Ընտրելուց առաջինը բդի հայրենիքն ընտրեն, կյանքն էլ Աստված կամ կուտա, կամ՝ չէ. զոհվածի մայր

Հետմահու մեդալներ Արցախյան հերոսամարտում զոհված ոստիկաններին եւ պատվոգրեր ապրիլյան պատերազմի շիրակցի նահատակներին: «Զոհված ոստիկանների ընտանիքներին աջակցություն հկ»–ն է այս նախաձեռնության հեղինակը:

«Ձեր վիշտն ամոքել ու թեթեւացնել չենք կարող, սակայն մեր պարտքն է միշտ հիշել նրանց, ովքեր հանուն հայրենիքի եւ հանուն այսօրվա մեր ազատ կյանքի չխնայեցին ամենաթանկը՝ կյանքը»,-զոհվածների հարազատներին դիմեց «Զոհված ոստիկանների ընտանիքներին աջակցություն հկ նախագահ Լիլիթ Չիբուխչյանը:

Հանուն  հայրենիքի  զոհված իրենց զավակներին ծնողներն այլեւս գրկել չեն կարող: Յուրաքանչյուր մեդալ ու պատվոգիր վիշտը նորոգում, հպարտությունն էլ ավելի է ամրապնդում:

Գարիկ Սարիբեկյան: Անունը ազգանունը լսելիս սեւազգեստ ու փոքրամարմին մի կին դողդոջ քայլերով, թաշկինակն ամուր ափի մեջ սեղմած եւ արցունքն աչքերում քարացած առաջ քայլեց:

Ստացավ որդուն տրված հետմահու մեդալը, զգուշությամբ ու անսահման կարոտով հայացքը սահեցրեց մեդալի, այնուհետ մեդալի հետ տրվող գրքույկի վրա գրված անուն-ազգանունի վրայով: Շնչառությունը ծանրացավ, տիկին Լաուրան մտքով 24 տարի հետ գնաց: 20ամյակը չբոլորած իր Գարիկին հիշեց, ով 1994թվականին ոստիկանության զորքերի շարքում Արցախի պաշտպանական գոտի էր մեկնել:  «Առավոտը պետք է Գարիկը տուն գար, արձակուրդի թուղթը տվել էին, մոտն էր: Բայց գիշերը Վանո Սիրադեղյանը հայտարարում է, թե սեփական կամքով եւ ցանկությամբ  զորքերը պետք է  գնան եւ պահպանեն հայրենիքը: Ու Գարիկս էլ  տուն չեկավ, արձակուրդի թերթիկը գրպանը դրած բարձրացել ավտոբուս, մեկնել էր Մարտակերտ, այնուհետ Ֆիզուլի: Հենց ըդտեղ էլ ուժեղ կռիվ է եղել, Գարիկիս ընկերը վիրավորվել է, ինքն ուզել է օգնել, բայց երկուսն էլ զոհվել են»,-պատմում է Գարիկի մայրը՝  Լաուրա Գրիգորյանը:

Բոլոր այս պատմություններն ինչքան որ տարբեր, նույնքան  նման են իրար: Սկսվում են խորը հայրենասիրական գաղափարով եւ ավարտվում հանուն հայրենիքի նահատակությամբ:

«Մենք մեր երեխեքին ըդպես ենք դաստիարակել, իրանք փոքր հասակից են գիտեցել, որ կյանքի կամ  հայրենիքի  ընտրության ժամանակ առաջինը բդի հայրենիքն ընտրեն, կյանքն էլ Աստված կամ կուտա, կամ՝ չէ»,-ասում են Արցախյան պատերազմում նահատակված զինվորների ծնողները:  

Հայրենիքին մատուցած ծառայության համար Արցախյան հերոսամարտում Շիրակի մարզից զոհված 4 ոստիկան եւ Արցախյան պատերազմում նահատակված մոտ 20 զինվոր հետմահու պարգեւատրվեց:

Տպել
1403 դիտում

Տիգրան Խաչատրյանն ընդունել է «Arton Capital» կազմակերպության ներկայացուցիչներին

ԵԱՏՄ տարածքում գյուղատնտեսական արտադրանքի ծավալն աճել է 19 տոկոսով

Միշտ կարիք կա զարգացնելու մոր եւ մանկան առողջության պահպանմանն ուղղված քայլերը. Թորոսյանն այցելել է «Շենգավիթ» ԲԿ

Գորիսի և Մեղրիի ավտոճանապարհներին ձյուն է տեղում

ԵԽ-ում ՀՀ ներկայացուցիչը մասնակցել է կրթության քաղաքականության և պրակտիկայի հարցերով ղեկավար կոմիտեի նիստին

34-ամյա տղամարդուն մեղադրանք է առաջադրվել՝ ապօրինի թմրամիջոց իրացնելու համար. գործը դատարանում է

Ինձ թվում է՝ երազ է. բռնցքամարտիկ Անուշ Գրիգորյանը՝ երկար սպասված ԵԱ ոսկե մեդալի մասին

Ռոբերտ Քոչարյանը կոպիտ սխալ է թույլ տվել իմ նկատմամբ հայց ներկայացնելով. Արամ Մանուկյանը մանրամասներ է ներկայացնում

ԱՄՆ Ալաբամա նահանգը ճանաչել է Հայոց Ցեղասպանությունը

Մարգարյան-Ֆուչիկ խաչմերուկից մինչև Աբելյան-Ֆուչիկ կբարեկարգվի փողոցը, նստարանները, ցանկապատները

Նիկոլ Փաշինյանը շնորհավորել է Կասիմ-Ժոմարտ Տոկաևին՝ Ղազախստանի Հանրապետության նախագահի պաշտոնը ստանձնելու կապակցությամբ

Բախում չի լինի. Սամվել Բալասանյանը կազատագրի Գյումրու զավթված մայթերն ու կանաչ գոտիները

Գրավատների ու փոխանակման կետերի տուրքի բարձրացումը մի շարք բացասական հետեւանքների կհանգեցնի. պատգամավոր

Տիգրան Ավինյանի գլխավորությամբ կայացել է Համահայկական յոթերորդ խաղերի կազմկոմիտեի նիստը

Բժշկական հրաշք. գանգուղեղի ծանր վնասվածքով 2-ամյա Նարեկի փրկության պատմությունը (տեսանյութ)

Արմավիր քաղաքը հայտ է ներկայացրել՝ ամբողջությամբ նորոգելու-ասֆալտապատելու 2 փողոցներ՝ մայթերով

Դատախազությունը պետական շահերի պաշտպանության ուսումնասիրությամբ 36 միլիարդ դրամի վնաս է հայտնաբերել

Հաագայի դատարանը Բոսնիայի սերբ առաջնորդ Ռադովան Կարաջիչին դատապարտեց ցմահ ազատազրկման

Մալթայի երաժշտության օրեր Հայաստանում. միջմշակութային շփման հնարավորություն երաժիշտների և երաժշտասերների համար

4 հոգով դանակահարել են 53-ամյա ու 29-ամյա տղամարդկանց. ոստիկանությունը փնտրում է դանակահարողներից 2-ին