Ահասարսուռ տվյալների հետքերով. ԱՆ-ն քաղցկեղի դեմ պայքարի հայեցակարգ կմշակի

Վերջին օրերին Հայաստանում դարձյալ սկսեց ակտիվորեն շրջանառվել ու տագնապ առաջացնել World Life Expectancy («Կյանքի տեւողությունն աշխարհում») էլեկտոնային պարբերականի 2016 թվականի հրապարակումը, ըստ որի՝ ուռուցքային հիվանդություններից մահացության ցուցանիշով մեր երկիրը զբաղեցնում է առաջին տեղը՝ 172 երկրների շարքում:

Կայքը, հղում անելով Առողջապահության համաշխարհային կազմակերպության (ԱՀԿ) 2014 թվականի տվյալներին, նշում է, որ Հայաստանում 100 000 բնակչի հաշվով քաղցկեղից մահվան դեպքերը կազմել են շուրջ 230: Երկրների ցանկը եզրափակում են Նիգերիան եւ Գաբոնը՝ համապատասխանաբար 53 եւ 51 դեպքերով:

ՀՀ առողջապահության նախարարություն ուղարկված հարցմամբ խնդրել էինք մեկնաբանել ներկայացաված պատկերը ու նաեւ պարզաբանել առողջապահության նախարարության դիրքորոշումը, թե Հայաստանում չարորակ նորագոյացությունների տարածմանը որքանով է նպաստում հանքարդյունաբերությունը, եւ եթե դա համարվում է դեպքերի ավելացմանը նպաստող հանգամանք, ապա արդյո՞ք մտադրություն կա համապատասխան ահազանգ հնչեցնելու եւ կոչ անելու, որպեսզի ձեռնարկվեն անհրաժեշտ միջոցառումներ՝ բնակչության առողջությունը չվտանգելու ուղղությամբ:

Չարորակ նորագոյացություններից մահվան դեպքերի քանակով Լոռու մարզը տարիներ շարունակ համարվում է առաջատար: Իսկ այստեղ, ինչպես հայտնի է, հանքարդյունաբերությունը դրված է ամուր հիմքերի վրա: Բնակչության առողջության համար պատասխանատու գերատեսչությունը, սակայն երկրի ընդերքի այս բզկտումը չի որակել մահաբեր ու առաջ քաշել տարածքի բնակիչներին պաշտպանելու անհրաժեշտության խնդիր:

«Ինչպես ամբողջ աշխարհում, այնպես էլ Հայաստանի Հանրապետությունում վերջին տարիներին նկատվում է չարորակ նորագոյացությունների հիվանդացության եւ մահացության աճի միտում: Հաշվի առնելով հիվանդացության եւ մահացության ցուցանիշների տարեց տարի արձանագրվող աճը աշխարհի գրեթե բոլոր երկրներում, այն ձեռք է բերում պետական նշանակություն: Համաձայն ԱՀԿ տվյալների՝ մահացության, հիվանդացության եւ հաշմանդամության բարձր մակարդակների համար չարորակ նորագոյացությունների մահվան արտաքին պատճառները, զարգացման ռիսկի գլխավոր գործոնները կապված են ապրելակերպի եւ վնասակար վարքագծային սովորությունների հետ»,- նշվում է ՀՀ առողջապահության նախարարության աշխատակազմի ղեկավար Նելսոն Զուլոյանից ստացված պատասխան գրության մեջ:

Զուլոյանը նաեւ տեղեկացնում է, որ նախարարի  հրամանով ստեղծվել է աշխատանքային խումբ՝ Հայաստանի Հանրապետությունում չարորակ նորագոյացությունների դեմ պայքարի հայեցակարգի մշակման նպատակով:

Անդրադառնալով World Life Expectancy կայքի հրապարակած տվյալներին, ըստ որի՝ Հայաստանում յուրաքանչյուր 100 000 բնակչի հաշվով քաղցկեղից մահանում է մոտ 230 մարդ, նշենք, որ մեր երկրի պաշտոնական վիճակագրության համաձայն նույն 2014 թվականին այդ ցուցանիշը կազմել է մոտ 190 դեպք՝ 100 հազար բնակչի հաշվով:

Լուրը տպագրվել է «Հայկական ժամանակ» օրաթերթի մարտի 14-ի համարում:

Տպել
2695 դիտում

Որտեղ է տեղակայվելու Ղարաբաղում հրադադարի վերահսկման ռուս-թուրքական կենտրոնը. Թուրքիան կողմ է, Ռուսաստանը՝ դեմ

Սեր՝ պատերազմից հետո․ Արցախից Վանաձորում ապաստանած 55-ամյա Հայկազն ու Ռուզանը 2 օրից կամուսնանան

Հաբեթնակ Կուրղինյանը հրապարակել է ազատ ոճի ըմբշամարտի Հայաստանի հավաքականի կազմը

Քարակերտ համայնքում ասֆալտապատվել են Պարույր Սևակ, Գայ և Մովսես Խորենացի փողոցները

Գուտերեշը կոչ է արել Երեւանին ու Բաքվին վերսկսել բանակցությունները ԵԱՀԿ Մինսկի խմբի հովանու ներքո

ՀՀ թեկնածուն ընտրվել է Եվրոպայի խորհրդի՝ Մարդկանց թրաֆիքինգի դեմ պայքարի հարցերով փորձագետների խմբի անդամ

Արցախի ԱԳՆ-ն ողջունում է Ֆրանսիայի ԱԺ կողմից Արցախի ճանաչման անհրաժեշտության բանաձևի ընդունումը

Ամենայն Հայոց Կաթողիկոսն ընդունել է մարդասիրական առաքելությամբ Հայաստանում գտնվող ֆրանսիացի բժիշկներին

Նման պայմաններում հավաքականի հաղթանակն ավելի արժեքավոր էր. Արմեն Մելիքբեկյանը պատասխանել է լրագրողների հարցերին

«Ջրվեժ» անտառպարկ մուտքը պետք է դառնա անվճար հանրության համար

Այսօրվա գոռացողների կազմը համընկնում է Հոկտեմբերի 27-ի, Մարտի 1-ի շահառուների հետ. նրանք ձգտում են հեղաշրջման. Մեհրաբյան

Առողջապահության նախարարությունը վարում է ԴՆԹ նույնականացման 2-րդ սարքի ձեռքբերման բանակցություններ

Ժամանակավորապես կդադարեցվի երթևեկությունը Մյասնիկյան պողոտայի մի հատվածում

Գագիկ Ղալաչյանը հետ է կանչվել Ղազախստանում եւ Ղրղզստանում ՀՀ դեսպանի պաշտոնից

Մեծամորում ավարտվել են 2020 թվականի համար հաստատված երկու սուբվենցիոն ծրագրերից մեկով նախատեսված աշխատանքները

Իմ քայլը հիմնադրամի ջանքերով Ստեփանակերտում բացվել է անվճար հացատուն (լուսանկարներ)

ԱԱՏՄ-ն 3 մարզկենտրոնների դեղատներում, գեղեցկության սրահներում, առևտրի մանրամեծածախ կետերում ստուգայցեր է իրականացրել

Ամասիայի և Աշոցքի տարածաշրջանների ավտոճանապարհներին տեղ-տեղ առկա է մերկասառույց

Արարատ Միրզոյանը ակադեմիական շրջանակի ներկայացուցիչների հետ քննարկել է հասարակությանը հուզող մի շարք հարցեր

Արցախում է ՌԴ զինված ուժերի ինժեներական զորքերի պետ, գեներալ-լեյտենանտ Յուրի Ստավիցկին. հանդիպել են ԱՀ նախագահի հետ