Օրը կգա՝ Խոջալուի, Սումգայիթի հեղինակները պատասխանատվության կենթարկվեն․ Տիգրան Բալայան

Ամեն տարի, երբ գալիս է փետրվարը, Ադրբեջանի ղեկավարությունը գործի է դնում «Խոջալուի ցեղասպանություն» քարոզչական մեքենան, աշխարհին պատմում «զոհ, տառապյալ» ադրբեջանցու ու «ոճրագործ» հայի մասին։ Ադրբեջանը Խոջալուն օգտագործում է սեփական արարքները՝ Բաքվի ու Սումգայիթի հայերի կոտորածները թաքցնելու համար։  Այս փետրվարը ևս բացառություն չէ։ Հնչեցին ու շարունակում են Ադրբեջանի բարձրագույն ղեկավարության կողմից հնչել հայերին անասելի ոճրագործությունների մեջ մեղադրող հայտարարություններ՝ սրանով է՛լ ավելի դեմոնիզացնում հայի կերպարը ադրբեջանցիների շրջանում։

Օրերս Ադրբեջանի Գլխավոր դատախազությունն ու ԱԳՆ–ն հանդես եկան համատեղ հայտարարությամբ, որ Հայաստանն է պատասխանատվություն կրում «Խոջալուի ցեղասպանության» համար։ Ավելի վաղ իր հարցազրույցում էլ Ադրբեջանի ԱԳՆ մամուլի քարտուղար Հիքմեթ Հաջիևը նշել էր, որ Բաքուն կողմ է նրան, որ միջազգային ռազմական տրիբունալներ ստեղծվեն հայերի կողմից իրականացված ռազմական հանցագործությունները հետաքննելու համար։ «Հայ ազգայնականների ու անջատողականների կողմից ադրբեջանցի խաղաղ բնակչության նկատմամբ իրականացված ռազմական հանցագործությունների հետաքննության համար միջազգային ռազմական տրիբունալների ստեղծման մեծ անհրաժեշտություն կա»,- ասել էր Հաջիևը։ Այս մասին տեղականում ենք Haqqin.az-ից։ Նշյալ հայտարությունների վերաբերյալ մեկնաբանություններ ստանալու համար «Հայկական ժամանակը» զրուցեց Հայաստանի ԱԳՆ մամուլի խոսնակ Տիգրան Բալայանի հետ։  Վերջինս նշեց, որ նման հայտարարությունները Ադրբեջանի կողմից արդեն 25 տարի շարունակվում են։

«Այդ հայտարարությունները մի քանի անգամ ավել կրկնելուց բովանդակությունը չի փոխվում, ոչ էլ լրջությունն է ավելանում։ Խոջալուի վերաբերյալ փաստաթղթային ապացույցներ կան, կան նաև ականատեսների վկայություններ, թե Խոջալուի բնակչության կոտորածը Աղդամի մոտակայքում, ինչպես է իրականացվել, դրանց պատճառները կան, դրանց հետևանքները կան։ Ամեն ինչը փաստաթղթային փաստարկված է։ Եթե Ադրբեջանում  կարծում են, որ ավելի բարձր գոռան, դրանից ինչ-որ բան կփոխվի, չարաչար սխալվում են»,- ասաց Տիգրան Բալայանը։ Նրա համոզմամբ կոտորածների համար պատասխանատուները իսկապես պետք է պատժվեն։ «Այո,՛ Խոջալուի, Սումգայիթի վերաբերյալ գործերի հեղինակները պետք է ենթարկվեն պատասխանատվության։ Կարծում եմ օրը կգա, որ կենթակվեն»,-նշեց ԱԳՆ մամուլի խոսնակը։ Տիգրան Բալայանը նաև հավելեց, որ Ադրբեջանի քարոզչությունը և լրջությունը իրար հակասող հասկացություններ են։

Այն, որ «Խոջալուի ցեղասպանություն» քարոզչական հնարքը միջազգային ասպարեզում ճաքեր է տալիս ու հեռու է լրջությունից, կան տարբեր փաստեր։ Հերթական «ճաքը» ԵԽԽՎ-ի ձմեռային նստաշրջանի լիագումար նիստում ադրբեջանցի պատվիրակ Սեյիդովի Սերժ Սարգսյանին ուղղված  «Խոջալուի ցեղասպանության» վերաբերյալ հարցն էր, որին տրվեց սպառիչ պատասխան։ Սեյիդովի մեղադրանքներին,ցթե ինչու Սարգսյանը իր ելույթում չի խոսել «Խոջալուի ցեղասպանության» մասին, Սերժ Սարգսյանն ասել էր․ «Թե ինչու ես չհիշատակեցի Խոջալուի դեպքերը, որ Դուք ցեղասպանություն եք համարում` շատ պարզ պատճառով։ Որովհետև այդ ցավալի իրադարձություններից անմիջապես հետո Ադրբեջանի նախագահ Այազ Մութալիբովը շատ հանգամանորեն և շատ տեղեկացված ձևով շարադրել է փաստեր և հստակ ցույց տվել, թե ովքեր են եղել այդ ջարդի կազմակերպիչները»։

Կարելի է ասել, Խոջալուն դարձավ Այազ Մութալիբովի հրաժարականի հիմնական պատճառը, որից հետո Ադրբեջնում իշխանությունը զավթեց «Ադրբեջանի ազգային ճակատ» շարժումը,որից հետո իշխանության եկավ Հեյդար Ալիևը։Վերջինս էլ դադարեցրեց Խոջալուի դեպքերի հետաքննությունը, քանի որ այն ժամանակ դեռ սովետական քննիչները մոտենում էին ճշմարտության բացահայտմանը։ Թե, ինչ է իրականում եղել Աղդամում Մութալիբովը մեկ անգամ չէ, որ ասել է։ 1992թ-ի ապրիլի 2-ին  «Նեզավիսեմայա գազետա»-ում տպագրված հարցազրույցում Մութալիբովը նշում է, որ Խոջալեցիները, ովքեր փրկվել են պատմել են, որ ամեն ինչ կազմակերպվել է նրա հրաժարականի համար։ «Ինչ որ մի ուժ գործել է նախագահին վարկաբեկելու համար։ Կարելի է ենթադրել, որ ինչ-որ մեկը շահագրգռված էր նրանում, որ այդ կադրերը հետագայում ցույց տան և կենտրանացնեն իմ անձի վրա»,-ասել էր Մութալիբովը։ Ադրբեջանում իշխանության համար պայքարը հանգեցրեց սեփական ժողովրդի կոտորածին, որի համար այսօր մեղադրում են հայերին ու կոտորածն անվանում ցեղասպանություն։ Զարմանալի է ադրբեջանցիների ցանկությունը ցեղասպանված լինելու։ Ինչպես ԵԽԽՎ-ում նշել էր Սերժ Սարգսյանը, ցեղասպանությունը լավ բան չէ, այն պատիվ չէ, այլ տանջանք է, և զարմանալի է, որ Ադրբեջանը ուզում է ունենալ այն, ինչ ունեցել է Հայաստանը:

Էմմա Չոբանյան

Նյութը տպագրվել է «Հայկական ժամանակ» օրաթերթի փետրվարի 27-ի համարում:

Տպել
1192 դիտում

Եթե սննդամթերքի մանրածախ վաճառք իրականացնող խանութում ՀԴՄ տպելու հաճախականությունը ժամը մեկ է՝ կասկածելի է․ Դ․Անանյան

ԵԱՏՄ տարածքում ռոումինգը կչեղարկվի. Տիգրան Սարգսյան

«ՀՀ քաղաքացու օրը», որ պիտի նշենք, երկրորդ ամենահիշարժան օրն է մեր նորանկախ պետության պատմության ընթացքում․ ԿԳ նախարար

ՀՀ-ն, Ադրբեջանն ու Արցախը կնքում են փակ համաձայնագիր․ Արցախի հիմնախնդրի կարգավորման Սամվել Բաբայանի պատկերացումները

Նոյեմբերյան-Երևան միկրոավտոբուսները տաքսիների հետ անահավասար պայքարից հետո դադարեցին աշխատել

Դանակով զինված տղամարդը հարձակվել է նախկին զոքանչի վրա, գլուխը հարվածել պատերին, հափշտակել ոսկեղեն ու փախել․ ՔԿ

ԱՄՆ-ն Իրանին հակազդելու ուղիներ է փնտրում․ պետքարտուղար Մայք Պոմպեոն մեկնել է Մերձավոր Արևելք

Հայտարարություն մրցույթի մասին

Յուրա Մովսիսյանը կմեկնի հավաքականի հետ, բայց խաղին չի մասնակցի

Արմեն Սարգսյանը հեռախոսազրույց է ունեցել Նուրսուլթան Նազարբաևի հետ

Եվրիմաժը 140 հազար եվրո կհատկացնի Ավրորա Մարտիկյանի մասին հայ–գերմանական կինոնախագծին

Ինչպիսին է Եվրո 2020-ի որակավորման փուլի ձեւաչափը

ԵՊՀ ուսանողներն այսուհետ կարող են կիսամյակի համար սահմանված ուսման վարձերը վճարել հավասարաչափ 4 ամիսների ընթացքում

Քննարկել է վիզաների ազատականացման բանակցություններ սկսելու կարեւորությունը․ Միրզոյանի հանդիպումները Գերմանիայում

«Հայինկասացիա»-ի պահոցից 20.000 ԱՄՆ դոլար գողացած անձի ինքնությունը պարզվել է․ ՔԿ

Անձնազոհության համար․ Աննա Հակոբյանը Հաց բերողի մորը հանձնել է «Տիգրան Հայրապետյան»-ի անվան մրցանակը (լուսանկարներ)

ՎՏԲ-Հայաստան Բանկը առաջարկում է Mastercard քարտերով գնումներ կատարել  ակնթարթորեն առանց PIN- ի

Դատախազությունն ուսումնասիրում է Վահան Շիրխանյանի նամակը, որն ուղղված էր Ռոբերտ Քոչարյանին

ԱՄՆ նախագահի թեկնածուն Հայոց ցեղասպանության հարցում արդարության կոչ է արել (տեսանյութ)

Տարածքների զիջումը ուղիղ ճանապարհ է Արցախի եւ Հայաստանի անվտանգության համակարգի ոչնչացման․ Մայիլյան