Երեւանի գարշահոտ գետնանցումի հրդեհվելը ո՞ւմ էր ձեռնտու

Երեւանի Մաշտոցի պողոտա-Լուսավորիչ-Պարոնյան փողոցների խաչմերուկի ստորգետնյա անցումը մարտի 3-ին հրդեհվել է: Այստեղ, որ նախկինում գարշահոտ էր տարածված, այսօր այրվածի ծխահոտն է բռնել: Գետնանցումն, ի դեպ, քաղաքապետարանի համար գլխացավանք էր դարձել, իսկ քաղաքապետի տեղակալ Կամո Արեյանին վերջին շրջանում հաճախ կարելի էր տեսնել այստեղ՝ շրջելիս, ուսումնասիրելիս:  

Հրդեհված տարածքի հարակից շենքում ապրող Արմիկ Վարդանյանը, որ ոստիկանների ազդանշանների ձայնից ժամը 05:30-ի սահմաններում արթնացել է ու մոտեցել լուսամուտին, տեսել է, որ գետնանցումում հրդեհը սկսել է տարածվել Պարոնյան փողոցի մուտքի հատվածից դեպի Սուրբ Սարգիս եկեղեցի: Նրա փոխանցմամբ, հրշեջները ժամանել են ոստիկաններից հետո: Պարոնյան փողոցի կողմից մեքենան հնարավորություն չի ունեցել մոտենալ այրվող տարածքին, եւ հրդեհաշիջման աշխատանքներ իրականացվել են մեկ այլ՝ ոչ այնքան մոտիկ հատվածից: Դեպքի վայրում աշխատող քննիչն ականատես բնակչին հարցրել է, թե իր կարծիքով ինչը կարող էր հրդեհի պատճառ դառնալ: Կինը, ինչպես մեզ պատմեց, պատասխանել է, որ կա՛մ էլեկտրալարերը, կա՛մ էլ այդտեղ ապրող անօթեւանները: Հոսանքալարերի պատճառով կրակի առաջացման հավանականությունն, ըստ բնակչի, քննիչը բացառել է՝ պարզաբանելով, որ մալուխները բաց չեն: Բայց թե հրդեհված տարածքի հատկապես ո՞ր մասում են անօթեւանները սովորաբար գիշերել, արդյո՞ք այն կողմում, որտեղից կրակն է տարածվել, մեր զրուցակիչը չգիտեր:

Երեւանի քաղաքապետարանի տեղեկատվության եւ հասարակայնության հետ կապերի վարչության պետ Արթուր Գեւորգյանը մեզ հետ զրույցում ասաց, որ ոստիկանությունը կատարում է հետաքննություն՝ պարզելու հրդեհի առաջացման պատճառները: «Քաղաքապետարանն իր լիազորությունների շրջանակում այդտեղ իրականացրել է մաքրման աշխատանքներ: Քաղաքապետի կողմից կա նաեւ հանձնարակական՝ այդ հրդեհի հետեւանքները վերացնելու՝ կրակից սեւացած պատերը կարգի բերելու ուղղությամբ: Եվ հետո, բնականաբար, ըստ ընթացակարգի որոշակի քայլեր կձեռնարկվեն, որ տնտեսվարողները կա՛մ կարգի բերեն իրենց սեփականություն հանդիսացող տարածքները, կա՛մ արդեն սահմանված կարգով իրենցից տվյալ տարածքները հետ կվերցվեն»,- շարունակեց Արթուր Գեւորգյանը:

Նա հավելեց, որ նախկին խանութների այդ տարածքի սեփականատարերը պատշաճ կերպով չեն կատարել իրենց պարտականությունները, ինչի պատճառով էլ ջուրն է լցվում գետնանցումում քաղաքապետարանի կատարած աշխատանքները. «Նախ եւ առաջ պետք է այդտեղ գործունեություն ծավալողները բոլոր առումներով իրենց պարտականությունները պատշաճ կատարեին, բայց ինչպես այս անգամ եւս տեսնում ենք, դա չկա: Երեւանի քաղաքապետարանը պարբերաբար այդտեղ մաքրման աշխատանքներ իրականացնում է, կոտրվող լույսերը պարբերաբար փոխում է, բայցեւայնպես կարծես թե այդ աշխատանքը ջուրն է լցվում որոշ անբարեխիղճ նախ քաղաքացիների, ապա նաեւ այդ տարածքների սեփականատերի պատճառով, որոնք իրենց պարտականությունները չեն կատարել»:

Կարծիք կա, որ ստորգետնյա անցումի սեփականաշնորհված հատվածում բռնկված հրդեհը հնարավոր է միտումնավոր է եղել: Դա քաղաքապետարանի շահերից կարող էր բխել այն առումով, որ եւս մեկ փաստարկ կլինի՝ սեփականատերերին ապացուցելու, որ տարածքի ներկայիս բարձիթողի վիճակը, բացի հակահիգիենիկ լինելուց, նաեւ վտանգավոր է, հետեւաբար տարածքի բարեկարգման աշխատանքներն անհետաձգելի են ու պետք է հրաժարվել դրա նկատմամբ իրավունքներից:

«Չե՞ք կարծում, որ նմանատիպ հարցերը կոնկրետ իրավական հարթության պարզելիքն է, եւ պատասխաններն այդ հարթությունում պիտի փնտրել: Կարծում եմ՝ դուք արդեն մեղադրանք ենք հնչեցնում: Եթե ունեք հիմնավոր փաստեր, խնդրում եմ դիմել իրավապահ մարմիններին: Կարծում եմ դա կհետաքրքրի իրենց: Ինչի՞ մասին է խոսքը: Կներեք, բայց դա ֆանտաստիկայի ժանրից է: Ինչ վերաբերում է մեզ ձեռնտու լինելուն, քաղաքապետարանին եղել է, կա ու շարունակելու է մնալ ձեռնտու այն տարբերակը, որ բոլոր տնտեսվարողներն իրենց ստանձնած պարտավորությունները պատշաճ կատարեն: Եթե բոլորը իրենց ստանձնած պարտավորությունները պատճաշ կատարեն, ես ուղղակի կարող եմ վստահեցնել, որ մենք առնվազն չենք ունենա անխնամ տարածք: Սա է մեզ համար ձեռնտուն, ոչ թե ինչ-որ բան այրելը: Չի կարելի ամեն ինչի տակ ինչ-որ բան փնտրել»,- արձագանքեց քաղաքապետարանի պաշտոնյան:

Նա ասաց, թե չի տիրապետում՝ ովքեր են հրդեհված ստորգետնյա անցումում նախկին խանութների տարածքի սեփականատերերը: Նրանց մասին ավելի վաղ մեզ հետ զրույցում չէր հիշել նաեւ քաղաքապետի առաջին տեղակալ Կամո Արեյանը, որին հանդիպել էինք տարածքը հերթական անգամ ուսումնասիրելիս: «Ճիշտն ասած՝ ուզում ենք սա կարգի բերել: Սեփականատեր ունի սա: Կարծես դարձել է իմ անձնական հսկողության թեման՝ մաքրություն, հիգիենիկ վիճակ, ախտահանում: Ուղղակի այս սեփականատետերի ձեռը կրակն ենք ընկել: Պետք է հրավիրեմ, ասեմ՝ կարգի բերեք ձեր սեփականությունը: Սա էլ է սեփականություն, նա էլ, այն մյուսն էլ», «Երկու անգամ ընդունել եմ, մարդավարի, քաղաքավարի, օրենքով, կարգով բացատրել՝ ձեր սեփականությունը բերեք պատշաճ տեսքի, որ մենք կարողանանք լուսավորություն եւ մաքրությունն ապահովել», «Հրավիրել ենք քաղաքապետարան, պահանջ ենք դրել, որ կարգի բերի իր սեփականությունը: Եթե ոչ, ստիպված ենք մենք մեր հերթին միջամտել՝ հարցին իրավական լուծում տալու առումով եւ, ինչու չէ, միջոցներ ձեռնարկել՝ այս հակահիգիենիկ վիճակն այստեղից վերացնելու համար ինչ-որ պատնեշ տեղադրել: Պարզ ասեմ՝ հանուն քաղաքի, հանուն բնակչի ստիպված ենք մենք համագործակցել նաեւ իրենց հետ եւ կարգի բերել: Իսկ ինչ մնում է խնդրին, խնդիրը շատ հստակ է, այստեղ կապիտալ պետք է փոխվի ծածկը»,- նախորդ տարեվերջին մեզ հետ զրույցում ասել էր Կամո Արեյանը:

Հավելենք, որ մի քանի օր առաջ Երեւանի քաղաքապետարանը հայտարարարեց, որ վերոնշյալ ստորգետնյա անցումին կից թունելում մարտի 3-ից պետք է սկսվեն տրանսպորտային հանգույցի ստորգետնյա հատվածի ջրահեռացման համակարգի վերակառուցման եւ հանգույցի թունելային հատվածի վերանորոգման աշխատանքներ:

Նյութը տպագրվել է «Հայկական ժամանակ» օրաթերթի մարտի 6-ի համարում:

Տպել
1860 դիտում

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում

Իմ սպասումն է, որ ժողովրդի կարիքները հանգրվանային կերպով իրագործվեն. Արամ Ա-ն՝ Նիկոլ Փաշինյանին (տեսանյութ)

Դադարեք անհանգստացնել հացադուլն ընդհատելու հորդորներով. Գալստյանը մտահոգներին առաջարկում է աջակցել նշված հաշվեհամարներով

Մեկնարկեց Գաստիկի, Ծըգլի եւ Տլեի գործով վերաքննիչ բողոքների քննությունը. նրանց համար ցմահ ազատազրկում են պահանջում