Արգենտինայում ՀՀ դեսպանի համանախագահությամբ նշեցին Ֆրանկոֆոնիայի միջազգային օրը

22/03/2018 schedule21:40

Արգենտինայի ԱԳՆ Սան Մարտին պալատի «Լիբերտադոր» սրահում` ԱԳ նախարար Խորխե Ֆորիի նախագահությամբ մարտի 20-ին տեղի ունեցավ Ֆրանկոֆոնիայի միջազգային օրվա առթիվ կազմակերպված միջոցառումը, որի համանախագահներն էին Արգենտինայում ՀՀ դեսպան Էսթերա Մկրտումյանը և Ֆրանսիայի դեսպան Պիեր Անրի Գինյարը:

ՀՀ ԱԳՆ լրատվական ծառայության փոխանցմամբ, միջոցառումը մեկնարկեց ԱՀ ԱԳ նախարարի ողջույնի խոսքով, այնուհետև ելույթներով հանդես եկան Հայաստանի և Ֆրանսիայի դեսպանները: Խորխե Ֆորին իր ելույթում մասնավորապես նշեց, որ 2016թ. դառնալով Ֆրանկոֆոնիայի միջազգային կազմակերպության դիտորդ անդամ` Արգենտինան ի դեմս նախագահ Մաուրիսիո Մակրիի կառավարությանը ցանկանում է ընդլայնել ֆրանկոֆոն պետությունների հետ իր քաղաքական, տնտեսական և մշակութային կապերը: ԱՀ ԱԳ նախարարը կարևորեց նաև Արգենտինայի վրա մեծ ազդեցություն թողած ֆրանսիական մշակույթի և ժողովրդավարական մտածելակերպի դերը, շեշտելով, որ դրանք ոչ միայն խթան են հանդիսացել Արգենտինայի անկախության պայքարի համար, այլ նաև կազմել են Արգենտինայի մշակութային կյանքի և աշխարհի հետ հարաբերակցվելու հենքը:

Արգենտինայում ՀՀ դեպան Էսթերա Մկրտումյանն իր ելույթում ներկայացնելով հայ-ֆրանսիական բարեկամության պատմությունը, մասնավորապես ասաց. «Հայ և ֆրանսիացի ժողովուրդների բարեկամությունը հազարամյա պատմություն ունի: Այս առումով առանցքային է 12-14-րդ դարի Կիլիկյան թագավորության ժամանակաշրջանը, երբ առավելապես սերտացան հայ-ֆրանսիական կապերը: Առանձնահատուկ է 19-րդ դարում հայկական մշակութային զարթոնքի վրա ֆրանսիական հզոր մշակույթի ազդեցությունը։ Ֆրանսիացի մեծ լուսավորիչների գաղափարները խորը հետք են թողել հայկական մտքի և աշխարհայացքի զարգացման վրա, հատկապես մշակութային նոր հոսանքների, ազատության ու մարդասիրության գաղափարների տարածման առումով։

Հիշարժան են 1848 թվականի սեպտեմբերի 24-ին ֆրանսիացի ականավոր քաղաքական գործիչ, նախկին արտգործնախարար Ալֆոնս դը Լամարթինի խոսքերը Փարիզի Սամվել Մուրադ վարժարանի սաների պարգևատրման արարողության ժամանակ. «Երբեք, դեռևս որևէ ժամանակաշրջանում այդքան օգտակար, ես նույնիսկ կասեի այդ աստիճանի անհրաժեշտ չի եղել փոխադարձաբար Ձեր գեղեցիկ հայոց լեզվի ուսումնասիրումը ֆրանսիացիների կողմից և ֆրանսերեն լեզվի ուսուումնասիրումը հայերի կողմից` իմանալու համար այն ամենի մասին, ինչ հիսուն տարի ի վեր տեղի է ունենում աշխարհում, թե Արևմուտքում և թե Արևելքում»:

Այնուհետև ՀՀ դեսպանը ներկայացրեց 2018թ. հոկտեմբերին Երևանում կայանալիք Ֆրանկոֆոնիայի միջազգային կազմակերպության 17-րդ գագաթաժողովի Հայաստանի նախագահության առաջնահերթությունները, օրակարգի թեմաները, «Ապրել միասին» կարգախոսի էությունը, անցկացվելիք կարևոր միջոցառումները` հատուկ ուշադրություն հրավիրելով տնտեսական ֆորումին, որի նպատակն է խրախուսել գործարարների միջև շփումները և մեկնարկել ֆրանկոֆոն գործարարների ցանց։ Իր ելույթի վերջում ՀՀ դեսպանը ներկաներին մանրամասն ներկայացրեց ՖՄԿ 17-րդ երևանյան գագաթաժողովի նոր հիմնարար փաստաթղթի` «Ապրել միասին» պակտի հայեցակարգը և նպատակները:

ՀՀ դեսպանի ելույթին հաջորդեց ՖՄԿ 17-րդ գագաթաժողովի նախապատրաստական աշխատանքների և Հայաստանի վերաբերյալ պատրաստված ֆիլմի ցուցադրումը:

Ֆրանսիայի դեսպանն իր ելույթում խոսեց Ֆրանկոֆոնիայի շարունակական առաջընթացի մասին, որը կապ է ստեղծում անցյալի, ներկայի և ապագայի միջև՝ նշելով, որ լեզուները օգնում են հաղթահարել սահմանները և տարածությունը, հնարավորություններ տալով բազմամշակույթ համագործակցության համար:

Միջոցառմանը ներկա էին ԱՀ ԱԳՆ բարձրաստիճան պաշտոնյաներ, Արգենտինայում հավատարմագրված օտարերկրյա պետությունների դեսպաններ, խորհրդարանականներ, արգենտինահայ համայնքի ազդեցիկ ներկայացուցիչներ:

Տպել
690 դիտում

2018թ. արձանագրվել է սպանության 36 դեպք. նվազագույն ցուցանիշը 1980 թվականից ի վեր. դատախազություն

Արամ Հարությունյանը Հայաստանում է գտնվում. նրա պաշտպանը հաստատեց, որ նրան չեն թույլատրել լքել երկիրը

Մեզ սպասվում է դինամիկ, շահագրգիռ ու արդյունավետ աշխատանք ԱԺ-ում. Լենա Նազարյան

Տիկնիկայինի աշխատակիցները բողոքում են Ռուբեն Բաբայանից. նրանք դիմելու են դատարան

Վերջնական որոշում այս պահին չկա. Միրզոյանը՝ կառավարության կառուցվածքի նախագծի մասին

Իշխանությունն արդեն լուծել է իր առջեւ դրված թիվ մեկ մարտահրավերը. ԱԺ նախագահը՝ Միքայել Մինասյանին

Սարքում ես Կիկոսի մահը. Գագիկ Ծառուկյանը՝ Հրանտ Մարգարյանին

Մենք հնդկահավերի ֆերմա չունենք. Մանուկյանի որդին՝ աղմուկ հանած հնդկահավերի մասին

Լեւոն Երանոսյանի կողմից պաշտոնեական լիազորություններն անցնելու փաստով նոր քրեական գործ է հարուցվել

Գագիկ Ծառուկյանը՝ 16 տարվա ընթացքում առաջին անգամ ելույթ ունենալու մասին

Դատարանը քիչ առաջ Արամ Հարությունյանին կալանավորելու որոշում կայացրեց

Երեւանի քաղաքապետարանն ամբուլատոր-պոլիկլինիկական բուժհաստատություններում հերթապահություն է սահմանել

Հայաստանը ցանկանում է խորացնել համագործակցությունը Եվրապոլի հետ. ՀՀ դեսպանը հանդիպել է կառույցի գործադիր տնօրենին

Թուրքիայի Մեջլիսը մերժել է Հրանտ Դինքի սպանության ուսումնասիրության պահանջը

Մանվել Գրիգորյանի գործով դատավորը երկրորդ անգամ մերժեց ինքնաբացարկի միջնորդությունը

ՄԻԵԴ-ում ՀՀ ներկայացուցիչը ձեռնարկում է անհրաժեշտ քայլեր Մայրապետյանի գործով դատարանի որոշումը կատարելու համար. ԱՆ

Երեւանում արտակարգ դեպք է գրանցվել. անցած գիշեր զինված մտել են «ՍԱՍ» սուպերմարկետ

Սպասվում է առանց տեղումների եղանակ, բայց ջերմաստիճանը կնվազի 3-5 աստիճանով. ԱԻՆ

Ամեն մեկս պետք է մյուսի վրա պարապի, ստորակետ գտնի. Ծառուկյանի պատասխանը՝ Միքայել Մինասյանին

Մենք Աստծո ընտրյալ ժողովուրդ ենք և հաղթելուց բացի այլ ճանապարհ չունենք. Արմեն Սարգսյան