Բաքուն բավականին դյուրագրգիռ է արձագանքել Ֆրանսիայի ԱԳՆ-ի հայտարարությանը

Բաքուն բավականին դյուրագրգիռ է արձագանքել Ադրբեջանի նախագահ Իլհամ Ալիեւի՝ «Երեւանը վերադարձնելու» վերաբերյալ Ֆրանսիայի ԱԳՆ-ի հայտարարությանը: 

Ինչպես ավելի վաղ տեղեկացրել էինք, Ֆրանսիայի ԱԳՆ-ն, արձագանքելով Ադրբեջանի նախագահ Իլհամ Ալիեւի վերջին ելույթին, որում նա հայտարարում է, որ Երեւանը «վերադարձնելը» Բաքվի ստրատեգիական նպատակն է, կոչ էր արել մնալ հավատարիմ բանակցային գործընթացին եւ զերծ մնալ իրավիճակը սրող հայտարարություններից:

Բաքուն բավականին դյուրագրգիռ է արձագանքել այդ հայտարարությանը: Մասնավորապես, Ադրբեջանի ԱԳՆ խոսնակ Հիքմեթ Հաջիեւը հայտարարել է, որ «մտահոգություն է առաջացնում այն, որ Ֆրանսիայի որոշ շրջաններ կապեր են հաստատում «անօրինական ռեժիմի» հետ՝ հակասելով Ֆրանսիայի ԱԳՆ եւ ՆԳՆ կանոնակարգին եւ երկրի կարգավիճակին՝ որպես ԵԱՀԿ Մինսկի խմբի համանախագահ»: Այնուհետ հայտարարել, որ տարածաշրջանում իրավիճակի սրման միակ մեղավորը Հայաստանն է:

«Ֆրանսիան, որը մյուս համանախագահ երկրների հետ միասին ավելի քան 25 տարի զբաղվում է Ղարաբաղյան հակամարտության կարգավորմամբ, գիտի, որ տարածաշրջանում լարվածության գլխավոր պատճառը Հայաստանի կողմից ադրբեջանական տարածքի «օկուպացիան» է», - Minval.az-ի հաղորդմամբ ասել է Հաջիեւը:

Ավելի վաղ Ալիեւի հայտարարությանն ավելի կոնկրետ արձագանքել էր ՌԴ ԱԳՆ-ի պաշտոնական ներկայացուցիչ Մարիա Զախարովան: «Մոսկվայում, բնականաբար, տեսել են Ադրբեջանի նախագահ Ալիեւի հայտարարությունը՝ իշխող կուսակցության նիստին: Մենք քաջատեղյակ ենք, որ Ադրբեջանի ու Հայաստանի հարաբերությունները ծայրահեղ լարված են: Հնչած հայտարարությունը հստակ չի նպաստում լարվածության թուլացմանը»,- ասել է ՌԴ ԱԳՆ ներկայացուցիչը, որի կրկին արձագանքել էր պաշտոնական Բաքուն:

«Ադրբեջանի նախագահը չի հայտարարել պատմական հողերի վերադարձի մասին, այլ ասել է ադրբեջանցիներին իրենց պատմական հողեր վերադարձնելու մասին: Ելույթը մի քանի լեզուներով է փոխառվել, տարածվել հարյուրավոր լրատվամիջոցներում, խեղաթյուրվել: Մենք կարծում ենք, որ ինչ-որ հարցի շուրջ կարծիք հայտնելիս արտաքին գերատեսչության ներկայացուցիչ մարմինը պետք է հստակ իմանա ինչից է խոսում, հիմնվի բնագրի, այլ ոչ փոխառությունների ու թարգմանությունների վրա», - ասել էր ադրբեջանական ԱԳՆ-ի մամուլի քարտուղարը:

Հիշեցնենք, որ Ադրբեջանի նախագահ Իլհամ Ալիեւը, «Նոր Ադրբեջան» իշխող կուսակցության նիստի ժամանակ  ելույթ ունենալիս, պատմել էր իրենց երկրի ստրատեգիական նպատակների մասին՝ կապված Հայաստանի հետ. «Երեւանը մեր պատմական տարածքն է, եւ մենք՝ ադրբեջանցիներս, պետք է վերադառնանք մեր պատմական հողեր: Սա մեր քաղաքական ու ստրատեգիական նպատակներից է, որին մենք է պետք է հասնենք կամաց-կամաց»,- ասել էր Ալիեւը:

Տպել
4699 դիտում

ՄԱԿ-ը պատրաստակամ է օգնել ՀՀ խորհրդարանին հզորացնելու կարողությունները․ հանդիպում ԱԺ-ում

Պետք է բացառվի կոռուպցիոն ցանկացած երևույթ․ ՍԱՊԾ-ն նյութեր է տրամադրում ԱԱԾ-ին

Դավոսի համաշխարհային տնտեսական ֆորումի կազմակերպիչներից հրավեր եմ ունեցել՝ ուղեկցել իմ ամուսնուն ֆորումի շրջանակներում

Արժեքավոր նվերները ես հետ եմ ուղարկում նվիրատուին՝ երկտողով, որ շատ շնորհակալ եմ, համարեք, որ ես դա ունեմ․ Աննա Հակոբյան

Լրագրողական իմ ողջ գործունեության ընթացքում մշտապես մեկ վախ եմ ունեցել, որ իմ գրածի վրա իշխանական կաբինետներում չծիծաղեն

Արարատի մարզում մի շարք ճանապարհներ կբարեկարգվեն

Ինձ ոչ մեկ չի կարող զանգել եւ նման տոնով հետս խոսել. Վանեցյան

Գագիկ Խաչատրյանը ԱԱԾ չի հրավիրվել. Վանեցյան

Արա Մինասյանն ու Լեւոն Սարգսյանն օրինական ճանապարհով հատել են ՀՀ սահմանը. Արթուր Վանեցյան

1 մլն դրամ չի մուտքագվրել պետբյուջե․ ոստիկանները բացահայտել են Մուսալեռ համայնքի ղեկավարի ապօրինությունները (տեսանյութ)

Լուրջ քննադատությանը շատ լուրջ եմ վերաբերվում եւ լուրջ հետեւություններ եմ անում․ Աննա Հակոբյան

Եկեղեցին պետք է լսի զոհերին․ համաժողով Վատիկանում՝ նվիրված հոգևորականների շրջանում սեռական բռնությունների խնդիրներին

Կիեւի եւ Երեւանի հարաբերությունները դինամիկ կզարգանան․ դեսպան

Ալեքսանդր Սարգսյանը պետությանը փոխանցել է 18,5 մլն դոլար, իսկ 11,5 մլն դոլար գանձվել է կոնկրետ ակտերով. ԱԱԾ տնօրեն

Պատրաստվում ենք «Իմ քայլը» հիմնադրամի համար մատչելի տարածք գտնել, որովհետեւ խնայում ենք մեզ վստահված ամեն լումա

Սպառնալիքները միշտ կան. Վանեցյանն իր եւ Փաշինյանի ընտանիքներին ուղղված սպառնալիքների մասին

Մեզ որեւէ բան չի կաշկանդում. ԱԱԾ տնօրենը` Տեր-Պետրոսյանի կառավարման տարիների հետ կապված ստուգումներ իրականացնելու մասին

Ես տեղեկություն չունեմ, որ տարբեր գերատեսչությունների պարգեւավճարների մի մասն ուղղվել է «Իմ քայլը» հիմնադրամին

Դատի տալը ցանկացած քաղաքացու սահմանադրական իրավունքն է. Վանեցյան

Շատ տարբեր իրադարձություններ են արյունաբանական կենտրոնի բացումն ու երկու կենտրոնների միավորումը․ Աննա Հակոբյան