, մեր ընտանիքով Երեւանում ծրագիր ենք արել, «Երեւան, իմ սեր», հիմա մենք ուզում ենք նույնը Գյումրիում անենք: Մեկ հոգին չի կարող փոխել, եթե սպասում եք մեկը գա՝ փոխի, չի լինի, ես ձեր հետ միասին, դուք իմ հետ միասին, հակառակ դեպքում,  չի ստացվի: Եթե դուք սպասելու եք, որ կենտկոմի առաջին քարտուղաը, ընկեր Բրեժնեւը գա փոխի, չի լինելու»,-լրագրողների հետ զրույցում ասաց Արմեն Սարգսյանը:

«Նախագահ ընտրվեմ էլ, չընտրվեմ էլ, Գյումրին իմ սրտում է»,-հանդիպման ավարտին ասաց ՀՀ նախագահի թեկնածու Արմեն Սարգսյանը:

Տպել
2618 դիտում

Սա կարևորագույն իրադարձություն է պետության կյանքում. Ա.Բաբաջանյանը՝ ազգային անվտանգության ռազմավարության ընդունման մասին

ՀՀ ԶՈՒ ԳՇ պետն ընդունել է ՌԴ դեսպանության ռազմական կցորդին

Փրկարարները հայտնաբերել են Արզնի-Շամիրամ ջրանցքն ընկած 37-ամյա քաղաքացու դին

200 միլիոն դրամի ներդրում է կատարվել Ախթալա խոշորացված համայնքում

Արագածի փողոցում կատարված դանակահարության դեպքը բացահայտվել է. 23-ամյա երիտասարդ է ձերբակալվել

ԱՀ պաշտպանության նախարարն ընդունել է ծառայողական հետագա առաջխաղացման ներկայացված սպաներին

Մալաթիա-Սեբաստիա վարչական շրջանում ՔՏՀԱ Տեսչական մարմինը իրականացրել է հերթական վերահսկողական աշխատանքները

Երկուշաբթի՝ հուլիսի 13-ին, ՀՀ կառավարության արտահերթ նիստ տեղի կունենա

ՍԱՏՄ-ն այսօր 24 ժամով կասեցրել է 3 տասնակից ավելի տնտեսավարողի գործունեություն

Խախտումներ են հայտնաբերվել Մալաթիա-Սեբաստիա վարչական շրջանում են

ՀՀ պաշտպանության նախարար Դավիթ Տոնոյանն ընդունել է «Ալիխանյանի անվան ազգային գիտական լաբորատորիա» հիմնադրամի տնօրենին

Նոր դիահերձարանը կգործի օգոստոսի 1-ից. այնտեղ կհերձվեն կորոնավիրուսից մահացած անձինք

Դավիթ Տոնոյանն ընդունել է ՌԴ հերոս Վյաչեսլավ Յուրիի Ավերյանովին և Եվգենի Վյաչեսլավի Ավերյանովին

Արզնի-Շամիրամ ջրանցքն ընկած քաղաքացու որոնողական աշխատանքները շարունակվում են

Հակոբ Արշակյանն ու ԱՄՆ արտակարգ և լիազոր դեսպանը մտքեր են փոխանակել փոխգործակցության հնարավորությունների շուրջ

«Ազգային ինքնության» ձևախեղված հիմքերը

Մեկ տարվա վաղեմության գողության դեպք է բացահայտվել. Էջմիածնի 2 բնակիչ կալանավորվել է

Կեղծ ահազանգ Adjarabet.am-ի գլխավոր գրասենյակում տեղադրված ռումբի մասին

Ինքնամեկուսացած քաղաքացիների համար գործում է StayHome հավելվածը (տեսանյութ)

Ստեփանակերտի նոր՝ 110/35/10 կՎ ենթակայանը 2021թ.-ին կհանձնվի շահագործման