Դռները բացեք, մամուլն է գալիս. քաղաքապետարանը երկար չդիմացավ խոշորացույցի տակ աշխատելուն

Երեւանի քաղաքապետարանն, ինչպես հայտնի է, ընդամենը մի քանի ամիս դիմացավ լրագրողների խոշորացույցի տակ գտնվելուն եւ հիմա ամեն ինչ անում է՝ դրանից ձերբազատվելու համար:

Երեւանի գործող ավագանու աշխատանքը բավական մեծ հետաքրքրություն էր առաջացնում լրատվամիջոցների շրջանում, եւ այդ նիստերի ժամանակ տեղի ունեցող ոչինչ հանրության ուշադրությունից չէր վրիպում՝ ընդհուպ Հանրապետականների քթի տակ հնչած հայհոյանքներն ու վիրավորական արտահայտությունները: Եվ հետեւաբար անհրաժեշտություն է առաջացել փորձել վերադարձնել հին ու բարի ժամանակները՝ մնալ լրագրողների աչքից հեռու:

Այժմ քաղաքապետարանում լրագրողների համար ստեղծվել է առանձին սենյակ, որպեսզի նրանք ավագանու նիստը լուսաբանեն նիստերի դահլիճից դուրս՝ ուղիղ հեռարձակման միջոցով: Այսօր՝ մարտի 19-ին, կայացած նիստում լրագողները դեռ հնարավորություն ունեին նիստերի դահլիճում գտնվել, իսկ արդեն հաջորդ անգամ հավանական է կիրառվեն ծրագրվող սահմանափակումները: Մի խումբ լրագրողներ, որպես բողոքի ակցիա, երեկվա նիստը լուսաբանում էին հատուկ շապիկներով, որոնց վրա գրված էր. «Դռները բացեք, մամուլն է գալիս»:

«Դա հակասում է ՏԻՄ մասին օրենքին, որտեղ նախ նշված է, որ ավագանին հաշվետու է հանրության առջեւ, երկրորդը՝ նիստերը պետք է լինեն թափանցիկ եւ դռնբաց: Իսկ դա նշանակում է, որ բոլորն իրավունք ունեն մուտք գործել նիստերի դահլիճ, լրագրողները՝ առավել եւս, որովհետեւ նրանք դա անում են հանրության համար տեղեկատվություն ապահովելու նպատակով: Եվ փակել դռները լրագրողների առջեւ՝ նշանակում է՝ փակել դռները հանրության առջեւ: Այն լրագրողները, որոնք այսօր այս շապիկով կմտնեն լուսաբանելու, իրենց անհամաձայնությունն են հայտնում ընդհանապես այս տենդենցի նկատմամբ, որ Հայաստանը ցանկանում են դարձնել փակ դռների երկիր: Հիշեցնեմ, որ ոչ միայն ավագանու մասին է խոսքը, այլեւ կառավարությունը առհասարակ ցանկանում է դռնփակ նիստեր անցկացնել: Եվ կարծում եմ՝ այսօրվա մեր այս փոքրիկ ակցիայով մեր դիմադրությունը ցույց կտանք Հայաստանը փակ դռների վերածելու տենդենցին»,- ասաց լրագրող, «Իրավունքի ուժ» իրավապաշտպան հասարակական կազմակերպության համահիմնադիր Արման Ղարիբյանը:

Երեւանի քաղաքապետարանի տեղեղեկատվության եւ հասարակայնության հետ կապերի վարչության պետ Արթուր Գեւորգյանից փորձեցինք պարզել, թե լրագրողների հեռակա աշխատանքն ապահովելու համար անհրաժեշտ տեխնիկական միջոցները քաղաքապետարանն ունեցե՞լ է, թե նոր է ձեռք բերել: Եթե նոր է ձեռք բերել՝ ապա ինչ կարգով եւ ինչ է դա արժեցել համայնքային բյուջեի համար:

«Ձեռքբերումն իրականացվել է քաղաքապետարանի ենթակայության կառույցի՝ «Երեւան քաղաքի կառավարման տեխնոլոգիաների կենտրոն» ՓԲԸ կողմից՝ իր միջոցների հաշվին, կարծեմ՝ շահույթների: Մնացած հարցերով դիմեք պատասխանատուին»,- առաջարկեց Արթուր Գեւորգյանը:

Հարցին, թե արդեն իրավական հիմքե՞ր են նախապատրաստվել, որպեսզի հետագայում արգելվի լրագրողներին գտնվել նիստերի դահլիճում, վարչության պետը ո՛չ դրական պատասխան տվեց, ո՛չ էլ բացասական: Միայն ասաց. «Քննարկումները դեռեւս շարունակվում են: Մեր գործընկերները ներկայացրել են բազմաթիվ առաջարկեր, եւ այդ առաջարկների հիմքով արդեն, երբ ավարտեք ամեն ինչ, ձեզ անպայման լրացուցիչ կտեղեկացնենք»:

Նկատենք, որ Երեւանի ավագանու այսօրվա նիստը սովորականաից մարդաշատ էր, եւ լրագրողներն աշխատում էին էլ ավելի անհարմարավետ պայմաններում: Աթոռները, որոնք սովորաբար զբաղեցնում էին ԶԼՄ ներկայացուցիչները, մասամբ գրավել էին քաղաքապետարանի աշխատակիցները, եւ տպավորություն էր, թե այդ իրավիճակը միտումնավոր է ստեղծվել՝ հիմնավորելու, որ լրագրողների աշխատանքն այդ դահլիճում անհարմար է: Արթուր Գեւորգյանը, մեզ հետ զրույցում մեկնաբանելով քաղաքապետարանի ներկայացուցիչների մեծաքանակությունը, պատասխանեց. «Իրենց մեծաքանակությունը միշտ էլ պայմանավորված է եղել նրանով, որ հրավիրված լինում են կամ չեն լինում: Հրավիրված են եղել, այստեղ են: Ավագանու նիստին իրավունք ունեն մասնակցելու ավագանու անդամները, հրավիրված անձինք եւ հարցերի հետ կապված զեկուցողները: Այդքան բան»:

Ի դեպ, լրագրող Արման Ղարիբյանը, խոսելով ավագանու նիստերի դահլիճը լրագրողների աշխատելու համար անհարմար լինելու մասին, նկատեց, որ քաղաքապետարանի պարտավորությունն է ապահովել համապատասխան դահլիճով եւ ոչ թե առանձնացնել լրագրողներին:  

Տպել
1585 դիտում

ՀՀ դատախազության խոսնակը հավելյալ պարզաբանումներ է ներկայացնում Հարություն Մաշադյանի վերաբերյալ

Դ. Տոնոյանը հանդիպել է Հունաստանի գործընկերոջ հետ, այցելել IDEX-2019 ռազմարդյունաբերական ցուցահանդես

Ստեփանծմինդա- Լարս ավտոճանապարհը փակ է տրանսպորտային բոլոր միջոցների համար

Հայաստանի արտգործնախարարը հանդիպել է ԱՄՆ Ազգային անվտանգության խորհրդի ավագ տնօրենին

Հայ-սերբական հարաբերություններն ունեն զարգացման ներուժ. Ա. Սարգսյանը հանդիպել է Սերբիայի նախագահին

17:00-ի դրությամբ ընտրություններն ամենաակտիվը Օհանավան եւ Ակնաղբյուր համայնքներում են անցնում

Հանրապետության որոշ ավտոճանապարհներին գետնաբուք է

Թմրանյութ պահելու և օգտագործելու կասկածանքով բերման է ենթարկվել Հանրայինի հաղորդավարը

Զոհրաբ Մնացականյանը հանդիպել է Արաբական պետությունների լիգայի գլխավոր քարտուղարին

Հարություն Մաշադյանը ոչ թե կայազորի դատախազ է, այլ՝ կայազորի դատախազության դատախազ. դատախազության պարզաբանումը

Հայաստանի եւ Կիպրոսի ԱԳ նախարարները քննարկել են հայ-կիպրական համագործակցությանն առնչվող հարցերը

14:00-ի դրությամբ ՏԻՄ ընտրություններին մասնակցել է 21 հազար 130 մարդ կամ ընտրողների 33.16%-ը

Նոր Գեղի համայնքի ընտրատեղամասում լարված իրավիճակ է եղել. ԼՀԿ ներկայացուցիչը պարզաբանում է

Լևոն Աղասյանը հռչակվել է Բալկանյան երկրների չեմպիոն՝ հաղթելով ադրբեջանցուն ու թուրքին (տեսանյութ)

Երեւանում բացելով դուռը, ննջասենյակում հայտնաբերել են 53–ամյա տղամարդու կիսաքայքայված դի

Ձյան շերտում մի շարք ավտոմեքենաներ էին արգելափակվել. փրկարարները 15 ուղեւորի են տեղափոխել

11:00-ի դրությամբ ՏԻՄ ընտրություններին մասնակցել է 3276 մարդ՝ քվեարկության իրավունք ունեցողների 9,85%-ը

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում

Վրաստանի քաղաքացին Լոռու մարզում վրաերթի է ենթարկել 23-ամյա աղջկա