«Ընչի բդի մարդն իմանա, որ կնկա ատամները պրոթեզ են». ահաբեկել են գյումրեցի ատամնաբույժներին

Գյումրիում ատամնաբույժները բողոքի ակցիա կազմակերպեցին, եկան Շիրակի մարզպետարան, որ մարզպետ Արթուր Խաչատրյանին մի նամակ փոխանցեին եւ տեղեկացնեին, որ դեմ են կառավարության որոշմանն ու վաղվանից չեն անցնի առողջապահական համակարգի էլեկտրոնային կառավարմանը: Լրագրողների հետ զրույցում ատամնաբույժներն ասացին, որ անորոշության մեջ են: Նրանց մի մասին էլեկտրոնային տարբերակով «Արմեդ» ընկերությունն ուղարկել է ծանուցում, համաձայն որի՝ վաղվանից պետք է աշխատանքները կազմակերպեն էլեկտրոնային տարբերակով:

«Ինչ-որ մի Արմեդ կազմակերպություն կա, որի ծագումն ու պատմությունն անհայտ է, զանգում է բժիշկներին, որոնք տնտեսական գործունեություն իրականացնող սուբյեկտներ են եւ ահաբեկում են, որ էս կանենք, էն կանենք, կզրկենք լիցենզիայից, կտուգանենք: Ո՞վ է էդ կազմակերպությանը, որ նման սպառնալիքով հանդես է գալիս, արդյո՞ք ինքը էդ լիազորություններն ունի, եթե այո, ապա որտեղ է դա հավաստված, երրորդ, մարդիկ նամակ են ստանում առանց պետական որեւէ պայման հաստատող վավերակնիքի, սա ի՞նչ է»,- բողոքեց ՇՄ առեւտրարդյունաբերական պալատի նախագահ Կարեն Պետրոսյանը:

Մինչ մարզպետարանի դիմաց ատամնաբույժները վրդովված քննարկում եւ Շիրակի մարզպետի հետ հանդիպում էին պահանջում, նրանց մոտեցավ ՇՄ առողջապահության վարչության պետ Մեսրոպ Բզնունին:

«Ես, ճիշտն ասած, առավոտ ժամը 7-ին ֆեյսբուքից եմ իմացել էս մասին եւ զարմացել եմ: Մարզպետարանը կամ մարզպետն իրենց  եւ խնդրի հետ որեւէ կապ չունեն, բայց հիմա, եթե հարցեր են առաջացել, մենք կընդունենք նրանց, կխոսենք, կքննարկենք, ինչով կարող եմ, ես իրանց կողքին կանգնած եմ»,- ասաց նա:Ատամնաբույժներն իրենց ընդդիմության առաջին պատճառ նշում են այն, որ մարդու անձնական կյանքի գաղտնիությունը խախտվում է:

«Համակարգը պահանջում է դիմողի տվյալների հանգամանալից մուտքագրում, անուն-ազգանունից սկսած, մինչեւ առողջական վիճակի մանրամասն նկարագրություն, ընդունած եւ նշանակված դեղերի մասին ինֆորմացիա: Սա շատ վտանգավոր երեւույթ է: Ծրագրի միջոցով ցանկացած մեկը, ով գրանցված է քարտով կարող է այդ ինֆորմացիային հասանելի լինել ու տեսնել, թե տվյալ անձն ինչ բժշկի մոտ ինչ խնդիր է ունեցել, որտե՞ղ է բուժվել, ինչ հիվանդություն է ունեցել: Այս ամենը կդառնա մասսայական եւ կառավարել չի լինի: Եթե բժիշկները միայն օգտվեին, լավ,  բայց եթե պիտի օգտվի միջին բուժպերսոնալը կամ ինչ-որ օպերատորներ, օպերատորն էլ ինքը մասնագետ չէ, ուստի՝ բժիշկն իր ինֆորմացիան կառավարել չի կարողանա եւ դրա տերը չի լինի այլեւս»,- բողոքեց ատամնաբույժ Էմիլ Ավետիսյանը:

Առաջնային է նաեւ ազգային անվտանգության խնդիրը: Որոշմամբ պարտադրվում է յուրաքանչյուր դիմողի համար լրացնել անձնական տվյալներ, նաեւ կոնտակտային տեղեկատվություն: Քանի որ աշխատանքը համացանցով է, սա, ըստ բժիշկների, լուրջ ռիսկայնություն ունի: Եթե հակերային հարձակում լինի, կամ այլ խնդիր, տվյալների ամբողջական բազան կարող է վերանալ, կամ հայտնվել թշնամու ձեռքում:

Նեղ անձնական հարցեր էլ կան: «Ըսենք թե կնկա ատամները պրոթեզ են, ամուսինն էլ չգիտի, մանավանդ, որ հիմա էնպիսի պրոթեզներ կան, որ չի զգացվում, եթե ամուսինն ուզենա, կարող է մտնել համակարգ, բացել, նայել, տեսնել ու էդ ընտանիքում լուրջ խնդիրներ կեղնին, բայց ինչի՞ համար, ընչի բդի ամեն մարդ գիտենա, թե օրինակ ես ինչ բժշկի մոտ եմ գնացել, ինչ հիվանդություն եմ ունեցել, կամ ունիմ, սխալ է ըսիգ»,-հայտարարեցին ատամնաբույժները:

Բժիշկները նաեւ ընդգծեցին, որ ֆինանսական դժվարություններ կունենան, քանի որ հավելյալ ծախսեր է պահանջվում: «Մինչեւ 140.000 դրամի ֆինանսական բեռ է ավելանում: Եւ սա մեկ բժշկի հաշվարկով: Չի բացառվում, որ նման ծախսին շատերը չեն դիմանա եւ հնարավոր է ատամնաբուժարանների մեծ մասը փակվեն, կամ բժիշկները չկարողանան այլեւս աշխատել»,- ասացին նրանք: Ինչո՞ւ Երեւանի մասնագետները չեն միանում բողոքին, գյումրեցի ատամնաբույժները պատասխանեցին, ում հետ խոսել են, դեմ են կառավարության որոշմանը, բայց ինչպես միշտ կայծը Գյումրիից են սպասում:

Այնուհետեւ քննարկումը շարունակվեց Շիրակի փոխմարզպետ Հարություն Արշակյանի աշխատասենյակում, մարզպետը Գյումրիում չէր: Խոսեցին, քննարկեցին, նամակը կարդացին: Փոխմարզպետն ասաց՝ գնացեք,  նամակը վերաշարադրեք, գրեք Շիրակի մարզպետի անունով, ստորագրեք, բերեք, կխոսենք: Ատամնաբույժները լսեցին, հեռացան նոր նամակ բերելու խոստումով՝ վստահեցնելով, որ անկախ ամեն ինչից դեմ են համակարգին եւ պահանջում են որոշման վերանայում:

Տպել
8153 դիտում

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր

Ջոն Բոլթոնը դռնփակ հանդպմանը քննադատության է ենթարկել Թրամփի արտաքին քաղաքականությունը. Politico

ԵԱՏՄ-ն կայացել է որպես ինտեգրացիոն միավորում. նրա անդամ բոլոր երկրները դրական արդյունք են արձանագրել. Մատվիենկո

ՀՀ ֆուտբոլի հավաքականն առաջադիմել է ՖԻՖԱ-ի աղյուսակում

ԱԺ-ն հրապարակեց Հրայր Թովմասյանի լիազորությունները դադարեցնելու հարցով ՍԴ դիմելու որոշման նախագիծը

Թուրք հայտնի դերասանը խոշոր գումար է վճարել հայ նկարչի կտավները ձեռք բերելու համար

ԱՄՆ-ը մտադիր է Իրանի դեմ լայն կոալիցիա ստեղծել ՄԱԿ-ի միջոցով. The Wall Street Journal

Մինչև 2024 թ.-ը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում

Վանեցյանը հաստատեց, որ մենակ չի գրել, այլ իրեն օգնել են. խնդիրը դա՞ է, թե ով է գրել. Կարապետյան

Այլ նախարարների հրաժարականների մասին քննարկում կառավարությունում չի եղել. Հակոբ Արշակյան

Եվրոպայի չեմպիոն Հարությունյանը ձեռքից բաց թողեց հաղթանակն ըմբշամարտի աշխարհի առաջնությունում

Կառավարությունը 9.4 մլն դրամ հատկացրեց՝ Թալիշում վիրավորված Հայկ Սեխլիյանի բուժումը Գերմանիայում իրականացնելու համար

Հայաստանն ու Վրաստանը կարեւորել են երկու խորհրդարանների միջև ակտիվ շփումն ու համագործակցությունը

2 մեդալով. Հունահռոմեական ոճի ըմբիշները վերադարձան Հայաստան

Հափշտակվել է շուրջ 9.3 մլն դրամ. ՔԿ-ն պաշտոնապես հաստատել է Հրայր Թովմասյանի սանիկի ձերբակալությունը