Երևան
12 °C
Տպագրվել է «Հայկական Ժամանակ» օրաթերթի՝ 2005 թվականի մարտի 19-ի համարում
Հայաստանի բջջային կապի երկրորդ օպերատոր «Ղ-Տելեկոմ» ընկերության գործադիր տնօրեն Ռալֆ Երիկյանը երկու օր առաջ պաշտոնապես հաստատել էր այն հանգամանքը, որ իրենց ընկերությունը եւ «ԱրմենՏելը» փոխկապակցման շուրջ չեն կարողանում համաձայնության գալ: Այս իրավիճակի համար Ռալֆ Երիկյանը մեղադրում է «ԱրմենՏելին»: Հիշեցնենք, որ փոխկապակցման հիմնական խնդիրը երկու ընկերությունների բաժանորդների փոխադարձ զանգերի սպասարկման ձեւը եւ սակագներն են, ինչպես նաեւ «Ղ-Տելեկոմի» կապի համակարգը շահագործելու համար այս ընկերության կողմից «ԱրմենՏելի» ցանցը վարձակալության սկզբունքով շահագործելու պայմանները: Նման իրավիճակ մեր նախորդ հրապարակումներում կանխատեսել էինք. «ԱրմենՏելը» փորձում է ժամանակ շահել եւ իր մրցակցի՝ երկրորդ օպերատորի ծառայությունների մատուցումը հնարավորինս հետաձգել: Ինչեւէ, ստորեւ ներկայացնում ենք հարցազրույց «Ղ-Տելեկոմի» գործադիր տնօրեն Ռալֆ Երիկյանի հետ:
- Պարոն Երիկյան, «Ղ-Տելեկոմը» ե՞րբ կկարողանա ծառայություններ մատուցել, եւ որքանո՞վ է այդ հանգամանքը պայմանավորված ձեր ընկերության եւ «ԱրմենՏելի» միջեւ առկա հակասություններով:
- Մենք ամեն ինչ անում ենք, որպեսզի որքան հնարավոր է արագ եւ սեղմ ժամկետներում մեր ընկերությունը սկսի ծառայություններ մատուցել: Բայց, որպեսզի կարողանանք ծառայություններ մատուցել, անհրաժեշտ է, որ բոլոր պայմանները ապահովված լինեն: Իսկ այդ պայմաններից ամենագլխավորը եւ կարեւորն այն է, որ մենք պետք է լծորդման պայմանագիր ունենանք «ԱրմենՏելի» հետ, որպեսզի մեր բաժանորդը հնարավորություն ունենա զանգահարելու բջջային կապի մյուս օպերատորի հեռախոսահամարներով եւ ֆիքսված կապի հեռախոսահամարներով եւ հակառակը: Բացի այդ, եթե ես ցանկանում եմ, ասենք, Սեւանում կայան տեղադրել, ապա այն Երեւանում գտնվող մայր կայանի հետ կապելու համար անհրաժեշտ են բազմաթիվ կապուղիներ: Այդ կապուղիները, «ԱրմենՏելին» տրված թիվ 60 լիցենզիայով, ես պետք է վարձակալեմ այդ ընկերությունից:
Եթե ես պայմանագիր չունեմ, ապա Սեւանի կայանը չեմ կարող տեղադրել եւ շահագործել: Այս պայմանագիրը մինչ այսօր չկա, որեւէ մի ներդրող առանց նման պայմանագրի չի ցանկանա գործունեություն ծավալել, որովհետեւ այդ փաստաթուղթը կարող է լինել նրա ներդրումների հիմնական երաշխիքներից մեկը: Այդ պայմանագիրը չկա, հետեւաբար ստացվում է, որ սարքավորումներ պետք չէ պատվիրել եւ բերել, բայց մեր նպատակը կապի ոլորտը զարգացնելն է, եւ մենք, անտեսելով այդ փաստը, սկսել ենք սարքավորումները ներկրել Հայաստան: Ստեղծված իրավիճակը մեզ մեր ծրագրերից հետ գցեց, քանի որ սարքավորումները շատ ավելի շուտ կարող էինք բերել, տարբեր օդանավակայանների տերմինալներում եւ պահեստներում դրանք պահված են: Բերված սարքավորումները սեղմ ժամկետներում կտեղադրվեն եւ կհանձնվեն շահագործման:
- Ինչո՞ւ չեք կարողանում համաձայնության հանգել, որո՞նք են ձեր եւ «ԱրմենՏելի» տնօրինության միջեւ առկա հիմնական տարաձայնությունները:
- Լծորդման պայմանները կարգավորող պայմանագրի կնքման նպատակով վարվող բանակցություններում երբեմն «ԱրմենՏելի» կողմից բերվում են անիրատեսական առաջարկություններ եւ պայմաններ, որոնց պատճառով էլ պայմանագրի կնքումն արհեստականորեն անընդհատ երկարաձգվում է: Ավելի մանրամասն այս խնդրին առայժմ չէի ցանկանա անդրադառալ:
- Կարծիքներ կան, որ «ԱրմենՏելը» պնդում է, որ լծորդման սակագները հնարավորինս բարձր լինեն:
- Այդ պայմանագիրն ունի իր բանաձեւը, որում ներառված են բազմաթիվ գործոններ, դրանցից մեկը հենց սակագների խնդիրն է: Այժմ չեմ ցանկանում կոնկրետ օրինակներ մատնանշել: Տարաձայնությունների պատճառները բազմաթիվ են, դրանցից մեկը սակագների հարցն է: Մեզ համար անընդունելի է լծորդման այն սակագնային քաղաքականությունը, որը ցանկանում է վարել մյուս օպերատորը: Մենք ներկայացրել ենք, թե մեզ ինչ է հարկավոր, եթե ունեն, թող ասեն՝ ունենք կամ չունենք, անընդհատ ձգձգում են: Ներկա վիճակն այսպիսին է: Հուսանք, որ մոտ ապագայում այս խնդիրը կկարգավորվի, եւ պայմանագիրը կստորագրվի:
- Կարծիքներ կան, որ «Ղ-Տելեկոմը» Հայաստանում մեծ թվով բաժանորդներ ունենալու համար պետք է կոշտ մրցակցություն ծավալի եւ կտրուկ ցածր սակագներն կիրառի: Ձեր ընկերությունը ի վիճակի՞ է նման սակագնային քաղաքականություն վարել:
- Եթե կարծում եք, որ երկու օպերատորների կոշտ մրցակցության արդյունքում քաղաքացիները կշահեն, սխալվում եք: Մրցակցությունում անհրաժեշտ է շատ զգույշ լինել: Մենք պետք է կարողանանք ավելի լավ ծառայություն մատուցել, եւ որքան կապը լավը կլինի, մեր ընկերությունն այնքան ավելի մրցունակ կլինի: Մեր ընկերության սակագնային քաղաքականությունը դեռ հստակեցված չէ, քանի որ դրանում մեծ դերակատարություն կարող է ունենալ վերը նշված լծորդման պայմանագիրը, որը չկա: Այսինքն, մենք պետք է իմանանք, թե ինչ ունենք, որպեսզի կարողանանք կողմնորոշվել:
- Եթե «ԱրմենՏելը» շարունակի պայմանագրի կնքումը ձգձգել, ձեր ընկերությունն ի՞նչ է անելու:
- «ԱրմենՏելին» տրված թիվ 60 լիցենզիայով նման իրավիճակներում ոլորտը կարգավորող մարմինը, այսինքն՝ տրանսպորտի եւ կապի նախարարությունը կարող է միջամտել եւ պարտադրել որպեսզի ընկերությունները իրար հետ համաձայնության գան: Մենք արդեն դիմել ենք տրանսպորտի եւ կապի նախարարությանը, որպեսզի նրանք միջամտեն, եւ խնդիրը լուծում ստանա:
- Բջջային կապի երկրորդ օպերատորի լիցենզիայի տրամադրման ընթացքը տարբեր կարծիքների տեղիք տվեց, չնայած պաշտոնապես այն ներկայացվեց իբրեւ մրցույթ, սակայն, գործնականում կառավարությունն այն առանց մրցույթի ուղղակի տվեց «Ղ-Տելեկոմին»: Եթե երկրորդ օպերատորի լիցենզիայի համար հայտարարվեր բաց մրցույթ, ապա արդյոք «Ղ-Տելեկոմը» կկարողանա՞ր հաղթել:
- Ի՞նչ իմաստ ունի այս խնդիրը կրկին բարձրացնել: Այդ ամենն այլեւս անցյալ է, պետք է նայենք ներկային եւ ապագային: Անհրաժեշտ է զարգացնել Հայաստանի կապի համակարգը: Անցյալն անցել է, ի՞նչ կարիք կա այն կրկին արծարծել:
- Իսկ ովքե՞ր են «Ղ-Տելեկոմ» ընկերության բաժնետերերը, կարծիքներ կան, որ նրանց մեջ կան նաեւ Հայաստանի բարձրաստիճան պաշտոնյաներ:
- Մեր ընկերության բոլոր բաժնետերերը լիբանանցիներ են: Տնօրենների խորհրդի նախագահը Ժան Պիեռ Ֆատուշն է: Լիբանանցիներից բացի ոչ մի ուրիշ այլ բաժնետեր չկա: Իսկ ավել մանրամասնություններ իմանալու համար ավելի ճիշտ կլինի տնօրենների նախագահից դրանք ճշտեք, ես որպես գործադիր տնօրեն՝ լիազորված չեմ բաժնետերերի վերաբերյալ հարցերին պատասխանել:
- Կարծիքներ կան, որ երբ «Ղ-Տելեկոմը» կառուցի բջջային կապի իր համակարգը եւ այն սկսի բնականոն գործել, դրանից հետո ՀՀ ղեկավարներից ոմանք պարզապես այն կխլեն ընկերության ներկայիս բաժնետերերից՝ ասենք, բաժնետոմսերի դիմաց չնչին գին վճարելով: Նման հեռանկար դուք դիտարկո՞ւմ եք եւ ինչպե՞ս եք վերաբերվում նման քննարկումներին:
- Գնանք առաջ, նայենք ապագան: Մեր լիցենզիայով արգելվում է ընկերության բաժնետոմսերը ուրիշին վաճառել: Նույն լուրերը ժամանակին տարածվում էին նաեւ «ՂարաբաղՏելեկոմի» առնչությամբ, սակայն ընկերությունն այժմ շատ լավ գործում է Ղարաբաղում, եւ նրա բաժնետոմսերը մնում են բաժնետերերին, եւ ոչ մեկը նրանցից դրանք չի խլել: Նման բաների մասին կարիք չկա մտածել, մտածենք կապի ոլորտը զարգացնելու մասին: Հայաստանին անհրաժեշտ է զարգացած կապ, որովհետեւ այն բերում է ներդրողներ ոչ միայն այս հանրապետություն այլ նաեւ տարածաշրջան:
- Դուք վստա՞հ եք, որ զարգացած կապի համակարգ կառուցելուց հետո ընկերությունը ձեզանից չեն խլի:
- Պատասխան չունեմ:
- Տրանսպորտի եւ կապի նախարարը մոտ մեկ ամիս առաջ ձեր ընկերության անունից հայտարարեց, որ դուք 100 միլիոն եվրո արժողությամբ սարքավորումներ եք գնել, դուք հաստատո՞ւմ եք, որ այդ արժողությամբ սարքավորումներ եք գնել:
- Պարոն նախարարը հայտարարեց, մենք նրա հայտարարությունը հարգում ենք: Այս առնչությամբ չեմ ցանկանում ո՛չ բացասական եւ ո՛չ էլ դրական պատասխան տալ: Մենք պարտավոր չենք ասել, թե որքան գումար ենք ծախսել, մեր պարտավորությունը որակյալ կապ ապահովելն է, կարող է 100, 500 կամ մեկ միլիոն եվրո ենք ծախսել, ի՞նչ էական է:
- Հարյուր միլիոնի մասին հայտարարությանը «ԱրմենՏելում» լուրջ չեն ընկալում, եւ կարծիքներ կան, որ եթե «Ղ-Տելեկոմի» բաժնետերերը այդքան գումարներ ունեին, ապա դրանց մի քանի տասնյակ ավելացնելով՝ կարող էին ողջ «ԱրմենՏելը» գնել:
- Ես չգիտեմ «ԱրմենՏելում» ինչ են ասում, նրանք ազատ են իրենց տեսակետն արտահայտելու հարցում: Հավատում են, թե չեն հավատում, դա մեզ չի հետաքրքրում: Նրանք 7 տարուց ավել աշխատում են Հայաստանի կապի ոլորտում, տեսնում ենք, թե ինչպիսի խայտառակ համակարգ է, մինչ օրս ո՞ւր է նրանց որակյալ կապը: Այժմ մեր ընկերությունը ցանկանում է զարգացնել կապի ոլորտի մի մասը:
Վահագն Հովակիմյան
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ