Վանաձոր-Ալավերդի նորոգվող ճանապարհին միանգամից 3 ընկերություն է աշխատում (լուսանկարներ)

Վանաձոր-Ալավերդի ռազմավարական նշանակության միջպետական (Մ-6) ճանապարհի հիմնանորոգման եւ վերակառուցման աշխատանքները շարունակվում են։ 2016թ. սեպտեմբերին մեկնարկած ճանապարհաշինական հսկայածավալ այս ծրագրի մի շարք հատվածներում աշխատանքների արդյունքն արդեն ակնհայտ է։
 
ՀՀ տրանսպորտի, կապի եւ տեղեկատվական տեխնոլոգիաների նախարարության լրատվական ծառայության փոխանցմամբ, նախարար Վահան Մարտիրոսյանն այցելել է շինարարական տեղամասեր։
Աշխատանքների տեմպերն արագացնելու նպատակով ճանապարհը բաժանված է 3 տեղամասերի, որոնցում տարբեր կազմակերպություններ աշխատում են միաժամանակ։
Առաջին տեղամասում ընթանում են ճանապարհի լայնացման, հենապատերի կառուցման, անվտանգության տարրերի տեղադրման աշխատանքներ։ Մի շարք հատվածներում ասֆալտբետոնե պատվածքի ներքին շերտն արդեն տեղադրվել է։ Վանաձոր քաղաքը սնուցող 1020 մմ տրամագծով խմելու ջրագծի տեղափոխման աշխատանքները եւս մոտենում են հանգուցալուծման։
Նախարարին ներկայացվեց իրավիճակը. խողովակներն արդեն տեղադրված են, մնում է միացումները կատարել։ Ջրանջատումից հետո կսկսվեն հողի խտացման աշխատանքները:
Նախարարը հանձնարարեց պահպանել շինարարության ժամկետները, բոլոր աշխատանքներում ապահովել բարձր որակ։ Ճանապարհի առավել վտանգավոր ոլորապտույտներից մեկում ավարտվել է հենապատի կառուցումը։ Այստեղ կատարվել է ճանապարհահատվածի հորիզոնական ծրագրի փոփոխություն, որի արդյունքում մեղմվել է երկայնական թեքությունը: Հողային պաստառի կայունությունն ապահովելու նպատակով կառուցվել է երկաթբետոնե ստորին հենապատ։ Արդյունքում մեծացել է տեսանելիության աստիճանը՝ առավել անվտանգ դարձնելով կտրուկ շրջադարձը։
Հարակից հատվածով անցնող երկաթգծի հողային պաստառի հնարավոր փլուզումները կանխելու նպատակով էլ այս տեղամասում կառուցվել են միաձույլ բետոնե եւ խամքար բետոնե հենապատեր։ Այդպիսի հենապատեր են կառուցվում նաեւ այն հատվածներում, որտեղ գետը վարարելու դեպքում կարող է ճանապարհը ողողելու վտանգ առաջացնել։
Ընդհանուր առմամբ, հողային պաստառը վերակառուցելու նպատակով կատարվել են հողային աշխատանքներ, հենապատերի վերանորոգման եւ կառուցման, ջրահեռացման համակարգի վերականգնման, մայթերի կառուցման, գաբիոնային շարվածքով հենապատերի կառուցման, ջրագծերի տեղափոխման եւ վերակառուցման, ինչպես նաեւ ասֆալտապատման աշխատանքներ:
Բացի այդ, հիմնանորոգվող ճանապարհի ամբողջ երկարությամբ կատարվել է ուսումնասիրություն, որի արդյունքում վտանգ ներկայացնող բոլոր տեղամասերում տեղադրվել են բետոնե պարապետներ եւ արգելապատնեշներ։
Շարունակվում են նաեւ թունելների եւ կամուրջների վերակառուցման աշխատանքները: 106մ երկարությամբ  թունելում արդեն ավարտվել է մուտքի երեսպատումն ու մայթերի կառուցումը։ Ընթացքի մեջ են ներքին  հարդարման աշխատանքները։
 
Հաջորդ՝ 280մ երկարությամբ թունելում, մուտքի անվտանգությունն ապահովելու նպատակով, կատարվում է գալերիայի կառուցում։ Սա նշանակում է, որ թունելի հիմնական երկարությունը կավելացվի եւս 25մ-ով, ինչը կկանխի հնարավոր քարաթափումների վտանգը։ Շինարարները նախարարին մանրամասնեցին աշխատանքների ընթացքը։ Նշեցին, որ աշխատանքները կավարտեն նախանշված ժամկետի շրջանակներում։
Երրորդ՝ 181մ երկարությամբ թունելի մուտքի գալերիան արդեն կառուցվել է։ Այստեղ եւս 25մ-ով թունելը երկարացվել է։ Ավարտված է նաեւ հիմքի եւ իրանների կառուցումը։
Այցի ընթացքում նախարարին ներկայացվեցին 5 թռիչքանի կամրջի վերակառուցման առանձնահատկությունները, նաեւ՝ Շնողի հիդրոէլեկտրակայանի ջրառի գլխամասի կառուցմամբ պայմանավորված հատակագծի փոփոխության մանրամասները։ Նշվեց, որ նախագծողների համապատասխան աշխատանքներից հետո այս հատվածում ճանապարհաշինական աշխատանքները կվերսկսվեն։
Նախարար Վահան Մարտիրոսյանը հանձնարարեց շարունակել եւ նախանշված ժամկետներում ավարտին հասցնել ճանապարհի վերակառուցումը՝ առանձնահատուկ ուշադրություն դարձնելով որակին։
Տպել
2079 դիտում

ՔԿ-ն ամփոփ տեղեկանք է ներկայացրել Ամուլսարի գործի շրջանակներում իրականացված ամբողջ գործընթացի մասին

Կյանքից հեռացել է կոմպոզիտոր, ՀՀ արվեստի վաստակավոր գործիչ Յուրի Հարությունյանը

ՎՏԲ-Հայաստան Բանկն արագացրել է ապառիկ վարկեր ձևակերպելու գործընթացքը

Խոսրովի անտառի մոտակայքում հրդեհ կա. ՀՀ շրջակա միջավայրի փոխնախարար

Հեռուստացույց, անվադողեր, բժշկական թափոններ. աղբամանները դրանց համար չեն, ուրեմն ինչ անել

«Արմավիր» ՔԿՀ–ում դատապարտյալը կախվել է. նա մեղադրվում էր կնոջը և աներորդուն սպանելու մեջ

Գիշերօթիկի երեխաներին իրենց ընտանիքներ վերադարձնելով կավելացնեն մուրացկանների թիվը. Ուլիխանյան

Արայիկ Հարությունյանը մասնակցում է «Վորլդսքիլզ Կազան 2019» համաժողովին

Վարչապետ-ժողովուրդ հզոր կապի արանքում ինչքան թույլ կադրեր կան, պետք է, որ չդիմանան. Ռոբերտ Ղուկասյան

Դավիթ Տոնոյանն Իրանի դեսպանի հետ քննարկել է տարածաշրջանային անվտանգության և միջազգային զարգացումների վերաբերյալ հարցեր

Բացահայտվել է Դավթաշենում երեք անձի դանակահարության դեպքը. ՔԿ

Հայ ժողովուրդը կարող է լուծել անհաղթահարելի և անհնարին թվացող խնդիրներ. Փաշինյանի ուղերձը

Քննարկվել են էլեկտրոնային առեւտրի հարկման խնդիրները. ՊԵԿ-ը միջազգային կոնֆերանս է իրականացրել

ԵՄ դեսպան Սվիտալսկին լքում է Հայաստանը. նա հանդիպել է Արարատ Միրզոյանին

Էրդողանի հրամանագրով Սահակ եպս. Մաշալյանը սքեմ կրելու արտոնություն է ստացել

Վարչապետը հանդիպել է Ամուլսարի հանքի ազդակիր Սարավան և Գորայք համայնքների բնակչությանը

Շատ մանիպուլյացիաներ կան, որոնցով ցանկանում են Ամուլսարը դարձնել ցատկահարթակ՝ անգամ իշխանությանը տապալելու կոնտեքստում

Սահմանադրական դատարանն օգոստոսի 29-ին կքննի Ռոբերտ Քոչարյանի դիմումը

Արտակ Դավթյանը մասնակցել է ԶՈՒ ԳՇ պետերի կոմիտեի նիստին

ԱՄՆ պաշտոնապես հետ է կանչել ամերիկյան Patriot ՀՕՊ համակարգերը Թուրքիային վաճառելու առաջարկը