Լայնածավալ զորավարժություննե՞ր, թե՞ քարոզարշավ

Մարտի 12-ին Ադրբեջանի պաշտպանության նախարարությունը հայտնեց «խոշորամասշտաբ» զորավարժության մեկնարկի մասին: Դրան, ըստ Ադրբեջանի ՊՆ-ի, ներգրավված է լինելու նոր զինտեխնիկա: Զորավարժությունը կշարունակվի մինչեւ մարտի 17-ը:

Պաշտոնական Բաքուն, իհարկե, երբեւէ աչքի չի ընկել հայկական կողմի հետ ձեռք բերված պայմանավորվածությունների պարտաճանաչ եւ պատշաճ պահպանմամբ, ուստի զարմանալի չէ, որ այս անգամ եւս Ադրբեջանը չի տեղեկացրել զորավարժության անցկացման մասին: Այդ առիթով ՀՀ ԱԳՆ խոսնակ Տիգրան Բալայանն Թվիթերի իր միկրոբլոգում գրել էր. «Հատկանշական է, որ Ադրբեջանն ակնհայտորեն խախտում է ԵԱՀԿ Վիեննայի 2011թ. փաստաթղթի 5-րդ գլխի 40.1.1 կետը (որոշակի ռազմական գործունեության մասին նախապես տեղեկացնելը, ներգրավված զորքերի քանակի եւ ռազմական տեխնիկայի մասով»:

Վերոնշյալ կետը պահանջում է տեղեկացնել ռազմական գործունեության մասին այն դեպքերում, երբ դրանում ներգրավված է առնվազն 9000 մարդ` ներառյալ աջակցող զորքերը, կամ առնվազն 250 տանկ, կամ առնվազն 500 զրահամեքենա, կամ առնվազն 250 հրետանային միջոց (100մմ եւ ավելի տրամաչափով):

Համաձայն Ադրբեջանի ՊՆ հաղորդագրության զորավարժությանը ներգրավված են լինելու շուրջ 25 000 զինծառայողներ, 250 միավոր զրահատեխնիկա, շուրջ 1000 միավոր հրետանային միջոց եւ 50 միավոր ռազմական ինքնաթիռ եւ ուղղաթիռ: Նույն կառույցի հայտարարության համաձայն զորավարժությունների սցենարը ենթադրում է պայմանական հակառակորդի հարձակման հետ մղում, ապա հակահարձակում:

Ռազմինֆո մասնագիտացված կայքի Ադրբեջանի հարցերով վերլուծաբան Տարոն Հովհաննիսյանի կարծիքով այս զորավարժությունը տարբերվում է նախորդներից հենց սցենարի առումով: «Նրանք դիտարկում են այն տարբերակը, որ պայմանական հակառակորդը կարող է նպաստավոր դիրքեր, բնագծեր գրավել իրենցից: Սա իրենց գծից շեղում է, որովհետեւ իրենք մշտապես փորձում են ցույց տալ, որ մի քանի անգամ գերակշռում են եւ ավել են ամեն ինչով», - ասել է վերլուծաբանը «Նոյյան Տապան» լրատվական կենտրոնում հրավիրած ասուլիսի ընթացքում:

«Հայացք» կիրառական քաղաքականության եւ հետազոտությունների վերլուծական կենտրոնի փորձագետ Նարեկ Մինասյանը իր «Զորավարժություններ Ադրբեջանում. որո՞նք են հիմնական խնդիրները» հոդվածում զորավարժության լուծելիք խնդիրների երեք խումբ է առանձնացրել: Նախեւառաջ դրանք անմիջականորեն ռազմական խնդիրներն են՝ զորքերի փորձառաթյան առումով, ինչպես նաեւ արտասահմանյան, մասնավորապես, ըստ որոշ աղբյուրների, զորավարժության կազմակերպման փուլում ժամանած թուրք հրահանգիչների փորձի փոխանցումը ադրբեջանցիներին:

Փորձագետը նշում է Ալիեւի նախընտրական արշավի գործոնը: Ըստ Մինասյանի, չնայած նրան, որ Ալիեւի հաղթանակը առաջիկա նախագահական ընտրություններում կասկած չի հարուցում, այդուհանդերձ քաղտեխնոլոգները կրկին սկսել են շահարկել «տարածաշրջանի ամենամարտունակ բանակի» միֆը:

Երրորդ խումբը, Մինասյանի կարծիքով, արտաքին քարոզչության խնդիրներն են. «Ադրբեջանի կողմից «մկանների ցուցադրումը» մի կողմից նպատակ ունի սեփական հանրության շրջանում ամրապնդել սեփական «անպարտելիության» թեզը, մյուս կողմից պարտվողական տրամադրություններ տարածել Հայաստանի եւ Արցախի հանրային շրջանակներում»:

Մարդկային զարգացման միջազգային կենտրոնի նախագահ Թեւան Պողոսյանի կարծիքով այս զորավարժությունները նոր զինատեսակների փորձարկման նպատակ են հետապնդում: Նա նաեւ նշել է, որ մենք պետք է պատրաստ լինենք Ադրբեջանի կողմից ցանկացած սադրանքին դիմագրավելու. «Հայաստանը պետք է բաց տեքստով հայտարարի, որ N1-ի է բերում իր զորքերը, Արցախը նույնպես, քանի որ չկա որեւէ վստահություն Ադրբեջանի այսօրվա վարքագծի հանդեպ», - ասել է Պողոսյանը:

Այս առումով ուշագրավ է, որ ադրբեջանական զորավարժություններին զուգահեռ տանկային վարժանքներ են մեկնարկել Արցախում: Իհարկե, դրանք իրենց ծավալով զիջում են ադրբեջանական զորավարժություններին, բայց վարժանքների միայն փաստը բավարար մեսիջ է հակառակորդին հասկացնելու, որ հայկական կողմը ձեռքը պահում է զարկերակին:

2016 թ. ապրիլը միգուցե հենց այսպիսի մեսիջների բացակայության հետեւանք էր: Սակայն, որքան էլ նմանատիպ մեսիջները բավական լինեն բանակի զգոնությունը փաստելու համար, դրանք խիստ անբավարար են հակառակորդին սաստելու, նախահարձակ լինելու ցանկությունը վերացնելու տեսանկյունից: Թվիթերում արված հայտարարություններն առավել եւս:

Ադրբեջանին ռազմական գործողություններից հետ պահելու համար անհրաժեշտ է դիվանագիտական կոշտ, բարձրաձայն եւ թիրախային հայտարարություններ զուգորդված Արցախում զորքերի ակտիվ տեղաշարժով: Նախնական փուլում դա կարող է ստիպել Ադրբեջանին հաջորդ անգամ կատարել 2011 թ. Վիեննայում ստորագրած փաստաթղթի դրույթները: Շարունակական բնույթ կրելու դեպքում, հնարավոր է, բերի զորավարժությունների քանակի նվազեցմանը: Հայկական կողմի նման գործողություններն, իհարկե, կշահարկվեն Ադրբեջանի ղեկավարության կողմից եւ ներքին լսարանին կներկայացվեն որպես հայկական կողմի թուլություն: Սակայն, նախ եւ առաջ դա այսպես թե այնպես արվում է եւ երկրորդ՝ Ադրբեջանի բնակչության տրամադրությունները իրավիճակ չեն փոխում:

Տպել
8188 դիտում

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ

Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս

Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի

36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան

Աշխարհի Գավաթում Հայաստանը կներկայացնի 5 ծանրորդ