Գումարի հարցը հաշմանդամություն ունեցող անձին չպիտի հետաքրքրի. նախարարության պաշտոնյա

Հավանականություն կա, որ հաշմանդամություն ունեցող քաղաքացիների բողոքի ձայնը տեղ է հասել, եւ գոնե միառժամանակ նրանք կշարունակեն վերջույթների պրոթեզ ստանալ այն նույն կազմակերպությունից, որի հետ աշխատելու երկարամյա փորձ ունեն ու գոհ են:

Խոցելի այս խմբի բազմաթիվ ներկայացուցիչներ, որոնցից շատերը Արցախյան պատերազմի մասնակիցներ են, փետրվարի 1-ին մեծ դժվարությամբ հասել էին կառավարության շենքի մոտ՝ բացատրելու, որ իրենք համաձայն չեն պրոթեզ ստանալ մեկ այլ կազմակերպությունից եւ ասելու, որ եթե իրենց կարծիքը հաշվի չառնվի, պատրաստ են ավելի վճռական պայքարի:

Բողոքի ցույցի մասնակիցներին երկար տարիներ սպասարկել է «Ինտերօրթո» պրոթեզավորման գերմանական կենտրոնը: Նրանք հայտարարում էին, որ ստացել են գերմանական նյութերով որակյալ պրոթեզներ, որոնք պատրաստում են Գերմանիայում վերապատրաստված մասնագետները: Փոփոխությունից հետո այդ գործառույթի մեծ մասը փոխանցվելու էր «Պրոթեզաօրթոպեդիկ» ՍՊԸ-ին: Կային քաղաքացիներ, որոնք հիշում էին նաեւ այս կազմակերպության հետ համագործակցելու փորձը եւ նշում, որ նրանց տրամադրած պրոթեզները տանջանք էին պատճառում, եւ դրանք երկար ժամանակ կրել հնարավոր չէր:

ՀՀ աշխատանքի եւ սոցիալական հարցերի նախարարության հաշմանդամների եւ տարեցների հիմնահարցերի վարչության պետ Արթուր Կեսոյանը կառավարության մոտ հավաքված քաղաքացիներին վստահեցրել էր, թե մրցույթի արդյունքները դեռ վերջնական չեն:

Նրանից տեղեկացանք, որ «Պրոթեզաօրթոպեդիկ» ՍՊԸ-ն դադարել է համապատասխան մրցույթի հաղթող համարվել: Արթուր Կեսոյանը մանրամասնեց, որ նախորդ տարեվերջին հայտարարված մրցույթին մասնակցել են չորս կազմակերպություններ՝ «Ինտերօրթո», «Պրոթեզաօրթոպեդիկ», «Սատար» եւ «Բարի»: Բոլոր չորսն էլ հաղթող էին ճանաչվել տարբեր չափաբաժինների մասով: Բայց գերմանական «Ինտերօրթո»-ն բողոքարկել է մրցույթի արդյունքները եւ վիճարկել «Պրոթեզաօրթոպեդիկ»-ին հաղթող ճանաչելու որոշումը: Բողոքարկման հանձնաժողովն այդ դիմումը բավարարել է:

Կեսոյանից տեղեկացանք, որ այժմ «Ինտերօրթոյի» հետ բանակցություններ են տարվում, որպեսզի պրոթեզների այն չափաբաժինը, որի մասով հաղթել էր ««Պրոթեզաօրթոպեդիկ» ՍՊԸ-ն, ստանձնի ինքը, բայց այն նույն ցածր գնով, որով մրցույթում հաղթել էր կարճ ժամանակ անց այդ ծառայությունները մատուցելու իրավունքից զրկված կազմակերպությունը: Առաջարկի շուրջ «Ինտերօրթոն» դեռ մտածում է:

Աշխատանքի եւ սոցիալական հարցերի նախարարության պաշտոնյան նաեւ ասաց, որ նախատեսում են պրոթեզավորման ծառայություններն առաջիկա ամիսներին դարձնել հավաստագրով: Այսինքն՝ պետությունից մարդը հավաստագիր ստանա եւ ինքը որոշի, թե դրանով որ կազմակերպության առաջարկած ծառայությունից օգտվի: Իսկ հետագայում էլ, ըստ այդմ, պետությունը կվճարի այդ կազմակերպություններին:

Հաշմանդամություն ունեցող քաղաքացիների մի մասին, սակայն, այս հեռանկարը չի ոգեւորում: Կառավարության մոտ անցկացված բողոքի ցույցի ժամանակ նրանք մտավախություն էին հայտնում, որ հավաստագրի «արժեքը» կարող է ցածր լինել մատուցվելիք ծառայության արժեքից եւ պրոթեզարաններում իրենցից լրացուցիչ վճար պահանջեն:

«Ծառայություններ մատուցող կազմակերպությունները մեզ ներկայացնելու են որակական ցուցանիշներ, որոնց հիման վրա իրենց հետ պայմանագիր ենք կնքելու: Իսկ պայմանագիր կնքելուց հետո ինչ գումարով պետք է աշխատեն, դա հաշմանդամություն ունեցող անձին բացարձակ չպիտի հետաքրքրի: Պետությունը ամբողջությամբ հոգում է այդ ծախսերը»,- եզրափակեց Արթուր Կեսոյանը:

Նյութը տպագրվել է «Հայկական ժամանակ» օրաթերթի փետրվարի 20-ի համարում:

Տպել
1264 դիտում

Կառավարությունը բնակարան կնվիրաբերի զոհված զինծառայող Հրանտ Մանգասարյանի ընտանիքին

Դիլիջանում ազատամարտիկների հուշարձանի վրայից ջնջել են բարերարի անունը, ջարդել ցայտաղբյուրները

Հացաշեն համայնքի ղեկավարը հաղորդում է տվել, որ նախկին կինը փորձել է առևանգել իր 9-ամյա որդուն

Հրդեհ՝ Մասիս քաղաքում․ բնակելի տուն է այրվել

Արմեն Սարգսյանը շնորհավորել է Ամենայն Հայոց Կաթողիկոսին՝ ծննդյան տարեդարձի առթիվ

Ամուսինը հրացանը մաքրելիս անզգուշաբար կրակել է կնոջ վրա. վերջինս տեղափոխվել է հիվանդանոց

Սարդարապատ և Նոր Արմավիր համայնքները կապող ճանապարհահատվածում մեկնարկել են ասֆալտապատման աշխատանքներ

ՀՀ բռնցքամարտի հավաքականը չի մասնակցի Երիտասարդների ԵԱ-ին՝ ԿԳՄՍՆ-ի անգործության կամ կոնկրետ հրահանգի պատճառով. Գեւորգյան

ՀՊՏՀ ռեկտորի ժամանակավոր պաշտոնակատար Ռուբեն Հայրապետյանը կթողնի զբաղեցրած պաշտոնը. նախարար

Դավադրությունների մասին խոսակցություններն անհիմն են. Քանանյան

Գերանդիով մարմնական վնասվածքներ է պատճառել 35-ամյա համագյուղացին. վեջինս մահացել է

Հեղափոխությունից հետո ՀՀ-ԵՄ հարաբերությունները նշանակալի օրակարգ ունեն. Նիկոլ Փաշինյան

Փաշինյան Նիկոլ, գալի՞ս ես անարդարությունը վերացնելու, եթե ոչ, ուրեմն շարունակում ես Սերժի մեղադրանքը․ Արմեն Բիլյան

Վանաձորի մի շարք թաղամասեր առավոտից հոսանքազրկված են. էլցանցից կոնկրետ պատճառ չեն նշում

Ucom-ի առաջին կորպորատիվ պարտատոմսերը թույլատրվել են առևտրի AMX ֆոնդային բորսայում

Երգչուհի Գայա Արզումանյանը գրանցված աշխատող է եւ հարկեր է վճարում. պրոդյուսեր

Սամվել Կարապետյանի եղբորորդու հետ կոնֆլիկտ ունեցած գործարարը դատի է տվել մի շարք լրատվամիջոցների

Oպերայի նախկին տնօրեն Կոնստանտին Օրբելյանի ներկայացրած հաղորդման հիման վրա քրեական գործի հարուցումը մերժվել է

Դավիթ Սանասարյանի գործով նախաքննության ավարտ է հայտարարվել. մեղադրանքի ձեւակերպումների մեջ փոփոխություններ են եղել

ՀՀ քաղաքացին դիմել է Դավիթ Անանյանին եւ իր մասնաբաժինը խնդրել զբոսաշրջիկների ծախսած գումարից. Փաշինյան