Ինչու է տագնապի ազդանշանը հնչելու Մարտի 1-ին. Երեւանի քաղաքապետարանի եւ ԱԻՆ-ի պարզաբանումը

Երեւանի քաղաքապետարանն այսօր տարածած հաղորդագրության մեջ տեղեկացրել էր Պոլիտեխնիկական համալսարանի մոտ մարտի մեկին անցկացվելիք ցուցադրական հատուկ տակտիկական ուսումնավարժության մասին, որի ժամանակ գործարկվելու է ազդարարման շչակ ու քաղաքացիներին հորդորել էր այդ ձայնից խուճապի չմատնվել:

Ուսումնավարժության թեման է «Քաղաքացիական պաշտպանության միջոցառումների կազմակերպումը եւ իրականացումը հակառակորդի հարձակման դեպքում»: Արտակարգ իրավիճակների նախարարությունը, մանրամասներ ներկայացնելով սպասվող միջոցառման մասին, հայտնում է.

«Մտահղացման համաձայն՝ հակառակորդը խախտել է հրադադարը եւ տարբեր տրամաչափի զենքերից սկսել է գնդակոծել ՀՀ սահմանամերձ համայնքները: Տեղեկություն կա, որ հակառակորդը սահմանին կուտակում է հրթիռային համակարգեր: Ռմբակոծվել է նաեւ Հայաստանի ազգային պոլիտեխնիկական համալսարանի 5-րդ մասնաշենքը։ Ռմբակոծության հետեւանքով մասնաշենքը զգալիորեն վնասվել է, առաջացել են հրդեհի օջախներ եւ փլուզումներ, շարքից դուրս է եկել կոմունալ-էներգետիկ համակարգը, առկա է քիմիական աղտոտվածության վտանգ եւ կան տուժածներ»: Ժամը 14:30-ի սահմաններում գործարկվելու է ազդարարման շչակը եւ ուսումնական նպատակներով հնչեցվելու է տագնապի ազդանշան:

Արտակարգ իրավիճակներում բնակչության պաշտպանության եւ քաղաքացիական պաշտպանության համակարգերի նախապատրաստման հիմնական միջոցառումների պլանը հաստատվել է Երեւանի քաղաքապետի՝ 2018 թվականի հունվարի 24-ի որոշմամբ:

Քաղաքապետարանի լրատվական ծառայությունից հետաքրքրվեցինք, թե ինչու վերոնշյալ միջոցառման օրն ընտրվել է հենց մարտի մեկը, որը քաղաքի կենտրոնում գնդակահարված տասը քաղաքացիների հիշատակը հարգելու օրն է:

«Երեւանի քաղաքապետարանը միջոցառումների պլանը յուրաքանչյուր տարի նախապատրաստում է Արտակարգ իրավիճակների նախարարության հետ համատեղ եւ այդ որոշումը վերաբերում է ամբողջ տարվա պլանին: Քանի որ հետաքրքրությունը կոնկրետ օրվան է վերաբերում, կխնդրեմ հետաքրքրվել մեր գործընկեր նախարարությունից: Ամեն դեպքում մեր կողմից վստահաբար կարող ենք ասել, որ որեւէ միտում դրա տակ դրված չէ»,- պատասխանեց Երեւանի քաղաքապետարանի տեղեկատվության վարչության պետ Արթուր Գեւորգյանը:

Արտակարգ իրավիճակների նախարարության մամուլի խոսնակ Նանա Գնդոյանն էլ պարզաբանեց, որ Մարտի մեկը քաղաքացիական պաշտպանության միջազգային օրն է, եւ միջոցառման համար ընտրված ժամանակահատվածը խորհրդանշական է:

Տագնապի ազդանշանը լսվելու է 500-700 մետր շառավղով:

Տպել
3916 դիտում

Ջերմուկի խաչմերուկից Սիսիան ճանապարհը փակ է բոլոր տեսակի տրանսպորտային միջոցների համար

Ես դեռ սիրում եմ քեզ. Ջիգարխանյանի նախկին երիտասարդ կինը դիմել է նրան ԶԼՄ-ներով

Հունվարի 13-17-ը շրջակա միջավայրին հասցված վնասի չափերով նշանակվել է 850 հազար դրամի վարչական տուգանք

Վարդաշենի 6-րդ փողոցի շենքերից մեկի շքամուտքի պատը փլուզվել է, քարերն ընկել են 2 կանանց վրա

Մայր Աթոռի պատվիրակությունը Վատիկանում մասնակցելու է երիտասարդ հոգևորականների հավաքին

Համաշխարհային մաքսային կազմակերպության փորձագետներն այցելել են Պետական եկամուտների կոմիտե

Վայքի եւ Սպիտակի ոստիկանապետները ազատվել են զբաղեցրած պաշտոններից. ոստիկանապետի պաշտոնակատարը նոր նշանակումներ է արել

Աննա Հակոբյանը ցավակցել է լուսանկարիչ Գերման Ավագյանի մահվան կապակցությամբ

Դարբնիկ գյուղի կամրջի մոտակայքում ավտոմեքենան ընկել է ջրատարը

Սաստիկ բքի և տեսանելիության բացակայության պատճառով Սարավանի լեռնանցքը փակ է, Ջերմուկի ճանապարհը՝ դժվարանցանելի

Կայուն տեմպերով գնում ենք դեպի գարուն. ջերմաստիճանը կբարձրանա 5-7 աստիճանով. Սուրենյան

Հրդեհ Գյումրի քաղաքում. այրվել է տներից մեկի տանիքը

Երևան-Մոսկվա չվերթը չի կայացել ինքնաթիռի շարժիչի հետ կապված խնդիրների պատճառով

Հրդեհ Սիփանիկ գյուղում. այրվել են էլեկտրական մալուխներ եւ ուռենիներ

Արագածոտնի Ամբերդ ամրոց և Քարի լիճ տանող ավտոճանապարհները դեռ անորոշ ժամանակ փակ կլինեն

Հրդեհ Երևանի ավտոտեխսպասարկման կետերից մեկում. ավտոմեքենաներից մի քանիսը վերածվել է մոխրակույտի

Հանկարծամահ է եղել հայտնի լուսանկարիչ Գերման Ավագյանը

Հրդեհ Արարատի մարզի Սիփանիկ գյուղում

Իսրայելը Գոլանի բարձունքներից հրթիռներ է արձակել Դամասկոսի ուղղությամբ

Լարսը բաց է բոլոր տեսակի տրանսպորտային միջոցների համար. կուտակված մոտ 1000 բեռնատար կա