Սկրիպալի թունավորման գործը․ Մեծ Բրիտանիան 23 ռուսաստանցի դիվանագետ է արտաքսվելու

Ռուսաստանի ու Մեծ Բրիտանիայի հարաբերությունները սրընթաց լարվում են։ Պաշտոնական Լոնդոնը Մեծ Բրիտանիայում գտնվող ռուսաստանցի նախկին գործակալ Սերգեյ Սկրիպալի թունավորման գործով 23 ՌԴ-ի դիվանագետի արտաքսելու որոշում է կայացրել:

Բրիտանական լրատվամիջոցների հաղորդմամբ, այս մասին հայտարարել էր Մեծ Բրիտանիայի վարչապետ Թերեզա Մեյը։ Նրա խոսքով, ռուսաստանցի դիվանագետներին մեկ շաբաթ ժամանակ է տրվել երկրից հեռանալու համար:

«Կառավարությունը կազմելու է «Մագնիտսկու ցուցակի» ռուսական տարբերակը եւ խստացնելու են երկիր մուտք գործող Ռուսաստանի քաղաքացիների ստուգումը»,- ասել է Թերեզա Մեյը ու հավելել, որ Ռուսաստանի հետ բարձր մակարդակի բոլոր կապերը խզվելու են։

Նշվում է նաեւ, որ Ռուսաստանի ԱԳ նախարար Սերգեյ Լավրովի Մեծ Բրիտանիա այցելելու հրավերը հետ է կանչվել:

Ավելի վաղ բրիտանական կողմը նշել էր, որ Սկրիպալին թունավորել են Ռուսաստանում արտադրած հատուկ թույնի տեսակով։

Մեծ Բրիտանիայի արտգործնախարարությունը նաեւ հայտնել էր, որ ՄԱԿ-ի Անվտանգության խորհրդի արտահերթ նիստ հրավիրելու մասին՝ ռուսական հետախուզական վարչության նախկին աշխատակից Սերգեյ Սկրիպալի եւ նրա դստեր թունավորման գործի առնչությամբ:

Մարտի 12-ին Մեծ Բրիտանիայի վարչապետ Թերեզա Մեյը հայտարարել էր, որ Սկրիպալի թունավորմանը «մեծ հավանականությամբ» ներգրավված է Ռուսաստանը:

Լոնդոնը մինչեւ մարտի 13-ը ժամանակ էր տվել Ռուսաստանին, որպեսզի Մոսկվան ներկայացնի բացատրություններ։ Կրեմլի մամուլի խոսնակ Դմիտրի Պեսկովը հայտարարել էր, որ Լոնդոնի հետ կապվել են դիվանագիտական խողովակներով եւ հայտարարել, որ Ռուսաստանը Սկրիպալի թունավորման հետ կապ չունի։

Ավելի վաղ ՌԴ ԱԳ նախարար Սերգեյ Լավրովը հայտարարել էր, որ ռուսական կողմը չի պատասխանի «Սկրիպալի գործի» վերաբերյալ Լոնդոնի վերջնագրին, մինչեւ Մեծ Բրիտանիան չկատարի քիմիական զենքի արգելման մասին հռչակագրի շրջանակում ստանձնած պարտավորությունները եւ չապահովի նյութին հասանելիությունը, որով թունավորվել են ռուս նախկին սպա Սերգեյ Սկրիպալը եւ նրա դուստր Յուլյան:

Ռուսաստանի Գլխավոր հետախուզական վարչության նախկին աշխատակից Սերգեյ Սկրիպալը եւ նրա դուստր Յուլյան անգիտակից վիճակում հայտնաբերվել են մարտի 4-ին Մեծ Բրիտանիայի Սոլսբերիի այգու նստարանին:

Նրանց տեղափոխել են հիվանդանոց ծայրահեղ ծանր վիճակում, նրանք մինչեւ հիմա կոմայի մեջ են, բժիշկները նրանց վիճակը կայուն ծանր են գնահատում: Ոստիկանությունում պարզել են, որ նրանք թունավորվել են նյարդակաթվածահարող նյութով, թունավորված են եղել եւս 20 մարդ, այդ թվում՝ ոստիկան, որն առաջինն է այցելել դեպքի վայր եւ Սկրիպալի տուն: Թունավորման փաստով հարուցվել է քրեական գործ մահափորձի հանցակազմով:

Տպել
2237 դիտում

Վարչապետը քիչ անց կհանդիպի անհետ կորած եւ գերեվարված զինվորների ընտանիքների անդամներին․ վարչապետի մամուլի խոսնակ

ՀՀ սահմանից ներս ներխուժում տեղի չի ունցել, որևէ նոր զիջում տեղի չի ունեցել. Ռուբեն Ռուբինյան

ԵՄ-ն խիստ պատժամիջոցներ կկիրառի Թուրքիայի դեմ՝ Միջերկրական ծովում ապօրինության եւ Ղարաբաղում միջամտության համար

ՀՀ սահմաններից ներս ադրբեջանական բանակի զինվորներ չկան․ Գնել Սանոսյան

Գյումրիում ռուս զինծառայողի դի է հայտնաբերվել. ռուսական կողմը քննություն է սկսել

Հրդեհ է բռնկվել է Նոյեմբերյան քաղաքի երկհարկանի տներից մեկի նկուղում․ ԱԻՆ

Բաքվում Ֆրանսիայի դեսպան Զակարի Գրոսսը կանչվել է Ադրբեջանի ԱԳՆ. РИА Новости

Վայոց ձորի մարզի 7 համայնքում իրականացվում է սուբվենցիոն 27 ծրագիր

Երիտասարդներն ուժեղ էին փորձառուներից. ավարտվել է ազատ ոճի ըմբշամարտի Հայաստանի առաջնությունը

Վերսկսվել են Մոսկվա-Գյումրի-Մոսկվա երթուղով չվերթերը

Թշնամու 15 տանկ խոցած Արցախի հերոս Դավթի մարմինը մի քանի օր առաջ են գտել․ մանրամասներ

ԱԺ նախագահ Արարատ Միրզոյանը նամակ է հղել Ֆրանսիայի Սենատի նախագահ Ժերար Լարշեին

Զառիթափ համայնքի սահմանամերձ Սերս բնակավայրում իրականացվում են գիշերային լուսավորության կառուցման աշխատանքներ

«Ալաշկերտը» հաղթեց առաջատարին, «Վանն» ուժեղ գտնվեց «Շիրակից»

Հայտնաբերվել է փողոցում մի կնոջ պարանոցից ոսկյա շղթա հափշտակած և փախուստի դիմած տղամարդը (տեսանյութ)

Արցախի հետ Հայաստանի նախկին սահմանի փոխարեն ձևավորվել է սահման՝ Հայաստանի և Ադրբեջանի միջև․ ՊՆ

Ճամբարակ քաղաքում ձյուն է տեղում․ ՀՀ տարածքում ավտոճանապարհներն անցանելի են

Կարմիր Խաչը գերիների ավելի մեծ ցուցակ ունի, քան Ադրբեջանն է հաստատում․ ըստ պատգամավորի՝ աշխատում են մի քանի օղակներով

Սուբվենցիոն ծրագրով ավարտին են մոտենում Արմավիր քաղաքի 12 բակային տարածքների հիմնանորոգման աշխատանքները

Լեռնուտում 70 երեխայի համար նախատեսված մանկապարտեզ է վերակառուցվում