Հուսիկ Արան զարմացած է, որ իր գործը նախարարությունը ներկայացրել է միջազգային տոնավաճառում

Մարտի 15-ից 18-ը Գերմանիայի Լայպցիգ քաղաքում տեղի ունեցավ ամենամյա Գրքի միջազգային տոնավաճառը, որին ԳԴՀ-ում ՀՀ դեսպանության աջակցությամբ այս տարի առաջին անգամ մասնակցեց նաեւ Հայաստանը:

ՀՀ մշակույթի նախարարի տեղակալ Ներսես Տեր-Վարդանյանը «ՀԺ»-ին փոխանցեց, որ Տոնավաճառին Հայաստանի մասնակցությունն առավել ընդլայնելու նպատակով ներկայացրել են հայ դասական եւ ժամանակակից գրողների այն ստեղծագործությունները, որոնք ենթակա են թարգմանության: Ավելի քան 150 գործ է ներկայացված եղել միջազգային տոնավաճառում:

«Հրատարակիչներին առաջարկեցինք՝ տալ իրենց հրատարակած գործերը, որոնք թարգմանության համար առավել նպատակահարմար կլինեին: Հիմնական նպատակն է, որ գործերը թարգմանվեն տարբեր լեզուներով եւ հատկապես գերմաներենով»,- ասաց Ներսես Տեր-Վարդանյանը: Ներկայացվել են հայ դասականներից՝ Հրանտ Մաթևոսյանի, Հովհաննես Թումանյանի, Համո Սահյանի, Ավետիք Իսահակյանի եւ այլոց գործերը: Իսկ ժամանակակիցներից ներկայացվել են Արամ Պաչյանի, Հուսիկ Արայի, Գուրգեն Խանջյանի եւ եւս մի քանի գրողների գործեր:

Ժամանակակից գրողներից խոսեցինք Հուսիկ Արայի հետ, որը տեղյակ չէր, որ իր գործերից էլ են ներկայացված միջազգային գրքի ամենամյա տոնավաճառում, սակայն վերջինս դա դրական առաջխաղացում համարեց: Ըստ Հուսիկ Արայի՝ ՀՀ-ում հանձնաժողովներն այնքան էլ անաչառ չեն եւ միշտ առաջնորդվում են ծանոթ-բարեկամական համակրանքով կամ շփումներով, որի արդյունքում տուժում է արվեստը, գրականությունը:

«Սա նշանակում է, որ առողջանալու միտումներ կան»,-ասաց Հուսիկ Արան, որի մտահոգություններից մեկն է, որ ամբողջ աշխարհում գնահատվում է հեղինակի գործը, իսկ Հայաստանում դա այնքան էլ այդպես չէ: Հուսիկ Արան անկեղծացավ, որ նմանատիպ ծրագրի հրավեր երբևէ չի ստացել, չի էլ մասնակցել, նշեց, որ թարգամությունների կամ դրսում հանրահռչակման նմանատիպ քայլեր իր կողմից էլ չեն արվում. պասիվ է:

Մեր հարցին, թե որ լեզուներով կցանկանար, որ իր գործերը թարգմանվեին եւ արդյո՞ք ունի հատուկ ընտրած մի քանի բան, որոնք կուզենար Գերմանիայում ներկայացված լինեին, Հուսիկ Արան ասաց. «Բնականաբար, ունեմ մի քանի գործ, որ հավանում եմ, լեզվի նախընտրություն չունեմ, բայց կուզենայի ասել, որ հայ գրողն ավելի շատ խնդիր ունի ներկայանալու հայ ընթերցողին»:

Գրողը մտահոգություն հայտնեց, որ Հայաստանում գրքերի տպաքանակը  չափազանց փոքր է, քիչ է նաև գրական մամուլը, որի պատճառով հաճախ շատ տաղանդավոր ժամանակակից գրողներ փակ շրջանակում են մնում եւ ճանաչում չեն գտնում: Հուսիկ Արան նշում է, որ ինքը նախ եւ առաջ գրում է հայ ընթերցողի համար, նրա հետ է ուզում առաջինը կիսել իր գործը:

Վստահեցնում է, որ բոլոր դարերում է այդպես եղել՝ նախ ցանկացել են իրենց ընթերցողի, իրենց ժամանակակցի հետ կիսվել, ապա նոր՝ դրսի: «Եթե ժամանակն անցնում է, ապա գործը դառնում է ոչ արդիական: Ես գերմանացու համար չեմ գրում, ես հայ ընթերցողի համար եմ գրում», -ասաց Հուսիկ Արան: Նրա ցանկությունն է, որ իր գրածը հետաքրքրի նախ իր ընթերցողին, ապա գերմանացուն կամ մեկ այլ ազգի ներկայացուցչի: 

Աղունիկ Հովհաննիսյան

Նյութը տպագրվել է «Հայկական ժամանակ» օրաթերթի մարտի 23-ի համարում: 

Տպել
4411 դիտում

Հեղափոխությունից հետո ՀՀ-ԵՄ հարաբերությունները նշանակալի օրակարգ ունեն. Նիկոլ Փաշինյան

Փաշինյան Նիկոլ, գալի՞ս ես անարդարությունը վերացնելու, եթե ոչ, ուրեմն շարունակում ես Սերժի մեղադրանքը․ Արմեն Բիլյան

Վանաձորի մի շարք թաղամասեր առավոտից հոսանքազրկված են. էլցանցից կոնկրետ պատճառ չեն նշում

Ucom-ի առաջին կորպորատիվ պարտատոմսերը թույլատրվել են առևտրի AMX ֆոնդային բորսայում

Երգչուհի Գայա Արզումանյանը գրանցված աշխատող է եւ հարկեր է վճարում. պրոդյուսեր

Սամվել Կարապետյանի եղբորորդու հետ կոնֆլիկտ ունեցած գործարարը դատի է տվել մի շարք լրատվամիջոցների

Oպերայի նախկին տնօրեն Կոնստանտին Օրբելյանի ներկայացրած հաղորդման հիման վրա քրեական գործի հարուցումը մերժվել է

Դավիթ Սանասարյանի գործով նախաքննության ավարտ է հայտարարվել. մեղադրանքի ձեւակերպումների մեջ փոփոխություններ են եղել

ՀՀ քաղաքացին դիմել է Դավիթ Անանյանին եւ իր մասնաբաժինը խնդրել զբոսաշրջիկների ծախսած գումարից. Փաշինյան

Մայր Աթոռի միաբանությունն ու պաշտոնեությունը շնորհավորեցին Ամենայն Հայոց Կաթողիկոսին ծննդյան տարեդարձի առիթով

Զարգացման շոկային տեմպեր. ՀՀ և Չինաստանի վարչապետերը մեծամասշտաբ համագործակցության պայմանավորվածությունների են հասել

Արտերկրում ելույթ ունեցող 13 ֆուտբոլիստ հրավիրվել է ազգային հավաքական

Ամուլսարի նախագիծը պե՞տք է անցնի նոր ՇՄԱԳ. վարչապետն ասում է՝ ինչու է «Էլարդի» եզրակացությունն ուղարկել ուսումնասիրելու

Գյումրիում էր ՊԵԿ նախագահ Դավիթ Անանյանը

Հաղթողներին պատվոգրեր են հանձնվել. «Նուբարաշեն» ՔԿՀ-ում դատապարտյալները ծանրաքար են հրել

Դավիթ Անանյանը Գյումրիում արձանագրել է ԱՏԳ սպասարկման կենտրոնի կառուցման գործում առաջընթացն ու անելիքները

Վրաստանի «Ռուսթավի 2»-ի լրագրողները լքում են հեռուստաընկերությունը

Երկրաշարժ Շիրակի մարզում. ցնցման ուժգնությունը էպիկենտրոնային գոտում կազմել է 3-4 բալ

Ադրբեջանի տեղեկատվական ձախողումը, որից պետք է դասեր քաղի հայկական կողմը

Տասնյակ միլիոնավոր դրամների հասնող չարաշահումներ. ՊՈԱԿ-ի պատասխանատու պաշտոնատար անձինք չարաշահել են պաշտոնեական դիրքը