Նոր զարգացումներ Ալավերդցի Վահագնի կողմից կաշառք տալու գործով. կալանավորվել է ևս մեկ քննիչ

Քրեական հեղինակություն Ալավերդցի Վահագն Աբգարյանի կողմից կաշառք տալու գործի շրջանակում նոր զարգացումներ են տեղի ունեցել:

Մեր տեղեկություններով՝ գործի շրջանակում կալանավորվել է ՀԿԳ քննության գլխավոր վարչության քննիչ Արտակ Հովհաննիսյանը: Վերջինս մեղադրվում է Վահագն Աբգարյանի կամ նրա ղեկավարած հանցավոր համագործակցության անդամների դրդմամբ պաշտոնեական լիազորությունները չարաշահելու համար: Մեր տեղեկություններով, Հովհաննիսյանը կապ է ունեցել Վահագն Աբգարյանի հետ եւ պարբերաբար տեղեկատվություն է փոխանցել նրան Կամո Փիրուզյանի սպանության գործից: Տեղեկատվության փոխանցումը եղել է այն ժամանակ, երբ Փիրուզյանի սպանության գործը ուղարկվել է ՀԿԳ քննության գլխավոր վարչություն:

Այսպիսով, այս գործի շրջանակներում կալանավորվածների թիվը հասավ երեքի. մասնավորապես՝ կալանքի տակ է գտնվում ՀՀ քննչական կոմիտեի Լոռու մարզային քննչական վարչության արդեն նախկին պետ Թաթուլ Շուշանյանը եւ ՀՀ քննչական կոմիտեի Լոռու մարզային քննչական վարչության ծառայողը ավագ քննիչ Արայիկ Ներսիսյանը եւ ՀԿԳ քննիչ Արտակ Հովհաննիսյանը:

Երեքն էլ ՀՀ քննչական կոմիտեի նախագահ Աղվան Հովսեփյանի հրամանով փետրվարին ազատվել էին զբաղեցրած պաշտոններից:

ՀՀ հատուկ քննչական ծառայության մամուլի խոսնակ Մարինա Օհանջանյանը մեր զրույցում հաստատեց ՀԿԳ քննիչ կալանավորման մասին տեղեկությունները, սակայն այլ մանրամասներ չհայտնեց: Ի դեպ նշենք, որ ՀՔԾ-ն ընդհանրապես սույն գործի շրջանակում որեւէ պաշտոնական հաղորդագրություն չի տարածել: Մեր տեղեկություններով, առաջիկայում այս գործի շրջանակներում եւս մեկ ՀԿԳ քննության գլխավոր վարչության քննիչ կհայտնվի մեղադրյալի աթոռին:

Կամո Փիրուզյանը սպանվել է 2017 թվականին. նրա սպանության մեջ մեղադրվում է Վլադիմիր Դավթյանը, որին, ըստ մեղադրանքի պատվիրել է Վահագն Աբգարյանը: 

Ավելի վաղ գրել էինք, որ մեր տեղեկություններով, Վլադիմիր Դավթյանին ի սկզբանե նախաքննության ընթացքում, այսպես ասած, մեղմ հոդվածով է մեղադրանք առաջադրվել՝ ՀՀ ՔՕ 104 հոդվածի 1-ին մասով եւ ՀՀ ՔՕ 235 հոդվածով: Այսինքն՝ Դավթյանին խոստացել էին, որ սպանության համար նա բանտում երկար չի մնա՝ առավելագույնը 8 տարի: Այնինչ՝ Վլադիմիր Դավթյանի մեղադրանքը պետք է լիներ ոչ միայն դիտավորյալ սպանության (ՀՀ ՔՕ 104-ի 1-ին մասով), այլ՝  104 հոդվածի 2-րդ մասի 6-րդ, 7-րդ եւ 8-րդ կետերով (պատվերով սպանություն, որը կատարվել է կազմակերպված խմբի կողմից՝ շատերի կյանքի համար վտանգավոր եղանակով՝ շահադիտական դրդումներով):

Նյութը տպագրվել է «Հայկական ժամանակ» օրաթերթի մարտի 14-ի համարում:

Տպել
2737 դիտում

Բարեկենդան օրեր է, խելքս գլխես կորեր է. Գյումրիում տոնվեց Բուն Բարեկենդանը (լուսանկարներ, տեսանյութ)

Երկրաշարժ է եղել Թուրքիայի տարածքում. ցնցումները զգացվել են Շիրակի մարզում

Իրանի հետ հաղորդակցությունը 2 շաբաթով դադարեցվում է. արգելվում է նաեւ Մեղրիով մուտքը Հայաստան. վարչապետ

Թուրքիան ու Աֆղանստանը փակել են Իրանի հետ սահմանը՝ կորոնավիրուսի ներթափանցումը կանխելու նպատակով

Կոտայքի մարզի Մեղրաձոր գյուղում 18-ամյա ուսանողը դանակահարել է իր հասակակցին

Գարուն Երեւան. վարչապետը նոր լուսանկար է հրապարակել

ԵԽԽՎ համազեկուցողներն անհանգստություն են հայտնել Ադրբեջանում խաղաղ բողոքի ակցիաների ցրման առնչությամբ

Հրդեհ Տաշիր քաղաքում. այրվել է կուտակված անասնակեր

Հյուպատոսական բաժնի աշխատանքը դադարեցվել է ՀՀ քաղաքացիներին շուրջօրյա արդյունավետ ծառայություն մատուցելու համար

«Խաչասար» կոչվող հատվածում քաղաքացին ընկել և ստացել է վնասվածք. օգնել է ԱԻՆ-ը

Փետրվարի 25-ին Հայաստանի մեծ մասում սպասվում են տեղումներ. կցրտի 6-8 աստիճանով

Գավառ քաղաքում փրկարարները դուրս են բերել ձյան մեջ արգելափակված մեքենան

Թուրքիան «Patriot» համակարգերի գնման առաջարկ է ներկայացրել ԱՄՆ-ին

Այսօր Բուն Բարեկենդանն է. Երևանում սպասվում է մեծ շքերթ-տոնախմբություն

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր